വീട്ടുടമയായ സ്ത്രീയെയും കുടുംബത്തെയും ആക്രമിച്ച വാടകക്കാരനും സുഹൃത്തും അറസ്റ്റിൽ

കൊട്ടാരക്കര: വീട്ടുടമയായ സ്ത്രീയെയും കുടുംബത്തെയും ആക്രമിച്ച കേസിൽ വാടകക്കാരനായ അവണൂർ കല്ലമ്പലത്ത് വീട്ടിൽ സജീറും (41) അമ്പലപ്പുറം ബിനു ഭവനത്തിൽ ബിനുവിനെയും (43) കൊട്ടാരക്കര പൊലീസ് അറസ്റ്റ് ചെയ്തു.

കഴിഞ്ഞ ദിവസം രാത്രിയിലാണ് സംഭവം. വാടകക്ക് താമസിച്ചിരുന്ന ബിനുവിനോട് പുറത്തുനിന്ന് വന്നവരെ താമസിപ്പിക്കരുതെന്ന് പറഞ്ഞിരുന്നു. ഈ വിരോധത്താലാണ് സജീറുമായി ചേർന്ന് കഴിഞ്ഞ ദിവസം രാത്രി 11ഓടെ കുടുംബത്തെ ആക്രമിച്ചത്.

പ്രതികൾ രണ്ടുപേരും മുമ്പും അടിപിടി കേസുകളിൽ കൊട്ടാരക്കര പൊലീസ് അറസ്റ്റ് ചെയ്തിട്ടുണ്ട്. എസ്.ഐ ശ്രീകുമാർ, എസ്.ഐ വിശ്വനാഥൻ, എസ്.ഐ മധുസൂദനൻ, എ.എസ്.ഐ ഷിബു എന്നിവരടങ്ങുന്ന സംഘമാണ് അറസ്റ്റ് ചെയ്തത്. ഇവരെ കോടതിയിൽ ഹാജരാക്കി റിമാൻഡ് ചെയ്തു.