പ്രവീൺ, ശ്രീജിത്ത്
നേമം: യുവാവ് കരമനയാറ്റിൽ മുങ്ങിമരിച്ചതുമായി ബന്ധപ്പെട്ട് സുഹൃത്തുക്കളെ മലയിൻകീഴ് പൊലീസ് അറസ്റ്റ് ചെയ്തു. പെരുകാവ് തൈവിള സ്വദേശികളായ പ്രവീൺ, ശ്രീജിത്ത് എന്നിവരെയാണ് അറസ്റ്റ് ചെയ്തത്. മനഃപൂർവമല്ലാത്ത നരഹത്യക്കാണ് കേസ്. പെരുകാവ് തുറവൂർ കുളത്തിൻകര വീട്ടിൽ പ്രശാന്ത് കുമാറിനെയാണ് ( 32 ) കരമനയാറ്റിൽ മുങ്ങിമരിച്ചനിലയിൽ കണ്ടെത്തിയത്.
പ്രശാന്ത് പുഴയിൽ മുങ്ങിത്താഴുന്നത് കണ്ടിട്ടും രക്ഷപ്പെടുത്താനോ മറ്റുള്ളവരെ അറിയിക്കാനോ സുഹൃത്തുക്കൾ ശ്രമിച്ചിരുന്നില്ല. കരമനയാർ ഒഴുകുന്ന പെരുകാവ് ശാസ്താംകോവിലിന് സമീപത്തെ കടവിലാണ് പ്രശാന്ത് മുങ്ങിമരിച്ചത്. പ്രശാന്തും അറസ്റ്റിലായവരും കരമനയാറിന് സമീപത്തിരുന്ന് മദ്യപിച്ചിരുന്നു.
തുടർന്നാണ് പ്രശാന്ത് ഈ ഭാഗത്ത് കുളിക്കാൻ ഇറങ്ങിയത്. പ്രശാന്തിേൻറത് മുങ്ങിമരണമാണെന്ന് പോസ്റ്റ്മോർട്ടം റിപ്പോർട്ടിൽ സ്ഥിരീകരിച്ചിരുന്നു. സംഭവവുമായി ബന്ധപ്പെട്ട് സുഹൃത്തുക്കളെ മണിക്കൂറുകളോളം ചോദ്യം ചെയ്തശേഷമാണ് അറസ്റ്റ് രേഖപ്പെടുത്തിയത്.
വായനക്കാരുടെ അഭിപ്രായങ്ങള് അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.