ദിസ്സനായകെ: സാമൂഹിക ക്ഷേമം ആയുധമാക്കിയ പോരാളി

കൊ​ളം​ബോ: സാ​യു​ധ പോ​രാ​ട്ട​ങ്ങ​ൾ​ക്ക് പ​ക​രം സാ​മൂ​ഹി​ക ക്ഷേ​മ പ​ദ്ധ​തി​ക​ളി​ലൂ​ടെ രാ​ജ്യ​ത്തി​ന്റെ സാ​മ്പ​ത്തി​ക ശ​ക്തി വീ​ണ്ടെ​ടു​ക്കാ​മെ​ന്ന് തി​രി​ച്ച​റി​ഞ്ഞ വി​പ്ല​വ​കാ​രി​യാ​ണ് അ​നു​ര കു​മാ​ര ദി​സ്സ​നാ​യ​കെ. മ​ണി​ക്കൂ​റു​ക​ൾ കൂ​ലി​വേ​ല ചെ​യ്ത് തു​ച്ഛ​മാ​യ വേ​ത​നം പ​റ്റു​ന്ന ല​ക്ഷ​ക്ക​ണ​ക്കി​ന് തൊ​ഴി​ലാ​ളി​ക​ളു​ടെ ജീ​വി​ത​ത്തി​​ൽ മാ​റ്റം കൊ​ണ്ടു​വ​രു​ക എ​ന്ന രാ​ഷ്ട്രീ​യം വി​കാ​ര​മാ​യി കൊ​ണ്ടു​ന​ട​ന്ന ദി​സ്സ​നാ​യ​കെ​ക്ക് ഇ​ത്ര ചെ​റു​പ്പ​ത്തി​ൽ രാ​ജ്യ​​ത്തി​ന്റെ പ്ര​സി​ഡ​ന്റ് പ​ദ​ത്തി​ൽ എ​ത്താ​ൻ ക​ഴി​ഞ്ഞ​തി​ൽ അ​ത്ഭു​ത​മി​ല്ല. സ്കൂ​ൾ പ​ഠ​ന​കാ​ലം മു​ത​ൽ ഇ​ട​തു​പ​ക്ഷ സ​ഹ​യാ​ത്രി​ക​നാ​ണ്. അ​നു​രാ​ധ​പു​ര ജി​ല്ല​യി​ലെ ഒ​രു കു​ഗ്രാ​മ​ത്തി​ൽ സാ​ധാ​ര​ണ തൊ​ഴി​ലാ​ളി​യു​ടെ മ​ക​നാ​യി ജ​നി​ച്ച ദി​സ്സ​നാ​യ​കെ​ക്ക് 7.8 ദ​ശ​ല​ക്ഷം തൊ​ഴി​ലാ​ളി​ക​ളു​ള്ള കൊ​ച്ചു​ദ്വീ​പി​ന്റെ ച​രി​ത്രം മാ​റ്റി​യെ​ഴു​താ​ൻ ക​ഴി​യു​മോ​യെ​ന്നാ​ണ് ലോ​കം ഉ​റ്റു​നോ​ക്കു​ന്ന​ത്.

സോ​ഷ്യ​ലി​സം ന​ട​പ്പാ​ക്കാ​ൻ രാ​ജ്യ​ത്ത് ര​ണ്ട് സാ​യു​ധ വി​പ്ല​വ​ത്തി​ന് നേ​തൃ​ത്വം ന​ൽ​കി​യ മാ​ർ​ക്സി​സ്റ്റ് -ലെ​നി​നി​സ്റ്റ് പാ​ർ​ട്ടി​യാ​യ ‘ജ​ന​ത വി​മു​ക്തി പെ​ര​മു​ന’​യി​ലൂ​ടെ​യാ​ണ് (ജെ.​വി.​പി) രാ​ഷ്ട്രീ​യ രംഗപ്രവേശം. 1987​ൽ ​സ​ർ​ക്കാ​റി​നെ​തി​രെ ന​ട​ന്ന സാ​യു​ധ വി​പ്ല​വ പോ​രാ​ട്ട​ത്തി​ന്റെ തു​ട​ക്ക​ത്തി​ലാ​ണിത്. സോ​ഷ്യ​ലി​സ്റ്റ് സ്റ്റു​ഡ​ന്റ്സ് യൂനിയന്റെ ദേ​ശീ​യ സം​ഘാ​ട​ക​നാ​യി​രു​ന്നു ഈ ​സ​യ​ൻ​സ് ബി​രു​ദ​ധാ​രി. ​ജെ.​വി.​പി​യു​ടെ കേ​ന്ദ്ര പ്ര​വ​ർ​ത്ത​ക സ​മി​തി​​യി​ലേ​ക്കും പോ​ളി​റ്റ്ബ്യൂ​റോ​യി​ലേ​ക്കും തെ​ര​ഞ്ഞെ​ടു​ക്ക​പ്പെ​ട്ട​ത് എ.​ഡി.​കെ എ​ന്ന ചു​രു​ക്ക​പ്പേ​രി​ൽ അ​റി​യ​പ്പെ​ടു​ന്ന ദി​സ്സ​നാ​യ​കെ​യു​ടെ ജീവിതത്തിലെ വഴിത്തിരിവായി. ​ 2000ത്തി​ലാ​ണ് ആ​ദ്യ​മാ​യി പാ​ർ​ല​മെ​ന്റി​ലെ​ത്തു​ന്ന​ത്. 2004ലെ ​പാ​ർ​ല​മെ​ന്റ് തെ​ര​ഞ്ഞെ​ടു​പ്പി​ൽ ശ്രീ​ല​ങ്ക ഫ്രീ​ഡം പാ​ർ​ട്ടി​യു​മാ​യി സ​ഖ്യ​മു​ണ്ടാ​ക്കി​യ ജെ.​വി.​പി വ​ൻ വി​ജ​യം നേ​ടി. കു​രു​നെ​ഗ​ല ജി​ല്ല​യി​ൽ​നി​ന്ന് വി​ജ​യി​ച്ച ദി​സ്സ​നാ​യ​കെ മ​ന്ത്രി​യാ​വു​ക​യും ചെ​യ്തു. സൂ​നാ​മി ദു​രി​താ​ശ്വാ​സ ഏ​കോ​പ​ന​ത്തി​നാ​യി എ​ൽ.​ടി.​ടി.​ഇ​യു​മാ​യി സം​യു​ക്ത സം​വി​ധാ​നം കൊ​ണ്ടു​വ​രാ​നു​ള്ള സ​ർ​ക്കാ​ർ തീ​രു​മാ​ന​ത്തെ തു​ട​ർ​ന്ന് മ​ന്ത്രി​പ​ദം രാ​ജി​വെ​ച്ചു.

2014ലെ ​ദേ​ശീ​യ ക​ൺ​വെ​ൻ​ഷ​നി​ലാ​ണ് സോ​മ​വം​ശ അ​മ​ര​സിം​ഹ​യു​ടെ പ​ക​ര​ക്കാ​ര​നാ​യി ജെ.​വി.​പി​യു​ടെ അ​മ​ര​ത്തെ​ത്തു​ന്ന​ത്. പാ​ർ​ട്ടി​യു​ടെ ക​ലു​ഷി​ത രാ​ഷ്ട്രീ​യ പ്ര​തി​ച്ഛാ​യ മാ​റ്റി​യെ​ടു​ക്കാ​നാ​യി​രു​ന്നു ആ​ദ്യ ശ്ര​മം. തീ​വ്ര സോ​ഷ്യ​ലി​സ്റ്റ് നി​ല​പാ​ടു​ക​ളി​ൽ ചി​ല വി​ട്ടു​വീ​ഴ്ച​ക​ൾ ചെ​യ്യാ​തെ ​മു​ന്നോ​ട്ടു​പോ​കാ​ൻ ക​ഴി​യി​ല്ലെ​ന്ന് ബോ​ധ്യ​മാ​യി. സാ​യു​ധ ക​ലാ​പം വ​ലി​യ തെ​റ്റാ​യി​പ്പോ​യെ​ന്ന തു​റ​ന്നു​പ​റ​ച്ചി​ൽ സിം​ഹ​ള​രു​ടെ മ​ന​സ്സി​ലേ​ക്കു​ള്ള ഒ​രു തീ​ക്ക​ന​ലാ​യി​രു​ന്നു.

2019ലെ ​പ്ര​സി​ഡ​ന്റ് തെ​ര​ഞ്ഞെ​ടു​പ്പി​ൽ ആ​ദ്യ​മാ​യി ജ​ന​വി​ധി തേ​ടി​യെ​ങ്കി​ലും വെ​റും മൂ​ന്നു ശ​ത​മാ​നം വോ​ട്ടു​ക​ൾ മാ​ത്ര​മാ​ണ് നേ​ടാ​ൻ ക​ഴി​ഞ്ഞ​ത്. പ​ക്ഷേ, പ​രാ​ജ​യം വി​ജ​യ​ത്തി​ലേ​ക്കു​ള്ള ചു​വ​ടു​വെ​പ്പാ​ണെ​ന്ന് തി​രി​ച്ച​റി​ഞ്ഞ ദി​സ്സ​നാ​​യ​കെ സാ​മ്പ​ത്തി​ക ത​ക​ർ​ച്ച​യു​ടെ പ​ശ്ചാ​ത്ത​ല​ത്തി​ൽ പു​തി​യ കാ​മ്പ​യി​നു​ക​ൾ​ക്ക് തു​ട​ക്ക​മി​ട്ടു.

അ​ഴി​മ​തി നി​റ​ഞ്ഞ ഭ​ര​ണ​കൂ​ട​ങ്ങ​ളെ ര​ക്ഷി​ക്കാ​ൻ മാ​ത്ര​മാ​ണ് ഐ.​എം.​എ​ഫ് ആ​ഗ്ര​ഹി​ക്കു​ന്ന​ത്. അ​തു​കൊ​ണ്ട് അ​വ​രു​മാ​യി ത​യാ​റാ​ക്കി​യ ക​രാ​റു​ക​ൾ പു​നഃ​പ​രി​ശോ​ധി​ക്ക​ണ​മെ​ന്നാ​ണ് ഈ ​തെ​ര​ഞ്ഞെ​ടു​പ്പി​ൽ ഈ ​ചെ​റു​പ്പ​ക്കാ​ര​ൻ മു​ന്നോ​ട്ടു​വെ​ച്ച നി​ല​പാ​ട്. അ​ധി​കാ​ര​ത്തി​ലെ​ത്തി​യാ​ൽ സാ​മൂ​ഹി​ക ക്ഷേ​മ പ​ദ്ധ​തി​ക​ൾ​ക്ക് മു​ൻ​ഗ​ണ​ന ന​ൽ​കു​മെ​ന്നും ജീ​വി​ത​ച്ചെ​ല​വ് വെ​ട്ടി​ക്കു​റ​ക്കു​മെ​ന്നും വാ​ഗ്ദാ​നം ന​ൽ​കി.