representation image
Posted On
date_range Updated On
date_range കഞ്ചാവുമായി യുവാവ് പിടിയിൽ
കുഴൽമന്ദം: വിദ്യാർഥികൾക്ക് കഞ്ചാവ് എത്തിച്ചുനൽകുന്നയാൾ പിടിയിൽ. തേങ്കുറുശ്ശി തുപ്പാരക്കുളം വീട്ടിൽ അൽത്താഫ് ഹുസൈനാണ് (25) പിടിയിലായത്. കുഴൽമന്ദം എക്സൈസ് റേഞ്ച് ഇൻസ്പെക്ടറുടെ നേതൃത്വത്തിൽ തേങ്കുറുശ്ശി ഭാഗങ്ങളിൽ നടത്തിയ പരിശോധനയിലാണ് തേങ്കുറുശ്ശി കോച്ചംകുളം കളപ്പട്ടി റോഡിൽ ശബരി നഴ്സറി സ്കൂളിനു സമീപത്തുനിന്ന് 110 ഗ്രാം കഞ്ചാവുമായി ഇയാളെ പിടികൂടിയത്.
പൊള്ളാച്ചിയിൽനിന്നാണ് ഇയാൾ കഞ്ചാവ് വാങ്ങുന്നതെന്നും പാലക്കാട്ടെ വിദ്യാർഥികൾക്ക് ഉൾപ്പെടെ വിതരണം ചെയ്യാനാണ് എത്തിച്ചതെന്നും എക്സൈസ് പറഞ്ഞു. ഇയാൾക്കെതിരെ പാലക്കാട്ടെ വിവിധ സ്റ്റേഷനുകളിലായി പത്തോളം കേസുകളുണ്ട്. പരിശോധനക്ക് എക്സൈസ് ഇൻസ്പെക്ടർ വി.കെ. ശങ്കർ പ്രസാദ്, പ്രിവന്റിവ് ഓഫിസർ കെ. രാമചന്ദ്രൻ, സി.ഇ.ഒമാരായ സുജിത്കുമാർ, മാസിലമണി, ഡ്രൈവർ പ്രദീപ് എന്നിവർ നേതൃത്വം നൽകി.
വായനക്കാരുടെ അഭിപ്രായങ്ങള് അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.