മുംബൈ: ഡോളറിനെതിരെ 51 പൈസ ഇടിഞ്ഞ് രൂപ 87.23 എന്ന നിലവാരത്തിലെത്തി. മാസാവസാനം ഇറക്കുമതിക്കാരിൽനിന്നുള്ള ഡോളറിന്റെ ഉയർന്ന ആവശ്യകതയും യു.എസ് വ്യാപാര താരിഫുകളിൽ നിലനിൽക്കുന്ന അനിശ്ചിതത്വവുമാണ് ഇടിവിന് കാരണമായത്. കൂടാതെ, ഡോളർ ശക്തിപ്രാപിച്ചതും ഓഹരി വിപണിയിൽനിന്ന് വിദേശ നിക്ഷേപകർ ഫണ്ട് പിൻവലിക്കുന്നതും രൂപയുടെ ഇടിവിന് കാരണമായി.
86.83ൽ ആരംഭിച്ച രൂപ ദിവസം മുഴുവൻ ദുർബലമായിരുന്നു. അവധി കരാറുകളുടെ കാലാവധി അവസാനിച്ചതും രൂപയുടെ മൂല്യത്തകർച്ചയെ സ്വാധീനിച്ചതായി വിദഗ്ധർ അഭിപ്രായപ്പെട്ടു. രൂപയുടെ മൂല്യം ഇനിയും ഇടിയാമെന്നും എങ്കിലും ആർ.ബി.ഐ ഇടപെടലുകളും അസംസ്കൃത എണ്ണ വില കുറയുന്നതും നില മെച്ചപ്പെടുത്തിയേക്കാമെന്നുമാണ് അനുമാനം.
വായനക്കാരുടെ അഭിപ്രായങ്ങള് അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.