ചെണ്ടുമല്ലി കൃഷിയിൽ വിജയഗാഥ രചിക്കാൻ ജ​യ​പ്ര​കാ​ശ്

കോ​ട്ടാ​യി: ഓ​ണം വി​പ​ണി ല​ക്ഷ്യ​മി​ട്ട് ചെ​ണ്ടു​മ​ല്ലി കൃ​ഷി പ​രീ​ക്ഷ​ണ​ത്തി​നി​റ​ങ്ങി ക​ർ​ഷ​ക​ൻ. ക​രി​യ​​​ങ്കോ​ട് ആ​ലി​ൻ​ചു​വ​ട് ‘ഉ​ഷ​സ്സി’ ലെ ​ജ​യ​പ്ര​കാ​ശ് ആ​ണ് പ​ര​മ്പ​രാ​ഗ​ത കൃ​ഷി​ക്കു​പ​ക​രം ചെ​ണ്ടു​മ​ല്ലി കൃ​ഷി​യി​ലേ​ക്ക് ചു​വ​ടു​മാ​റ്റി​യ​ത്. പ​രീ​ക്ഷ​ണാ​ടി​സ്ഥാ​ന​ത്തി​ൽ 20 സെ​ന്റ് സ്ഥ​ല​ത്താ​ണ് കൃ​ഷി ഇ​റ​ക്കി​യി​ട്ടു​ള്ള​ത്. ഇ​ത് വി​ജ​യി​ച്ചാ​ൽ അ​ടു​ത്ത ത​വ​ണ പൂ​കൃ​ഷി വ്യാ​പി​പ്പി​ക്കാ​നാ​ണ് പ​ദ്ധ​തി. ആ​ലി​ൻ​ചു​വ​ട്ടി​ലെ വ​ള്ളി​ക്കോ​ട് -വാ​ഴ​മ്പ​ള്ളം പാ​ട​ശേ​ഖ​ര​ത്തി​ലാ​ണ് കൃ​ഷി ഇ​റ​ക്കി​യി​ട്ടു​ള്ള​ത്.

ന​ഴ്സ​റി ന​ട​ത്തു​ന്ന ജ​യ​പ്ര​കാ​ശ് ബം​ഗ​ളൂ​രു​വി​ൽ നി​ന്ന് മു​ന്തി​യ​ത​രം ചെ​ണ്ടു​മ​ല്ലി വി​ത്ത് എ​ത്തി​ച്ചാ​ണ് കൃ​ഷി ചെ​യ്തി​ട്ടു​ള്ള​ത്. തൈ ​ന​ട്ട് 45 ദി​വ​സ​ത്തി​നു​ള്ളി​ൽ വി​ള​വെ​ടു​ക്കാ​ൻ പാ​ക​മാ​കു​മെ​ന്നാ​ണ് പ​റ​യു​ന്ന​ത്.

നെ​ൽ​കൃ​ഷി​യും കി​ഴ​ങ്ങു​കൃ​ഷി​യും ഇ​റ​ക്കി ന​ഷ്ട​ത്തി​ലാ​യ​തും, പ​ന്നി ശ​ല്യ​ത്താ​ൽ വ​ല​ഞ്ഞ​തി​നാ​ലാ​ണ് പൂ ​കൃ​ഷി പ​രീ​ക്ഷ​ണ​ത്തി​ലേ​ക്ക് തി​രി​ഞ്ഞ​തെ​ന്നും നെ​ൽ​കൃ​ഷി​യെ അ​പേ​ക്ഷി​ച്ച് പ​ണി കു​റ​വാ​ണെ​ങ്കി​ലും ചെ​ണ്ടു​മ​ല്ലി കൃ​ഷി​ക്ക് ന​ല്ല പ​രി​ച​ര​ണം ആ​വ​ശ്യ​മാ​ണെ​ന്നും വ​ള​പ്ര​യോ​ഗം യ​ഥാ​സ​മ​യം ന​ട​ത്തേ​ണ്ട​തു​ണ്ടെ​ന്നും ജ​യ​പ്ര​കാ​ശ് പ​റ​ഞ്ഞു.