റിലയൻസ് ജിയോയുടെ രണ്ടാംപാദ ലാഭത്തിൽ 28 ശതമാനം വർധന; വരുമാനം 20 ശതമാനം ഉയർന്നു

ന്യൂഡൽഹി: റിലയൻസ് ജിയോയുടെ രണ്ടാംപാദ ലാഭത്തിൽ 28 ശതമാനം വർധന. 4518 കോടിയായാണ് ലാഭം വർധിച്ചത്. വരുമാനത്തിൽ 20.2 ശതമാനത്തിന്റെ വർധനയുണ്ടായി. 22,521 കോടിയാണ് കമ്പനിയുടെ വരുമാനം.

എന്നാൽ, വിപണി പ്രതീക്ഷിച്ചതിലും കുറഞ്ഞ ലാഭമാണ് കമ്പനിക്ക് ഉണ്ടായിരുന്നത്. 4600 കോടി​യിലേറെ രൂപയുടെ ലാഭം ജിയോക്ക് ഉണ്ടാവുമെന്നായിരുന്നു വിപണിയിൽ നിന്നുള്ളവരുടെ പ്രവചനം. 22,912 രൂപയുടെ വരുമാനം കമ്പനിക്കുണ്ടാവുമെന്നാണ് പ്രതീക്ഷിരുന്നത്.

അതേസമയം, മുകേഷ് അംബാനിയുടെ ഉടമസ്ഥതയിലുള്ള റിലയൻസ് ഇൻഡസ്ട്രീസിന്റെ ഓഹരി വിലയിൽ ഒരു ശതമാനത്തിന്റെ ഇടിവുണ്ടായി. 2471 രൂപയിലാണ് റിലയൻസ് ഓഹരികൾ വ്യാപാരം അവസാനിപ്പിച്ചത്.