കൊച്ചി: സംസ്ഥാനത്ത് സ്വർണവിലയിൽ വീണ്ടും വർധന. ശനിയാഴ്ച പവന് 120 രൂപ വർധിച്ച് 35,320 ആയി. ഒരുഗ്രാം സർണത്തിന് 15 രൂപ വർധിച്ച് 4415 ആയി. ഇതോടെ സ്വർണവില ഈമാസത്തെ ഏറ്റവും ഉയർന്ന നിരക്കിലെത്തി.
വെള്ളിയാഴ്ച പവൻ 240 രൂപ വർധിച്ചിരുന്നു. ആഗോള വിപണയിൽ ഈ ആഴ്ച സ്വർണത്തിന് നാലുശതമാനം വർധനയാണുണ്ടായത്.
ഈ മാസം സ്വർണത്തിന് 2000 രൂപയാണ് കൂടിയത്. ഏപ്രിൽ മാസം തുടക്കത്തിൽ 33,320 രൂപയായിരുന്നു വില. കഴിഞ്ഞ കുറച്ച് ദിവസങ്ങളായ സ്വർണവിലയിൽ ഏറ്റക്കുറച്ചിലുകൾ അനുഭവപ്പെടുന്നുണ്ട്. തുടർച്ചയായി വില വർധിച്ച ശേഷം ഏപ്രിൽ പത്തിനായിരുന്നു താഴ്ന്നത്. ഇതിന് ശേഷം വീണ്ടും വർധനവ് രേഖപ്പെടുത്തി.
കോവിഡ് രണ്ടാം തരംഗത്തെ കൂടാതെ വിവാഹ സീസൺ, ഉത്സകാലം എന്നീ കാരണങ്ങൾ കൊണ്ടാണ് രാജ്യത്ത് സ്വർണ വില വർധിക്കുന്നതെന്നാണ് നിഗമനം.
വായനക്കാരുടെ അഭിപ്രായങ്ങള് അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.