കേന്ദ്ര ബഹിരാകാശ മന്ത്രാലയത്തിനു കീഴിൽ തിരുവനന്തപുരത്തെ വിക്രം സാരാഭായി സ്പേസ് സെൻററിൽ ഗ്രാജ്വേറ്റ് അപ്രൻറിസ് തസ്തികയിൽ 153 ഒഴിവുകളിലേക്ക് അപേക്ഷ ക്ഷണിച്ചു.
താഴെപ്പറയുന്ന വിഭാഗങ്ങളിലാണ് നിയമനം (വിഭാഗം, ഒഴിവുകളുടെ എണ്ണം എന്ന ക്രമത്തിൽ):
1. എയറോനോട്ടിക്കൽ/എയറോസ്പേസ് എഞ്ചിനീയറിങ്: 15.
2. കെമിക്കൽ എഞ്ചിനീയറിങ്: എട്ട്.
3. സിവിൽ എഞ്ചിനീയറിങ്: 10.
4. കമ്പ്യൂട്ടർ സയൻസ്/എഞ്ചിനീയറിങ്: 15.
5. ഇലക്ട്രിക്കൽ എഞ്ചിനീയറിങ്: 10.
6. ഇലക്ട്രോണിക്സ് എഞ്ചിനീയറിങ്: 38.
7. മെക്കാനിക്കൽ എഞ്ചിനീയറിങ്: 38.
8. മെറ്റലർജി: നാല്
9. പ്രൊഡക്ഷൻ എൻജിനീയറിങ്: അഞ്ച്.
മേൽപ്പറഞ്ഞ വിഭാഗങ്ങളിൽ അപേക്ഷിക്കുന്നതിന് ഒന്നാം ക്ലാസോടെ എഞ്ചിനീയറിങ് ബിരുദമാണ് യോഗ്യത.
10. ലൈബ്രറി ആൻഡ് ഇൻഫർമേഷൻ സയൻസ്: ആറ്. ബിരുദവും ഒന്നാം ക്ലാസോടെ ലൈബ്രറി ആൻഡ് ഇൻഫർമേഷൻ സയൻസിൽ ബിരുദവുമാണ് യോഗ്യത.
11. കാറ്ററിങ് ടെക്നോളജി/ഹോട്ടൽ മാനേജ്മെൻറ്: നാല്. കാറ്ററിങ് ടെക്നോളജി അല്ലെങ്കിൽ ഹോട്ടൽ മാനേജ്മെൻറിൽ ഒന്നാം ക്ലാസോടെ ബിരുദമാണ് യോഗ്യത.
വാക്-ഇൻ ഇൻറർവ്യൂവിലൂടെയാണ് നിയമനം. മെക്കാനിക്കൽ, സിവിൽ, മെറ്റലർജി, കെമിക്കൽ, എയറോനോട്ടിക്കൽ/എയറോസ്പേസ് ആൻഡ് പ്രൊഡക്ഷൻ എഞ്ചിനീയറിങ് വിഭാഗക്കാർക്ക് നവംബർ 18ന് ഒമ്പതു മുതൽ മൂന്നുവരെയാണ് അഭിമുഖം.
ഇലക്ട്രിക്കൽ, ഇലക്ട്രോണിക്സ്, കമ്പ്യൂട്ടർ സയൻസ്/എഞ്ചിനീയറിങ്, ലൈബ്രറി ആൻഡ് ഇൻഫർമേഷൻ സയൻസ്, കാറ്ററിങ് ടെക്നോളജി/ഹോട്ടൽ മാനേജ്മെൻറ് വിഭാഗങ്ങൾക്ക് നവംബർ 25ന് രാവിലെ ഒമ്പതു മുതൽ മൂന്നുവരെയാണ് അഭിമുഖം. കൊല്ലത്തെ ബിഷപ് ജെറോം ഇൻസ്റ്റിറ്റ്യൂട്ട് ആൻഡ് സ്കൂൾ ഒാഫ് മാനേജ്മെൻറിലാണ് രണ്ട് ദിവസത്തെയും അഭിമുഖം നടക്കുക.
അപേക്ഷ: താൽപര്യമുള്ള യോഗ്യരായ ഉദ്യോഗാർഥികൾ വാക്-ഇൻ ഇൻറർവ്യൂവിന് ഹാജരാകുന്നതിന് മുമ്പായി www.sdcentre.org അല്ലെങ്കിൽ www.mhrdnats.gov.in ലൂടെ ഒാൺലൈൻ രജിസ്ട്രേഷൻ പൂർത്തിയാക്കണം.
യോഗ്യതപരീക്ഷയിലെ മാർക്ക് അടിസ്ഥാനമാക്കിയാവും തെരഞ്ഞെടുപ്പ്. കൂടുതൽ വിവരങ്ങൾക്ക്
www.vssc.gov.in ൽ Recruitment ൽ Recruitment notice കാണുക.
വായനക്കാരുടെ അഭിപ്രായങ്ങള് അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.