മഞ്ചേരി: മഞ്ചേരി ടൗൺ കേന്ദ്രീകരിച്ച് സിന്തറ്റിക് ഡ്രഗ് വിൽപന നടത്തുന്ന രണ്ടുപേർ മഞ്ചേരി എക്സൈസിന്റെ പിടിയിൽ. മഞ്ചേരി ചെരണി സ്വദേശി പിലാത്തോടൻ വീട്ടിൽ ഷെഫീഖ് (37), മലപ്പുറം കോഡൂർ സ്വദേശി പിച്ചൻ മുത്താരുതൊടി വീട്ടിൽ മുഹമ്മദ് ഹാറൂൺ (28) എന്നിവരെയാണ് ചെരണിയിൽനിന്ന് പിടികൂടിയത്. വിപണിയിൽ മൂന്ന് ലക്ഷത്തോളം രൂപ വിലവരുന്ന 56.588 ഗ്രാം എം.ഡി.എം.എ ഇവരിൽനിന്ന് കണ്ടെടുത്തു.
ബംഗളൂരുവിൽനിന്ന് സ്ഥിരമായി സിന്തറ്റിക് ഡ്രഗുകൾ എത്തിച്ച് മഞ്ചേരി ടൗണിലും പരിസര പ്രദേശങ്ങളിലും വിൽപന നടത്തുന്ന സംഘമാണ് പിടിയിലായതെന്ന് എക്സൈസ് ഉദ്യോഗസ്ഥർ പറഞ്ഞു.പ്രതികളെ കുറിച്ച് നേരത്തെ സൂചന ലഭിച്ചിരുന്നു. ഇതിന്റെ അടിസ്ഥാനത്തിൽ മഞ്ചേരി എക്സൈസ് റേഞ്ച് ഇൻസ്പെക്ടറുടെ നേതൃത്വത്തിൽ രണ്ടാഴ്ചയോളമായി നിരീക്ഷിച്ചുവരുകയായിരുന്നു.
മഞ്ചേരി റേഞ്ച് എക്സൈസ് ഇൻസ്പെക്ടർ ഇ.ടി. ഷിജു, പ്രിവന്റിവ് ഓഫിസർ ആസിഫ് ഇഖ്ബാൽ, പ്രിവന്റിവ് ഓഫിസർ ഗ്രേഡ് മുസ്തഫ ചോലയിൽ, സിവിൽ എക്സൈസ് ഓഫിസർമാരായ കെ.പി. സാജിദ്, വി. സുഭാഷ്, ജിഷിൽ നായർ, സച്ചിൻദാസ്, ടി. ശ്രീജിത്ത്, രാജൻ നെല്ലിയായി, വനിത സിവിൽ എക്സൈസ് ഓഫിസർമാരായ സനീറ, ധന്യ എന്നിവർ സംഘത്തിലുണ്ടായിരുന്നു.
വായനക്കാരുടെ അഭിപ്രായങ്ങള് അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.