വാഷിങ്ടൺ: വിമാന കമ്പനിയായ ബോയിങ്ങിന് കനത്ത തിരിച്ചടി നൽകി 737 മാക്സ് വിമാനങ്ങളിൽ പുതിയ തകരാർ കണ്ടെത്തി. വിമാനത്തിന് ഇലക്ട്രിക് തകരാറാണ് കണ്ടെത്തിയത്. ഇത് മൂലം നിലവിൽ സർവീസ് നടത്തുന്ന ബോയിങ്ങിന്‍റെ നിരവധി 737 മാക്സ് വിമാനങ്ങൾ നിലത്തിറക്കി.
യു.എസിലെ സൗത്ത്വെസ്റ്റ് എയർലൈൻ, അമേരിക്കൻ എയർലൈൻ തുടങ്ങിയ കമ്പനികളുടേയെല്ലാം വിമാനങ്ങൾ നിലത്തിറക്കിയവിൽ ഉൾപ്പെടുന്നു. എന്നാൽ, മുഴുവൻ വിമാനങ്ങൾക്കും പ്രശ്നമില്ലെന്നാണ് സൂചന. 16ഓളം വിമാനങ്ങൾക്ക് നിലവിൽ തകരാർ കണ്ടെത്തിയെന്നാണ് റിപ്പോർട്ട്
ബാക്ക് പവർ കൺട്രോൾ സിസ്റ്റത്തിലാണ് തകരാറുള്ളത്. നേരത്തെ ഫ്ലൈറ്റ് കൺട്രോൾ സിസ്റ്റത്തിൽ തകരാറുണ്ടായതിനെ തുടർന്നാണ് ബോയിങ്ങിന്‍റെ 737 മാക്സ് വിമാനങ്ങൾക്ക് രണ്ട് വർഷത്തോളം സർവീസ് വിലക്കിയിരുന്നു. രണ്ടാമതും പ്രതിസന്ധിയുണ്ടായതോടെ ബോയിങ്ങിന്‍റെ ഓഹരി വിലയിൽ ഇടിവുണ്ടായി. ഒരു ശതമാനത്തോളം ഇടിവാണ് ഓഹരി വിലയിൽ ഉണ്ടായത്.
വായനക്കാരുടെ അഭിപ്രായങ്ങള്‍ അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.