തുടർച്ചയായ ഏഴാം ദിവസവും ഗസ്സയിൽ ഇസ്രായേൽ ആക്രമണം

ഗസ്സ: ഗസ്സ: ഗസ്സയിലെ ജനജീവിതം ദുരിതത്തിലാക്കി ഇസ്രായേൽ വ്യോമാക്രമണം തുടരുന്നു. തുടർച്ചയായ ഏഴാം രാത്രിയിലും വിവിധ ​േകന്ദ്രങ്ങളിൽ ഇസ്രായേൽ യുദ്ധവിമാനങ്ങൾ ബോംബിട്ടു. ഗസ്സയിൽ നിന്ന്​ സ്​ഫോടക വസ്​തുക്കൾ നിറച്ച ബലൂണുകൾ ഇസ്രായേലിലേക്ക്​ പറത്തുന്നതിന്​ പ്രതികാരമായാണ്​ ആക്രമണ​െമന്ന്​ ഇസ്രായേൽ സൈന്യം പറഞ്ഞു. ഗസ്സയുടെ തെക്കൻ ഭാഗത്തുള്ള റഫയി​െലയും വടക്കൻ മേഖലയിലെ ബെയ്​ത്​ ലാഹിയയിലെയും ഹമാസ്​ നിരീക്ഷണ പോസ്​റ്റുകൾക്ക്​ നേരെയാണ്​ ആക്രമണമുണ്ടായതെന്ന്​ ഗസ്സ സുരക്ഷ വൃത്തങ്ങൾ പറഞ്ഞു.

ഗസ്സയിലെ കരീം അബുസ​ലേം ഉൽപന്ന കൈമാറ്റയിടവും മത്സ്യബന്ധന മേഖലയും ഇസ്രായേൽ അടച്ചിട്ട്​ ജീവിതം ​പ്രയാസപ്പെടുത്തുന്നതിനിടയിലാണ്​ ​രാത്രികളിൽ വ്യോമാക്രമണവും​. 2007 മുതൽ ഇസ്രായേലി​െൻറ കര, നാവിക, വ്യോമ ഉപരോധം അനുഭവിക്കുകയാണ്​ ഗസ്സ.ഗസ്സയിലെത്തിയ ഇൗജിപ്​ഷ്യൻ പ്രതിനിധികൾ ചർച്ചക്ക്​ ഇസ്രായേലിലേക്കും അധിനിവിഷ്​ട വെസ്​റ്റ്​ബാങ്കി​ലെ ഫലസ്​തീൻ അതോറിറ്റിയിലേക്കും നീങ്ങിയ ഉടനാണ്​ ആ​ക്രമണമെന്ന്​ ഹമാസ്​ വ്യക്​തമാക്കി.

യു.എൻ, ഖത്തർ, ഇൗജിപ്​ത്​ എന്നിവയു​െട മുൻകൈയിൽ കഴിഞ്ഞവർഷം ഹമാസും ഇസ്രായേലും സമാധാന ഉടമ്പടിയിലെത്തിയിരുന്നെങ്കിലും ഏതാനും ആഴ്​ചകളായി സംഘർഷം വ്യാപിക്കുകയായിരുന്നു. ഗസ്സ ഉപരോധത്തിൽ ഇളവ്​ വരുത്താൻ അന്ന്​ ഇസ്രായേൽ സമ്മതിച്ചിരുന്നു. സമ്പദ്​വ്യവസ്ഥയുടെ തകർച്ച ഒഴിവാക്കാൻ വൻകിട പദ്ധതികൾക്ക്​ അനുമതി നൽകുമെന്നും വ്യക്​തമാക്കി. എന്നാൽ, ഇതൊന്നും ഇസ്രായേൽ പാലിച്ചില്ലെന്ന്​ ഹമാസ്​ കു​റ്റപ്പെടുത്തുന്നു. കരീം അബുസ​ലേം ഉൽപന്ന കൈമാറ്റയിടം ഇസ്രായേൽ അടച്ചതോടെ ഇന്ധന വിതരണം തടസ്സപ്പെട്ടത്​​ മൂലം ഗസ്സയിലെ ഏക വൈദ്യുതി പ്ലാൻറ്​ നിശ്ചലമായി. ഇപ്പോൾ 20 ലക്ഷത്തോളം ജനങ്ങൾ ദിവസേന നാല്​ മണിക്കൂർ മാത്രം ലഭിക്കുന്ന വൈദ്യുതിയെ ആശ്രയിച്ചാണ്​ കഴിയുന്നത്​.