ശ്രീകണ്ഠപുരം: ഓണത്തിനു മുന്നോടിയായി ചെങ്ങളായി മേഖലയിൽ ശ്രീകണ്ഠപുരം എക്സൈസ് സംഘം നടത്തിയ പരിശോധനയിൽ മാരക മയക്കുമരുന്നായ എം.ഡി.എം.എയുമായി യുവാവ് പിടിയിൽ. ചെങ്ങളായി അരിമ്പ്രയിലെ പുത്തൻ പുരയിൽ ഷബീർ (30) നെയാണ് ശ്രീകണ്ഠപുരം എക്സൈസ് റേഞ്ച് ഇൻസ്പെക്ടർ കെ.അരുൺകുമാർ അറസ്റ്റ് ചെയ്തത്. ചെങ്ങളായി - ചുഴലി റോഡിൽ അരിമ്പ്രയിൽനിന്നാണ് പ്രതി പിടിയിലായത്.
ഇയാളിൽ നിന്ന് 0.326 ഗ്രാം എം.ഡി എം.എ പിടിച്ചെടുത്തു. ഇയാൾ സഞ്ചരിച്ച സുസുകി ആക്സസ് സ്കൂട്ടിയും കസ്റ്റഡിയിലെടുത്തു.ചുമട്ടുതൊഴിലാളിയായ ഷബീർ പതിവായി മയക്കുമരുന്നുകൾ ഉപയോഗിക്കുന്നയാളാണെന്ന സൂചന ലഭിച്ചതായി അധികൃതർ പറഞ്ഞു. പ്രദേശത്ത് മയക്കുമരുന്ന് വിൽപന നടത്തുന്നവരെ പറ്റിയും അന്വേഷിക്കുന്നുണ്ട്.
വായനക്കാരുടെ അഭിപ്രായങ്ങള് അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.