ന്യൂഡൽഹി: വാഹനങ്ങൾ കൂട്ടിയിടിച്ചതിനെച്ചൊല്ലിയുണ്ടായ വാക്കേറ്റത്തിനിടെ ഓട്ടോ ഡ്രൈവറെ വെടിവെച്ച് കൊന്നു. കോഡിയപുലിൽ നിന്ന് ചട്ട റെയിൽ ക്രോസിങ്ങിലേക്ക് വരികയായിരുന്ന ഒരു വാഹനവും ഇ-റിക്ഷയും തമ്മിൽ കൂട്ടിയിടിച്ചതിനെ തുടർന്നാണ് വെടിവെപ്പുണ്ടായത്. സാക്കിർ നഗർ നിവാസിയും ഓട്ടോ ഡ്രൈവറുമായ എം.ഡി സാക്വിബ് (36) ആണ് കൊല്ലപ്പെട്ടത്. തർക്കത്തിനിടെ ഓട്ടോ ഡ്രൈവർക്കുനേരെ വെടിയുതിർക്കുകയായിരുന്നു. സംഭവം കണ്ടുനിന്ന ഭിക്ഷയെടുക്കുന്ന 15കാരനു നേരെയും അക്രമികൾ വെടിയുതിർത്തു. ലവ് ഖുഷ് (15) എന്ന ഇയാൾ പരിക്കുകളോടെ രക്ഷപ്പെട്ടു. ഓടിക്കൂടിയവർ ഇരുവരെയുംഎൽ.എൻ.ജെ.പി ആശുപത്രിയിൽ എത്തിച്ചെങ്കിലും ഓട്ടോ ഡ്രൈവർ മരിച്ചിരുന്നു. സംഭവ സ്ഥലത്ത് പൊലീസ് ഫോറൻസിക് പരിശോധന നടത്തി. പ്രതികൾക്കെതിരെ പൊലീസ് കേസെടുത്ത് അന്വേഷണം ആരംഭിച്ചു. അന്വേഷണം പുരോഗമിക്കുകയാണ് എന്ന് പൊലീസ് അറിയിച്ചു.
വായനക്കാരുടെ അഭിപ്രായങ്ങള്‍ അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.