അടിമാലി: പണിക്കൻകുടി കുരിശിങ്കലിൽ ഭാര്യയെയും മകളെയും പെട്രോൾ ഒഴിച്ചു തീകൊളുത്തി കൊലപ്പെടുത്താൻ ശ്രമിച്ച കേസിൽ പ്രതി അറസ്റ്റിൽ. കുഴിക്കാട്ട് സാബുവിനെയാണ് (52) വെള്ളത്തൂവൽ പൊലീസ് അറസ്റ്റ് ചെയ്തത്. ഭാര്യ ലൂസി (50), മകൾ ആഷ്ലി (21) എന്നിവരുടെ ദേഹത്താണ് പെട്രോൾ ഒഴിച്ച ശേഷം തീകൊളുത്തിയത്. സാരമായി പൊള്ളലേറ്റ ലൂസിയും ആഷ്ലിയും കോട്ടയം മെഡിക്കൽ കോളജിൽ ചികിത്സയിലാണ്.
ലൂസി അപകടനില തരണം ചെയ്തിട്ടില്ലെന്ന് ബന്ധപ്പെട്ടവർ പറഞ്ഞു. എസ്.എച്ച്.ഒ ആർ. കുമാർ, എസ്.ഐ സജി പോൾ എന്നിവരുടെ നേതൃത്വത്തിലാണ് പ്രതിയെ അറസ്റ്റ് ചെയ്തത്. മുമ്പ് ഭാര്യയെ ഉപദ്രവിച്ച കേസിലും വിവിധ അബ്കാരി കേസുകളിലും ഇയാൾ പ്രതിയാണെന്ന് പൊലീസ് പറഞ്ഞു. അടിമാലി ജുഡീഷ്യൽ മജിസ്ട്രേറ്റ് കോടതിയിൽ ഹാജരാക്കിയ പ്രതിയെ റിമാൻഡ് ചെയ്തു.
വായനക്കാരുടെ അഭിപ്രായങ്ങള് അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.