പ്രതീകാത്മക ചിത്രം
കേന്ദ്രീയ വിദ്യാലയ സംഗതൻ (കെ.വി.എസ്), നവോദയ വിദ്യാലയ സമിതി (എൻ.വി.എസ്) എന്നിവക്ക് കീഴിലുള്ള വിവിധ സ്ഥാപനങ്ങളിലേക്ക് അധ്യാപക, അനധ്യാപക തസ്തികകളിലേക്ക് റിക്രൂട്ട്മെന്റ് വിജ്ഞാപനം പുതുക്കി സെൻട്രൽ ബോർഡ് ഓഫ് സെക്കൻഡറി എജ്യുക്കേഷൻ (സി.ബി.എസ്.ഇ).
ഇതനുസരിച്ച് ഫീസ് പേയ്മെന്റ് ഉൾപ്പെടെ ഓൺലൈൻ അപേക്ഷാ പ്രക്രിയ പൂർത്തിയാക്കിയ ഉദ്യോഗാർത്ഥികൾക്ക് ഇപ്പോൾ യോഗ്യതയുള്ള മറ്റ് തസ്തികകൾക്ക് അപേക്ഷിക്കാനുള്ള അവസരം ലഭ്യമാവും. കെ.വി.എസും എൻ.വി.എസ് തസ്തികകളും തമ്മിലുള്ള യോഗ്യതാ ആവശ്യകതകളിലെ വ്യത്യാസങ്ങൾ പരിഹരിച്ചതായും അധികൃതർ വ്യക്തമാക്കി. നേരത്തെ, അപേക്ഷകർക്ക് യോഗ്യതകൾ തമ്മിൽ വ്യത്യാസങ്ങൾ മൂലം ചില തസ്തികകളിലേക്ക് അപേക്ഷിക്കാൻ കഴിഞ്ഞിരുന്നില്ല. ഇതോടെയാണ് വിജ്ഞാപനം പുതുക്കിയത്.
നിലവിലെ വിജ്ഞാപനമനുസരിച്ച് നേരത്തെ രജിസ്റ്റർ ചെയ്ത ഉദ്യോഗാർഥികൾക്ക് 2025 ഡിസംബർ 15 വരെ തങ്ങളുടെ പേജ് വഴി യോഗ്യതയുള്ള മറ്റു തസ്തികകൾക്ക് അപേക്ഷിക്കാം.
ഉദ്യോഗാർത്ഥികൾ റിക്രൂട്ട്മെന്റ് പ്രക്രിയയുമായി ബന്ധപ്പെട്ട കൂടുതൽ വിവരങ്ങൾക്ക് സി.ബി.എസ്.ഇ, കെ.വി.എസ് അല്ലെങ്കിൽ എൻ.വി.എസ് എന്നിവയുടെ ഔദ്യോഗിക വെബ്സൈറ്റ് പരിശോധിക്കണം.
വായനക്കാരുടെ അഭിപ്രായങ്ങള് അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.