ജെ.ഇ.ഇ(ജോയിന്റ് എൻട്രൻസ് എക്സാമിനേഷൻ) മെയിൻ 2025 രണ്ടാം സെഷനിലേക്ക് ഇപ്പോൾ അപേക്ഷിക്കാം. ഫെബ്രുവരി 25 ആണ് അവസാന തീയതി. അപേക്ഷ ഫീസ് ഫെബ്രുവരി 25 രാത്രി 11.50 വരെ അടക്കാൻ സാധിക്കും.
ഏപ്രിൽ ഒന്നിനും എട്ടിനും ഇടക്കാണ് പരീക്ഷ. പരീക്ഷ സംബന്ധിച്ച എല്ലാ അറിയിപ്പുകളും jeemain.nta.nic.in എന്ന വെബ്സൈറ്റിൽ യഥാസമയം ലഭിക്കും.
നാഷനല് ഇന്സ്റ്റിറ്റ്യൂട്ട്സ് ഓഫ് ടെക്നോളജി (എന്.ഐ.ടി.), ഇന്ത്യന് ഇന്സ്റ്റിറ്റ്യൂട്ട്സ് ഓഫ് ഇന്ഫര്മേഷന് ടെക്നോളജി (ഐ.ഐ.ഐ.ടി.), കേന്ദ്രസഹായത്താല് പ്രവര്ത്തിക്കുന്ന സാങ്കേതികസ്ഥാപനങ്ങള് (സി.എഫ്.ടി.ഐ.), ഈ പദ്ധതിയില് പങ്കെടുക്കുന്ന സംസ്ഥാനസര്ക്കാര് ഫണ്ടിങ്/അംഗീകാരമുള്ള സ്ഥാപനങ്ങള്/സര്വകലാശാലകള് എന്നിവയിലെ വിവിധ ബിരുദതല എന്ജിനിയറിങ്/സയന്സ്/ ആര്ക്കിടെക്ചര്/പ്ലാനിങ് എന്നിവിടങ്ങളിലേക്കുള്ള പ്രവേശനം ജെ.എ.ഇ മെയിൻ പരീക്ഷ വഴിയാണ്. ഈ പരീക്ഷ എഴുതിയാൽ മാത്രമേ ജെ.ഇ.ഇ അഡ്വാൻസ്ഡ് എഴുതാൻ സാധിക്കുകയുള്ളൂ. ഐ.ഐ.ടികളിലെ വിവിധ കോഴ്സുകളിലേക്കുള്ള പ്രവേശന പരീക്ഷയാണ് ജെ.ഇ.ഇ അഡ്വാൻസ്ഡ്.
വായനക്കാരുടെ അഭിപ്രായങ്ങള് അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.