നിങ്ങളുടെ ശമ്പളത്തിനനുയോജ്യമായ കാർ ഏതെന്ന് നോക്കാം? ഒപ്പം കുറഞ്ഞ ചെലവിൽ കാർ വാങ്ങാനുള്ള ടിപ്പുകളും

ഒരു കാർ വാങ്ങുമ്പോൾ ശരാശരി ഇന്ത്യൻ ശമ്പളക്കാരായ ആളുകൾ 2 മുതൽ 4 ലക്ഷം രൂപ വരെ അധികമായി ചെലവഴിക്കാറുണ്ട്. ഡീലർഷിപ്പുകൾ എപ്പോഴും നിങ്ങളുടെ ബജറ്റിനേക്കാൾ ഉയർന്ന മോഡലുകൾ കാണിച്ചുതരാൻ ശ്രമിക്കും.ഓൺ-റോഡ് വില പരിധികൾ, ഡൗൺ പേയ്മെന്‍റ് ലക്ഷ്യങ്ങൾ, ഇ.എം.ഐ പരിധികൾ, കൂടാതെ മാസം 20,000 രൂപ മുതൽ 65,000 രൂപ വരെയുള്ള ഓരോ ശമ്പള ബ്രാക്കറ്റ് എന്നിവയുടെ അടിസ്ഥാനത്തിൽ ഏത് കാർ വാങ്ങണമെന്ന് തീരുമാനിക്കാം.

10% നിയമം 

20-4-10 നിയമത്തിലെ "10%" എന്നത് കൊണ്ട് അർഥമാക്കുന്നത്, ഇ.എം.ഐ, ഇന്ധനം, ഇൻഷുറൻസ്, മെയിന്‍റനൻസ് എന്നിവയെല്ലാം ഉൾപ്പെടുന്ന നിങ്ങളുടെ ആകെ പ്രതിമാസ വാഹന ചെലവ് മൊത്തം പ്രതിമാസ വരുമാനത്തിന്‍റെ 10% കവിയാൻ പാടില്ല എന്നാണ്. ഇത് ഇ.എം.ഐ മാത്രമായി കണക്കാക്കുന്നതല്ല. ഈ വ്യത്യാസം ഈ ലേഖനത്തിലെ ഓരോ കണക്കുകളെയും മാറ്റുന്നു.

45,000 രൂപയിൽ താഴെ ശമ്പളമുള്ളവരിൽ ഇ.എം.ഐ വരുന്നതിന് മുമ്പ് തന്നെ ഇന്ധനം തുടങ്ങിയ നടത്തിപ്പ് ചെലവുകൾ മാത്രം ഈ 10% പരിധി പൂർണ്ണമായും എടുത്തുതീർക്കും. ഈ വരുമാന പരിധിയിൽ പുതിയ കാർ ലോൺ സാമ്പത്തികമായി സുരക്ഷിതമല്ല. ഓരോ വരുമാന ലെവലിലും പാലിക്കേണ്ട പ്രായോഗിക വഴികൾ താഴെ പറയുന്ന ബ്രാക്കറ്റുകളിൽ വിശദീകരിക്കുന്നു.

മാസ ശമ്പളം 20,000 മുതൽ 25,000 വരെ

ഈ വരുമാന ലെവലിൽ, ഇന്ധനം, രണ്ടാം വർഷത്തെ ഇൻഷുറൻസ്, അടിസ്ഥാന മെയിന്‍റനൻസ് എന്നിവ ഉൾപ്പെടെ ഉപയോഗിച്ച ചെറിയൊരു കാറിന്‍റെ നടത്തിപ്പ് ചെലവ് പോലും പ്രതിമാസം 2,500 മുതൽ 3,000 വരെ വരും. ഇത് 10% പരിധിക്കുള്ളിലോ അതിനു മുകളിലോ ആണ്. പുതിയ കാർ ലോൺ ഇവിടെ സാധ്യമല്ല. കൈവശമുള്ള പണം ഉപയോഗിച്ച് ഒരു സെക്കൻഡ് ഹാൻഡ് കാർ വാങ്ങുകയോ ആവശ്യമെങ്കിൽ ചെറിയൊരു തുക മാത്രം ലോൺ എടുക്കുകയോ ചെയ്യുക എന്നതാണ് ഏക വഴി.

ഈ ശമ്പളത്തിന് അനുയോജ്യമായ ഉപയോഗിച്ച കാറുകൾ

• ഉപയോഗിച്ച മാരുതി ആൾട്ടോ K10 (2019-2020): ₹2.2 മുതൽ 3.0 ലക്ഷം വരെ (ഓൺ-റോഡ്)
• ഉപയോഗിച്ച ഹ്യുണ്ടായ് സാൻട്രോ (2018-2019): ₹2.5 മുതൽ 3.2 ലക്ഷം വരെ (ഓൺ-റോഡ്)
• ഉപയോഗിച്ച മാരുതി എസ്-പ്രെസ്സോ (2019-2020): ₹2.8 മുതൽ 3.5 ലക്ഷം വരെ (ഓൺ-റോഡ്)

ഈ വരുമാനത്തിൽ പുതിയ കാർ ലോണിന് പോകുന്നതിനേക്കാൾ നല്ലത് ഇരുചക്ര വാഹനം ഉപയോഗിക്കുന്നതാണ്. അടുത്ത 18 മുതൽ 24 മാസത്തിനുള്ളിൽ നല്ലൊരു ഡൗൺ പേയ്മെന്‍റിനുള്ള തുക സ്വരൂപിക്കുന്നത് വരെ ഇത് സഹായിക്കും.

മാസ ശമ്പളം 30,000 മുതൽ 35,000 വരെ

30,000 -35,000 ശമ്പളമുള്ളപ്പോൾ 10% വാഹന ചെലവ് പരിധി 3,000 മുതൽ 3,500 വരെയാണ്. ഉപയോഗിച്ച ചെറിയൊരു കാറിന്‍റെ നടത്തിപ്പ് ചെലവ് പോലും മാസം 3,500 മുതൽ 4,000 വരെ വരും. അതിനാൽ പുതിയ കാർ ലോൺ ഇവിടെയും സുരക്ഷിതമല്ല. വലിയൊരു ഡൗൺ പേയ്മെന്‍റ് നൽകി ഉപയോഗിച്ച ഒരു ഹാച്ച്ബാക്ക് (Hatchback) കാർ വാങ്ങി, ലോൺ തുക വളരെ കുറച്ചും ചുരുങ്ങിയ കാലയളവിലേക്കും നിർത്തുന്നതാണ് ഉചിതം.

ഈ ശമ്പളത്തിന് അനുയോജ്യമായ യൂസ്ഡ് കാറുകൾ:

• ഉപയോഗിച്ച മാരുതി സ്വിഫ്റ്റ് (2019-2020): 3.5 മുതൽ 4.2 ലക്ഷം വരെ
• ഉപയോഗിച്ച ഹ്യുണ്ടായ് ഗ്രാൻഡ് i10 നിയോസ് (2020):3.8 മുതൽ 4.5 ലക്ഷം വരെ
• ഉപയോഗിച്ച മാരുതി എസ്-പ്രെസ്സോ (2021): 3.2 മുതൽ 3.8 ലക്ഷം വരെ

 മാസ ശമ്പളം 40,000 മുതൽ 45,000 വരെ

പുതിയ എൻട്രി ലെവൽ ഹാച്ച്ബാക്ക് കാറിന്‍റെ അടിസ്ഥാന മോഡൽ വാങ്ങുന്നത് പ്രായോഗികമായി ചിന്തിച്ചുതുടങ്ങാവുന്നത് ഈ വരുമാനത്തിലാണ്. ആകെ വാഹന ചെലവിന്‍റെ 20% പരിധി (മാസം ₹9,000-ൽ താഴെ ഇ.എം.ഐയും നടത്തിപ്പ് ചെലവും) കണക്കാക്കി, അതിൽ നിന്ന് ₹5,000 പ്രതിമാസ നടത്തിപ്പ് ചെലവ് കുറച്ചാൽ ബാക്കി 4,000 സുരക്ഷിതമായി ഇ.എം.ഐ ആയി നൽകാം. ഇത് ഏകദേശം 4 മുതൽ 5 ലക്ഷം രൂപ വരെയുള്ള ലോണിന് അനുയോജ്യമാണ്, അതായത് ഓൺ-റോഡ് വില പരിധി 5.5 മുതൽ 6.5 ലക്ഷം വരെ വരും.

ഈ വരുമാന പരിധിയിലുള്ളവർ മറ്റ് വ്യക്തിഗത വായ്പകളോ ക്രെഡിറ്റ് കാർഡ് ഇ.എം.ഐകളോ ഒരുകാരണവശാലും വെക്കാൻ പാടില്ല. അത്തരം ബാധ്യതകൾ നിങ്ങളുടെ സുരക്ഷിത പരിധിയെ മറികടക്കും.

ഈ ശമ്പളത്തിന് അനുയോജ്യമായ കാറുകൾ:

• മാരുതി ആൾട്ടോ K10 (ടോപ്പ് വേരിയന്റ്): 5.0 മുതൽ 5.8 ലക്ഷം വരെ (ഓൺ-റോഡ്)
• മാരുതി എസ്-പ്രെസ്സോ (ടോപ്പ് വേരിയന്റ്): 5.5 മുതൽ 6.2 ലക്ഷം വരെ (ഓൺ-റോഡ്)
• ഹ്യുണ്ടായ് ഗ്രാൻഡ് i10 നിയോസ് (ബേസ് വേരിയന്റ്): 6.0 മുതൽ 6.5 ലക്ഷം വരെ (ഓൺ-റോഡ്)

മാസ ശമ്പളം 50,000

50,000 ശമ്പളമുള്ളപ്പോൾ (20% ആകെ പരിധിയിൽ നിന്ന് 5,500 നടത്തിപ്പ് ചെലവ് കിഴിച്ചാൽ) സുരക്ഷിതമായ ഇ.എം.ഐ തുക പ്രതിമാസം ഏകദേശം 4,500 ആണ്. 8.5% പലിശ നിരക്കിൽ 60 മുതൽ 72 മാസം വരെ കാലാവയളവിൽ 5.5 മുതൽ 6.5 ലക്ഷം രൂപ വരെയുള്ള ലോൺ ഇതിൽ ഉൾപ്പെടുത്താം. ഇത് മികച്ചൊരു ഹാച്ച്ബാക്ക് കാർ സൗകര്യപ്രദമായി വാങ്ങാൻ സഹായിക്കും. എന്നാൽ കോംപാക്റ്റ് എസ്‌.യു.വി (Compact SUV) ബേസ് മോഡൽ വേണമെങ്കിൽ കുറഞ്ഞത് 25% ഡൗൺ പേയ്മെന്‍റും മറ്റ് ലോണുകൾ ഒന്നും ഇല്ലാതിരിക്കുകയും വേണം.

ഈ ശമ്പളത്തിന് അനുയോജ്യമായ കാറുകൾ

• മാരുതി സ്വിഫ്റ്റ് (ടോപ്പ് വേരിയന്റ്): ₹8.0 മുതൽ 8.8 ലക്ഷം വരെ
• മാരുതി സുസുക്കി ബലേനോ (ബേസ് മുതൽ മിഡ് വേരിയന്‍റ് വരെ): ₹8.0 മുതൽ 9.0 ലക്ഷം വരെ
• ഹ്യുണ്ടായ് ഗ്രാൻഡ് i10 നിയോസ് (ടോപ്പ് വേരിയന്റ്): ₹7.5 മുതൽ 8.2 ലക്ഷം വരെ
• ടാറ്റ ടിയാഗോ (ടോപ്പ് വേരിയന്റ്): ₹7.8 മുതൽ 8.5 ലക്ഷം വരെ

 മാസശമ്പളം 55,000 മുതൽ 65,000 വരെ

55,000 മുതൽ 65,000 വരെ ശമ്പളമുള്ളപ്പോൾ സുരക്ഷിതമായ ഇ.എം.ഐ പ്രതിമാസം 5,500 ആണ്. 72 മാസം കാലാവയളവിൽ 7 മുതൽ 8 ലക്ഷം രൂപ വരെയുള്ള ലോൺ ഈ പരിധിക്കുള്ളിൽ വരും. ഇത് ഒരു കോംപാക്റ്റ് എസ്‌.യു.വിയുടെ ബേസ് വേരിയന്‍റ് വാങ്ങാൻ സഹായിക്കും. എന്നാൽ 13 മുതൽ 15 ലക്ഷം രൂപ വരെ വിലയുള്ള മിഡ്-സ്പെക്ക് അല്ലെങ്കിൽ ടോപ്പ്-സ്പെക്ക് കോംപാക്റ്റ് എസ്‌.യു.വികൾ ഈ ശമ്പളക്കാർക്ക് സുരക്ഷിതമല്ല, കാരണം ഇത് നിങ്ങളുടെ ശമ്പളത്തിന്‍റെ 35 മുതൽ 40% വരെ ചെലവഴിക്കാൻ ഇടയാക്കും.

ഈ ശമ്പളത്തിന് അനുയോജ്യമായ കാറുകൾ:

• ടാറ്റ നെക്സോൺ (ബേസ് വേരിയന്റ്): 9.5 മുതൽ 10.5 ലക്ഷം വരെ
• ഹ്യുണ്ടായ് വെന്യു (ബേസ് വേരിയന്റ്): 9.8 മുതൽ 10.8 ലക്ഷം വരെ
• കിയ സോനെറ്റ് (ബേസ് വേരിയന്റ്): 9.5 മുതൽ 10.5 ലക്ഷം വരെ
• മാരുതി ഫ്രോങ്ക്സ് (ബേസ് വേരിയന്റ്): 9.2 മുതൽ 10.0 ലക്ഷം വരെ

സ്മാർട്ടായി കാർ വാങ്ങാനുള്ള ടിപ്പുകൾ

• ഉത്സവ സീസൺ കിഴിവുകൾ (സെപ്റ്റംബർ മുതൽ നവംബർ വരെ): നവരാത്രി, ദീപാവലി സമയങ്ങൾ കാർ വാങ്ങാൻ ഏറ്റവും അനുയോജ്യമായ സമയമാണ്. കമ്പനികൾ ഫാക്ടറി ഡിസ്കൗണ്ടുകളും സൗജന്യ ആക്സസറികളും വാഗ്ദാനം ചെയ്യും. ഹാച്ച്ബാക്കുകൾക്ക് ₹20,000 മുതൽ 60,000 രൂപ വരെയും കോംപാക്റ്റ് എസ്‌.യു.വികൾക്ക് 50,000 മുതൽ 1,20,000 രൂപ വരെയും ഈ സമയത്ത് വിലക്കുറവ് ലഭിക്കും.
• സാമ്പത്തിക വർഷാവസാനം (ഫെബ്രുവരി മുതൽ മാർച്ച് വരെ): മാർച്ച് 31-ഓടെ വാർഷിക വിൽപ്പന ലക്ഷ്യങ്ങൾ പൂർത്തിയാക്കാൻ ഡീലർമാർ വലിയ കിഴിവുകൾ നൽകാറുണ്ട്.
• ഷോറൂമിൽ പോകുന്നതിന് മുമ്പ് ബാങ്ക് ലോൺ പ്രീ-അപ്രൂവൽ നേടുക: നിങ്ങളുടെ ബജറ്റ് എത്രയാണെന്ന് കൃത്യമായി മനസ്സിലാക്കാൻ ഇത് സഹായിക്കും.
• പുതിയ മോഡലുകൾ ഇറങ്ങുന്ന സമയം: കമ്പനികൾ പുതിയ ഫെയ്സ്‌ലിഫ്റ്റ് മോഡലുകൾ പ്രഖ്യാപിക്കുമ്പോൾ, നിലവിലെ സ്റ്റോക്ക് വിറ്റഴിക്കാൻ ഡീലർമാർ 3 മുതൽ 6% വരെ വിലക്കുറവ് നൽകാറുണ്ട്.

യഥാർഥത്തിൽ സാർവത്രികമായി ഒരു കാർ ബജറ്റ് ഇല്ല. നിങ്ങളുടെ ശമ്പളം, നിലവിലെ സാമ്പത്തിക ബാധ്യതകൾ, നിങ്ങൾ സ്വരൂപിച്ച ഡൗൺ പേയ്മെന്‍റ് എന്നിവക്ക് അനുയോജ്യമായ ബജറ്റ് മാത്രമാണുള്ളത്.കാർ വാങ്ങാൻ പോകുമ്പോൾ ബജറ്റ് നോക്കി പോകുക എന്നതാണ് പ്രധാനം.