വാഷിങ്ടൺ: യു.എസിലെ മിയാമി വിമാനത്താവളത്തിൽ വെച്ച് യാത്രക്കാരനിൽ നിന്ന് പാമ്പുകളെ പിടികൂടി. പാമ്പുകളെ ബാഗിലിട്ട് പാന്റിനുള്ളിൽ ഒളിപ്പിച്ചുവെച്ചിരിക്കുകയായിരുന്നു യാത്രക്കാരൻ. ഏപ്രിൽ 26നാണ് സംഭവം നടന്നത്.
ചെക്ക്പോയന്റിൽ വെച്ച് യാത്രക്കാരനെ പരിശോധിച്ചപ്പോഴാണ് വിമാനത്താവളത്തിലെ ജീവനക്കാർ ഞെട്ടിപ്പോയത്. പരിശോധനയിൽ ബാഗിലാക്കിയ രണ്ട് വലിയ വെള്ളപ്പാമ്പുകളെയാണ് കണ്ടെത്തിയത്. ഈ ബാഗ് സ്വന്തം പാന്റിനുള്ളിൽ ഒളിപ്പിച്ചിരിക്കുകയായിരുന്നു യാത്രക്കാരൻ. പാമ്പുകളെ അധികൃതർ ഫ്ലോറിഡ വൈൽഡ് ലൈഫ് കൺസർവേഷൻ ഡിപാർട്മെന്റിന് കൈമാറി. പിടികൂടിയ പാമ്പുകളുടെ ചിത്രവും പുറത്തുവിട്ടിട്ടുണ്ട്.
വായനക്കാരുടെ അഭിപ്രായങ്ങള്‍ അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.