പട്ടാമ്പി: ഓങ്ങല്ലൂർ കൊണ്ടൂർക്കരയിൽ എക്സൈസ് നടത്തിയ റെയ്ഡിൽ എട്ടുലിറ്റർ ചാരായവുമായി ഒരാളെ അറസ്റ്റ് ചെയ്തു.കൊണ്ടൂർക്കര മങ്ങാട്ടിൽ വീട്ടിൽ സുരാജ് (40) ആണ് പിടിയിലായത്. അന്തർ സംസ്ഥാന തൊഴിലാളികൾ ഉൾപ്പെടെയുള്ളവർക്ക് ചില്ലറ വിൽപന നടത്തുന്നയാളാണ് പ്രതിയെന്ന് പൊലീസ് പറഞ്ഞു.
ചാരായം വാറ്റാനും എക്സൈസ്, പൊലീസ് സാന്നിധ്യം നിരീക്ഷിക്കാനും സഹായികളെ ചുമതലപ്പെടുത്തിയാണ് കൃത്യം ചെയ്തിരുന്നത്. സഹായികളെ കൂട്ടുപ്രതികളാക്കി കുറ്റപത്രം നൽകുമെന്ന് എക്സൈസ് ഇൻസ്പെക്ടർ പി. ഹാരിഷ് അറിയിച്ചു. റെയ്ഡിൽ പ്രിവന്റിവ് ഓഫിസർമാരായ എസ്. സിഞ്ചു, പി.കെ. സൽമാൻ റസാലി, സിവിൽ എക്സൈസ് ഓഫിസർ ഇ.ആർ. രാജേഷ് എന്നിവർ പങ്കെടുത്തു.
വായനക്കാരുടെ അഭിപ്രായങ്ങള് അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.