യുക്രെയ്നിൽ ഒരുലക്ഷത്തിലേറെ റഷ്യൻ സൈന്യം കൊല്ലപ്പെട്ടിട്ടുണ്ടാകാമെന്ന് മുതിർന്ന യു.എസ് ജനറൽ

മോസ്കോ: യു​ക്രെയ്ൻ അധിനിവേശത്തിനിടെ ഒരുലക്ഷത്തിലേറെ റഷ്യൻ സൈനികർ കൊല്ലപ്പെടുകയോ പരിക്കേൽക്കുകയോ ചെയ്തതായി മുതിർന്ന യു.എസ് ജനറൽ മാർക് മില്ലി. ന്യൂയോർക്കിലെ ഇക്കണോമിക്സ് ക്ലബിൽ വെച്ചാണ് മില്ലി ഇക്കാര്യം പറഞ്ഞത്. യുക്രെയ്നിന്റെ ഭാഗത്തും ഇത്രയേറെ സൈനികക്ക് ആളപായം സംഭവിച്ചിട്ടുണ്ടാകാമെന്നും അദ്ദേഹം ചൂണ്ടിക്കാട്ടി.

അതേസമയം, ഈ കണക്കുകൾ ഔദ്യോഗികമായി സ്ഥിരീകരിച്ചിട്ടില്ല. റഷ്യയുടെ യുക്രെയ്ൻ അധിനിവേശം എട്ടു മാസം പിന്നിട്ടിരിക്കയാണ്. ഇരുരാജ്യങ്ങൾക്കും സൈനിക വിജയം അപ്രാപ്യമാണെന്നിരിക്കെ,

യുദ്ധം അവസാനിപ്പിക്കാനുള്ള ചർച്ചകൾക്ക് സാധ്യതയുണ്ടെന്നും മില്ലി പറഞ്ഞു. ഖേഴ്സണിൽ സൈന്യത്തെ പിൻവലിക്കാൻ റഷ്യ ഉത്തരവിട്ട സാഹചര്യത്തിലാണ് മില്ലിയുടെ പ്രസ്താവന.