ഉടുമ്പ് പിടിച്ച് കറിവെച്ച നായാട്ട് സംഘത്തെ ഫോറസ്റ്റ് ഉദ്യോഗസ്ഥർ പിടികൂടിയപ്പോൾ
ചിറ്റാർ: ഉടുമ്പിനെ കൊന്ന് പാകം ചെയ്ത് ഭക്ഷിച്ച നായാട്ട് സംഘത്തിലെ മൂന്ന് പേർ വനം വകുപ്പ് അധികൃതരുടെ പിടിയിലായി. കൊടുമുടി ഭാഗത്ത് ഉടുമ്പിനെ കൊന്ന് പാകം ചെയ്ത് ഭക്ഷിച്ചു കൊണ്ടിരുന്ന കുട്ടപ്പൻ (രാധാകൃഷ്ണൻ), സജി (അപ്പക്കാള), അനു എന്നിവരെയാണ് ചിറ്റാർ ഫോറസ്റ്റ് സ്റ്റേഷൻ ജീവനക്കാർ അറസ്റ്റ് ചെയ്തത്.
കാട്ടിൽ നിന്ന് പിടികൂടിയ ഉടുമ്പിനെ കറിവെച്ച് കഴിക്കുന്നതിനിടയിലാണ് രാധാകൃഷ്ണന്‍റെ വീട്ടിൽ നിന്ന് മൂന്ന് പേരെയും ഫോറസ്റ്റ് അധികൃതർ പിടികൂടുന്നത്. വടശ്ശേിക്കര റെയ്ഞ്ച് ഫോറസ്റ്റ് ഓഫീസർ ആർ.വിനോദ്, ചിറ്റാർ ഫോറസ്റ്റ് സ്റ്റേഷൻ ഡെപ്യൂട്ടി റെയ്ഞ്ച് ഫോറസ്റ്റ് ഓഫീസർ സുനിൽ.കെ, സെക്ഷൻ ഫോറസ്റ്റ് ഓഫീസർ അശോകൻ, ബീറ്റ് ഫോറസ്റ്റ് ഓഫീസർമാരായ അനസ്.ജെ, ജോസ്.എ, സുബിമോൾ ജോസഫ്, ഡ്രൈവർ ശരത് പ്രതാപ്, ഫോറസ്റ്റ് വാച്ചർ രാമചന്ദ്രൻ എന്നിവർ ചേർന്നാണ് നായാട്ട് സംഘത്തെ പിടികൂടിയത്. പ്രതികളെ 14 ദിവസത്തേക്കു റിമാൻഡ് ചെയ്തു.
വായനക്കാരുടെ അഭിപ്രായങ്ങള്‍ അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.