കൊച്ചി: യുവതിയെ പീഡിപ്പിച്ച കേസിൽ മുൻകൂർ ജാമ്യം തേടി സംവിധായകൻ ബാലചന്ദ്രകുമാർ ഹൈകോടതിയിൽ. എളമക്കര പൊലീസിന്‍റെ നടപടി വ്യാജ പരാതിയിലാണെന്നും നടൻ ദിലീപാണ് കേസിന് പിന്നിലെന്നും ആരോപിച്ചാണ് ഹരജി.
ബാലചന്ദ്രകുമാർ പീഡിപ്പിച്ചെന്ന കണ്ണൂർ സ്വദേശിനിയുടെ പരാതിയിലാണ് പൊലീസ് കേസ്. കഴിഞ്ഞ ദിവസം യുവതിയുടെ മൊഴിയും രേഖപ്പെടുത്തി. 12 വർഷം മുമ്പ് പീഡിപ്പിച്ചെന്നാരോപിച്ച് യുവതി നൽകിയ പരാതി വ്യാജമാണെന്ന് ഹരജിയിൽ പറയുന്നു. നടിയെ ആക്രമിച്ച് അശ്ലീല ദൃശ്യങ്ങൾ പകർത്തിയ കേസിൽ പ്രതിയായ നടൻ ദിലീപിനെതിരെ താൻ ചില നിർണായക വെളിപ്പെടുത്തലുകൾ നടത്തിയിരുന്നു.
ഇതേ തുടർന്ന് ക്രൈംബ്രാഞ്ച് അന്വേഷണം നടന്നുവരികയാണ്. ഇതിലെ വൈരാഗ്യം മൂലം ദിലീപിന്റെ നേതൃത്വത്തിൽ കെട്ടിച്ചമച്ച കേസാണിതെന്നും മുൻകൂർ ജാമ്യം അനുവദിക്കണമെന്നുമാണ് ആവശ്യം.
വായനക്കാരുടെ അഭിപ്രായങ്ങള്‍ അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.