തൃശൂർ: കൂർക്കഞ്ചേരി മേഖലയിലെ വ്യാപാര സ്ഥാപനങ്ങളിൽ കവർച്ച. വലിയാലുക്കലിൽ സ്റ്റുഡിയോ, മെഡിക്കൽ ഷോപ്പ്, തുണിക്കട എന്നീ സ്ഥാപനങ്ങളിലും വലിയാലുക്കൽ ക്ഷേത്രത്തിന്റെ ഭണ്ഡാരവും കുത്തിത്തുറന്നാണ് മോഷണം നടത്തിയത്. സൂരജ് സ്റ്റുഡിയോയുടെ ഷട്ടറിന്റെ പൂട്ട് പൊളിച്ച് അകത്ത് കടന്ന മോഷ്ടാക്കൾ മൂന്ന് കാമറയും 20,000 രൂപയും മേശയിൽ സൂക്ഷിച്ചിരുന്ന സ്വർണ മോതിരവും എ.ടി.എം കാർഡും ഡിജിറ്റലൈസേഷൻ ആക്കാൻ സൂക്ഷിച്ചിരുന്ന ആധാരവുമടക്കം കവർന്നു.
സമീപത്തെ മെഡിക്കൽ ഷോപ്പിൽനിന്ന് മേശവലിപ്പിൽ സൂക്ഷിച്ച 5000 രൂപയാണ് കവർന്നത്. തുണിക്കടയുടെ ഷട്ടർ പൊളിച്ചാണ് അകത്ത് കടന്നത്. മേശയിൽ സൂക്ഷിച്ച ചില്ലറ നഷ്ടപ്പെട്ടു. ആധാരമെഴുത്ത് കടയിലും മോഷണ ശ്രമം നടന്നിട്ടുണ്ട്. വലിയാലുക്കൽ ക്ഷേത്രത്തിന്റെ ഭണ്ഡാരവും കുത്തിത്തുറന്ന് പണം കവർന്നു. നെടുപുഴ പൊലീസ് അന്വേഷണം തുടങ്ങി.
വായനക്കാരുടെ അഭിപ്രായങ്ങള് അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.