കണ്ണിൽ മുളക്സ്പ്രേ അടിച്ച് അതിഥിതൊഴിലാളിയുടെ ഫോൺ തട്ടിയെടുത്തു

ത​ല​ശ്ശേ​രി: സൈ​ക്കി​ളി​ൽ ജോ​ലി​ക്ക് പോ​വു​ക​യാ​യി​രു​ന്ന അ​തി​ഥി തൊ​ഴി​ലാ​ളി​യാ​യ യു​വാ​വി​നെ വ​ഴി​യി​ൽ ത​ട​ഞ്ഞ് ക​ണ്ണി​ൽ മു​ള​ക് സ്പ്രേ ​ചെ​യ്ത് ഫോ​ൺ ത​ട്ടി​യെ​ടു​ത്തു. കൊ​ള​ശ്ശേ​രി​യി​ലെ കോ​ഴി​ക്ക​ട​യി​ൽ ജോ​ലിചെ​യ്യു​ന്ന കൊൽ​ക്ക​ത്ത മി​ഡ്നാ​നാ​പൂ​രി​ലെ സു​ൽ​ത്താ​നാ​ണ് (19) ചൊ​വ്വാ​ഴ്ച പു​ല​ർ​ച്ച അ​ഞ്ചി​ന് ക​വ​ർ​ച്ച​ക്ക് ഇ​ര​യാ​യ​ത്. ജൂ​ബി​ലി റോ​ഡി​ലാ​ണ് സം​ഭ​വം.

ചാ​ലി​ൽ നാ​യ​നാ​ർ കോ​ള​നി​ക്ക​ടു​ത്താ​ണ് കൂ​ട്ടു​കാ​ർ​ക്കൊ​പ്പം സു​ൽ​ത്താ​ൻ താ​മ​സി​ക്കു​ന്ന​ത്. മ​ല​യാ​ളി​യെ​ന്ന് ക​രു​തു​ന്ന ആ​ളാ​ണ് ആക്ര​മി​ച്ച​തെ​ന്ന് സു​ൽ​ത്താ​ൻ പ​റ​ഞ്ഞു. താ​മ​സസ്ഥ​ല​ത്ത് നി​ന്നും പു​ല​ർ​ച്ച ജോ​ലി​ക്ക് പോ​കു​ന്ന​തി​നി​ട​യി​ൽ ഇ​രു​ട്ടി​ൽ പെ​ട്ടെ​ന്ന് മു​ന്നി​ലെ​ത്തി​യ ആ​ൾ സൈ​ക്കി​ൾ ത​ട​ഞ്ഞ് താ​ൻ പൊ​ലീ​സാ​ണെ​ന്ന് പ​റ​ഞ്ഞ് സു​ൽ​ത്താ​നോ​ട് തി​രി​ച്ച​റി​യ​ൽ രേ​ഖ ആ​വ​ശ്യ​പ്പെ​ട്ടു. സു​ൽ​ത്താ​ൻ കീ​ശ​യി​ൽ തി​രി​ച്ച​റി​യ​ൽ കാ​ർ​ഡ് തി​ര​യു​ന്ന​തി​നി​ടെ അ​ഞ്ജാ​ത​ൻ യു​വാ​വി​ന്റെ ക​ണ്ണി​ൽ മു​ള​ക്സ്പ്രേ ത​ളി​ച്ച് ഞൊ​ടി​യി​ട​യി​ൽ സു​ൽ​ത്താ​നി​ൽ നി​ന്നും ഫോ​ൺ ത​ട്ടി​യെ​ടു​ത്ത് കടന്നുകളയു​ക​യാ​യി​രു​ന്നു. 25,000 രൂ​പ വി​ല​വ​രു​ന്ന ഫോ​ണാ​ണ് ന​ഷ്ട​പ്പെ​ട്ട​തെ​ന്ന് സു​ൽ​ത്താ​ൻ പ​രാ​തി​പ്പെ​ട്ടു. ഫോ​ണി​ന്റെ ക​വ​റി​നു​ള്ളി​ൽ കൂ​ട്ടു​കാ​ർ​ക്കൊ​പ്പം നാ​ട്ടി​ലേ​ക്ക് പോ​വാ​നാ​യി ബു​ക്ക് ചെ​യ്ത നാ​ല് റെ​യി​ൽ​വേ ടി​ക്ക​റ്റും ഉ​ണ്ടാ​യി​രു​ന്നു. മു​ള​ക്സ്പ്രേ ക​ണ്ണി​ൽ ത​ട്ടി​യ അ​സ്വ​സ്ഥ​ത​യി​ൽ സു​ൽ​ത്താ​ൻ ത​ല​ശ്ശേ​രി ജ​ന​റ​ൽ ആ​ശു​പ​ത്രി​യി​ൽ ചി​കി​ത്സ നേ​ടി.

ജീ​വ​കാ​രു​ണ്യ പ്ര​വ​ർ​ത്ത​ക​നാ​യ മ​ട്ടാ​മ്പ്ര​ത്തെ മ​ൻ​സൂ​റാ​ണ് യു​വാ​വി​നെ ആ​ശു​പ​ത്രി​യി​ലെ​ത്തി​ച്ച് ചി​കി​ത്സ ല​ഭ്യ​മാ​ക്കാ​നും പൊ​ലീ​സി​ൽ പ​രാ​തി​പ്പെ​ടാ​നും സ​ഹാ​യി​ച്ച​ത്. ര​ണ്ട് ദി​വ​സം മു​മ്പ് ന​ഗ​ര​മ​ധ്യ​ത്തി​ലെ മു​കു​ന്ദ് മ​ല്ല​ർ റോ​ഡി​ലു​ള്ള ന​ര​സിം​ഹ ക്ഷേ​ത്ര​ത്തി​ന​ടു​ത്ത വീ​ട്ടി​ൽ ത​നി​ച്ചു താ​മ​സി​ക്കു​ന്ന വ​യോ​ധി​ക​യെ മു​ഖം മ​റ​ച്ചെ​ത്തി​യ അ​ജ്ഞാ​ത​ൻ പ​ട്ടാ​പ്പക​ൽ ആ​ക്ര​മി​ച്ച് സ്വ​ർ​ണ​വ​ള ത​ട്ടി​യെ​ടു​ക്കാ​ൻ ശ്ര​മി​ച്ച സം​ഭ​വ​വും ഉ​ണ്ടാ​യി​രു​ന്നു.