ലണ്ടനിൽ കൂറ്റൻ ചൈന എംബസി; പ്രതിഷേധിച്ച് പ്രതിപക്ഷവും വിമർശകരും

ല​ണ്ട​ൻ: കൂ​റ്റ​ൻ ന​യ​ത​ന്ത്ര കാ​ര്യാ​ല​യം നി​ർ​മി​ക്കാ​നു​ള്ള ചൈ​ന​യു​ടെ നീ​ക്ക​ത്തി​നെ​തി​രെ ല​ണ്ട​ൻ ന​ഗ​ര​ത്തി​ൽ പ്ര​തി​ഷേ​ധം. യൂ​റോ​പ്പി​ലെ ഏ​റ്റ​വും വ​ലി​യ എം​ബ​സി പ​ണി​യാ​ൻ ചൈ​ന പ​ദ്ധ​തി​യി​ട്ട ല​ണ്ട​ൻ ട​വ​റി​ന​ടു​ത്തു​ള്ള റോ​യ​ൽ മി​ന്റ് കോ​ർ​ട്ടി​ന് മു​ന്നി​ലാ​ണ് പ്ര​തി​ഷേ​ധം അ​ര​ങ്ങേ​റി​യ​ത്. ഹോ​ങ്കോ​ങ്, ഉ​യി​ഗൂ​ർ, ടി​ബ​റ്റ​ൻ സ്വ​ദേ​ശി​ക​ളു​ടെ നേ​തൃ​ത്വ​ത്തി​ലാ​യി​രു​ന്നു റാ​ലി. ഷാ​ഡോ ജ​സ്റ്റി​സ് സെ​ക്ര​ട്ട​റി റോ​ബ​ർ​ട്ട് ജെൻറി​ക്, ഷാ​ഡോ സു​ര​ക്ഷ മ​ന്ത്രി ടോം ​ടു​ഗെ​ൻ​ഹാ​റ്റ്, പ്ര​തി​പ​ക്ഷ​മാ​യ ക​ൺ​സ​ർ​വേ​റ്റി​വ് പാ​ർ​ട്ടി മു​ൻ നേ​താ​വ് ഇ​യാ​ൻ ഡ​ങ്ക​ൻ സ്മി​ത്ത് എ​ന്നി​വ​രും പ്ര​തി​ഷേ​ധ​ക്കാ​ർ​ക്കൊ​പ്പം അ​ണി​ചേ​ർ​ന്നു. രാ​ഷ്ട്രീ​യ പ്ര​തി​യോ​ഗി​ക​ളെ​യും വി​മ​ർ​ശ​ക​രെ​യും നി​യ​മ​വി​രു​ദ്ധ​മാ​യി ത​ട​വി​ലി​ടാ​ൻ ചൈ​ന ഈ ​കേ​ന്ദ്രം ഉ​പ​യോ​ഗി​ക്കു​മെ​ന്നാ​ണ് ഇ​വ​രു​ടെ ആ​ശ​ങ്ക.

2018ലാ​ണ് പ​ദ്ധ​തി​ക്കാ​യി ചൈ​ന അ​ഞ്ച് ഏ​ക്ക​ർ സ്ഥ​ലം വാ​ങ്ങി​യ​ത്. ​പ്ര​തി​ഷേ​ധ​ങ്ങ​ൾ​ക്ക് സാ​ധ്യ​ത​യു​ണ്ടെ​ന്ന് ചൂ​ണ്ടി​ക്കാ​ണി​ച്ച് കെ​ട്ടി​ട നി​ർ​മാ​ണ​ത്തി​നു​ള്ള അ​നു​മ​തി ട​വ​ർ ഹാം​ലെ​റ്റ്സ് കൗ​ൺ​സി​ൽ 2022 വ​രെ വൈ​കി​പ്പി​ച്ചു. ലേ​ബ​ർ പാ​ർ​ട്ടി അ​ധി​കാ​ര​ത്തി​ലെ​ത്തി​യ ശേ​ഷം ചൈ​ന വീ​ണ്ടും അ​പേ​ക്ഷ ന​ൽ​കു​ക​യാ​യി​രു​ന്നു. ചൈ​നീ​സ് പ്ര​സി​ഡ​ന്റ് ഷി ​ജി​ങ്പി​ങ് ബ്രി​ട്ടീ​ഷ് പ്ര​ധാ​ന​മ​ന്ത്രി കെ​യ​ർ സ്റ്റാ​ർ​മ​റെ നേ​രി​ട്ട് വി​ളി​ച്ച് ആ​വ​ശ്യ​പ്പെ​ട്ട​തോ​ടെ​യാ​ണ് പ​ദ്ധ​തി​ക്ക് പു​ന​ർ​ജീ​വ​ൻ ല​ഭി​ച്ച​ത്.