ആസ്​ട്രേലിയൻ തീരത്തടിഞ്ഞ 470ഓളം തിമിംഗലങ്ങൾ ചത്തു; കാരണം അന്വേഷിച്ച്​ ലോകം

സിഡ്​നി: ആസ്​ട്രേലിയയുടെ ദ്വീപ്​ സംസ്​ഥാനമായ ടാസ്​മാനിയയുടെ പടിഞ്ഞാറൻ സമുദ്രത്തിൽ ചത്ത നിലയിൽ കാണപ്പെട്ട തിമിംഗലത്തെ കുഴിച്ചുമൂടാൻ വനവകുപ്പ്​ ഉദ്യോഗസ്​ഥർ ഒരുങ്ങുന്നു. 470ഓളം പൈലറ്റ്​ തിമിംഗലമാണ്​ ടാസ്​മാനിയൻ തീരത്ത്​ ചത്ത നിലയിൽ കാണപ്പെട്ടത്​.

കടലിൽ എണ്ണ ചോർന്നതു കാരണമാവാം​ ഇവ ചത്തതെന്നാണ്​ പ്രാഥമിക നിഗമനം. ആസ്​ട്രേലിയൻ സർക്കാർ അന്വേഷണം പ്രഖ്യാപിച്ചിട്ടുണ്ട്​.

കരയിലേക്ക്​ ഒരുമിച്ചു കൂടിയ 130 ഓളം തിമിംഗലങ്ങളെ രക്ഷപ്പെടുത്തിയിട്ടുണ്ട്​. ലോകത്ത്​ ഇന്നുവരെയുണ്ടായിട്ടില്ലാത്ത സംഭവമാണിതെന്ന്​ പ്രകൃതി സംരക്ഷണ സംഘടനകൾ പറയുന്നു. അമ്പതോളം അടങ്ങുന്ന കൂട്ടമായാണ്​ ഇവ കരക്കടിയുന്നത്​. കാലാവസ്​ഥയിലുണ്ടായ മാറ്റമാണെന്നും പറയപ്പെടുന്നു. കടൽ വെള്ളത്തിലുണ്ടായ മാറ്റം കാരണമാണ്​ ഇവ കരക്കടിയുന്നതെന്ന്​ ആസ്​ട്രേലിയൻ കാലാവസ്​ഥ-സമുദ്ര വിഭാഗം മേധാവികൾ അറിയിച്ചു.