മട്ടാഞ്ചേരി: എം.ഡി.എം.എയുമായി യുവാവ് മട്ടാഞ്ചേരി പൊലീസിെൻറ പിടിയിലായി. പള്ളുരുത്തി കേമ്പിരി റോഡിൽ ചെറിയാർക്കൽ വീട്ടിൽ സി.എൻ. മുഫീസിനെയാണ് (28) അസി. പൊലീസ് കമീഷണർ വി.ജി. രവീന്ദ്രനാഥ്, ഇൻസ്പെക്ടർ തൃതീപ് ചന്ദ്രൻ എന്നിവരുടെ നേതൃത്വത്തിൽ നടത്തിയ പരിശോധനയിൽ ചക്കരയിടുക്ക് റോഡിലെ ബാങ്ക്മൂല ഭാഗത്തുനിന്ന് പിടികൂടിയത്.
ഇയാൾ സഞ്ചരിച്ച വാഹനവും പിടിച്ചെടുത്തു.പശ്ചിമ കൊച്ചിയിലെ വിദ്യാർഥികളെയും യുവാക്കളെയും വിനോദസഞ്ചാരികളെയും കേന്ദ്രീകരിച്ച് വിൽപന നടത്താനാണ് ലഹരിമരുന്ന് എത്തിച്ചതെന്ന് പ്രതി പറഞ്ഞതായി പൊലീസ് വ്യക്തമാക്കി.
എസ്.ഐമാരായ കെ.ആർ. രൂപേഷ്, മധുസൂദനൻ, അലക്സ്, സീനിയർ സിവിൽ പൊലീസ് ഓഫിസർമാരായ എഡ്വിൻ റോസ്, റെജിമോൻ, സിവിൽ പൊലീസ് ഓഫിസർ അനീഷ് എന്നിവരും പ്രതിയെ പിടികൂടിയ സംഘത്തിലുണ്ടായിരുന്നു.
വായനക്കാരുടെ അഭിപ്രായങ്ങള് അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.