അയോധ്യയിൽ ദലിത് പെൺകുട്ടിയെ ബലാത്സംഗം ചെയ്ത് കൊലപ്പെടുത്തി മരത്തിൽ കെട്ടിത്തൂക്കി

ലഖ്നോ: അയോധ്യയിലെ മഹാരാജ് ഗഞ്ച് പൊലീസ് സ്റ്റേഷൻ പരിധിയിലെ ബോറ ബാബ ഗ്രാമത്തിൽ ദലിത് പെൺകുട്ടിയെ ക്രൂരമായി ബലാത്സംഗം ചെയ്ത് കൊലപ്പെടുത്തി മൃതദേഹം മരത്തിൽ കെട്ടിത്തൂക്കി.

ഉയർന്ന ജാതിയിൽ പെട്ട സോനു പാണ്ഡെയും കൂട്ടാളികളുമാണ് പെൺകുട്ടിയെ ക്രൂരമായി ബലാത്സംഗം ചെയ്ത് ​കൊലപ്പെടുത്തിയതെന്ന് ബന്ധുക്കൾ ആരോപിച്ചു. സംഭവം ആത്മഹത്യയാണെന്നാണ് പൊലീസ് പറഞ്ഞത്.

കുറച്ചു ദിവസം മുമ്പ് സോനു പാണ്ഡെ ദലിത് പെൺകുട്ടിയെ ബലാത്സംഗം ചെയ്യുന്നതിന്റെയും നിരവധി തവണ ശാരീരിക ബന്ധത്തിന് നിർബന്ധിക്കുന്നതിന്റെയും വിഡിയോ പുറത്തുവന്നിരുന്നു. നിരസിച്ചപ്പോൾ ഈ വിഡിയോ സമൂഹമാധ്യമങ്ങളിൽ വൈറലാകുമെന്ന് പറഞ്ഞ് സോനു പെൺകുട്ടിയെ ഭീഷണിപ്പെടുത്തുകയായിരുന്നു.