അനന്തു, പ്രവീൺ കുമാർ, നന്ദു വിനോദ്
ചിങ്ങവനം: വാഹനം തട്ടിയതിന്റെ പേരിൽ യുവതിക്കുനേരെ അതിക്രമം നടത്തിയ മൂന്നുപേർ അറസ്റ്റിൽ. പായിപ്പാട് പള്ളിക്കച്ചിറ ഭാഗത്ത് ഓമണ്ണിൽ വീട്ടിൽ അനന്തു (22), തൃക്കൊടിത്താനം പാറപ്പറമ്പിൽ വീട്ടിൽ വിഷ്ണു എന്ന പ്രവീൺ കുമാർ (23), പായിപ്പാട് നാലുകോടി ഭാഗത്ത് കല്ലുംകുളം വീട്ടിൽ നന്ദു വിനോദ് (21) എന്നിവരെയാണ് അറസ്റ്റ് ചെയ്തത്.
കഴിഞ്ഞ ദിവസം കുറിച്ചി ഔട്ട് പോസ്റ്റ് ഭാഗത്ത് വെച്ച് യുവാക്കൾ പാർക്ക് ചെയ്ത കാർ മുന്നോട്ട് എടുക്കുന്ന സമയത്ത് തിരുവല്ല കോയിപ്പുറം സ്വദേശിനിയുടെ കാറിൽ ഇടിക്കുകയും തുടർന്ന് യുവതിയുമായി വാക്കേറ്റം ഉണ്ടാവുകയുമായിരുന്നു. ഇവർ യുവതിയുടെ കൈയില് കടന്നുപിടിച്ച് മോശമായി പെരുമാറുകയുമായിരുന്നു.
അനന്തു, പ്രവീൺകുമാർ എന്നിവർ തൃക്കൊടിത്താനം സ്റ്റേഷനിലെ റൗഡി ലിസ്റ്റിൽ ഉൾപ്പെട്ടവരാണ്. എസ്.എച്ച്.ഒ ടി.ആർ. ജിജു, എസ്.ഐ അലക്സ്, സി.പി.ഒമാരായ സതീഷ്, സലമോൻ, മണികണ്ഠൻ, കെ.വി. പ്രകാശ് എന്നിവർ ചേർന്നാണ് അറസ്റ്റ് ചെയ്തത്. ഇവരെ കോടതിയിൽ ഹാജരാക്കി.
വായനക്കാരുടെ അഭിപ്രായങ്ങള് അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.