വെസ്റ്റ് ബാങ്ക്: അധിനിവിഷ്ട വെസ്റ്റ് ബാങ്കിൽ 15കാരനെ വെടിവെച്ച് കൊലപ്പെടുത്തി ഇസ്രായേൽ സൈന്യം. അഹ്മദ് ഇനായ ആണ് മരിച്ചത്. സൈനികവാഹനത്തിനു നേരെ കല്ലെറിഞ്ഞതിനാണ് വെടിവെച്ചതെന്ന് സൈന്യം പ്രതികരിച്ചു. മറ്റൊരു കുട്ടി ഉൾപ്പെടെ രണ്ടുപേർക്ക് പരിക്കേറ്റിട്ടുമുണ്ട്. കുട്ടിയുടെ പിറകുവശത്താണ് വെടിയേറ്റതെന്ന് ഫലസ്തീൻ ആരോഗ്യ മന്ത്രാലയം അറിയിച്ചു.
വെസ്റ്റ് ബാങ്കിൽ സംഘർഷം പതിവായിരിക്കുകയാണ്. ദിനേനയെന്നോണം നടക്കുന്ന ഇസ്രായേലി റെയ്ഡും ഇതിനോടുള്ള ഫലസ്തീനികളുടെ ചെറുത്തുനിൽപുമാണ് സംഘർഷത്തിനിടയാക്കുന്നത്. ഈ വർഷം ഇതുവരെ മാത്രം 13 കുട്ടികൾ ഉൾപ്പെടെ 66 ഫലസ്തീനികളെയാണ് ഇസ്രായേൽ കൊലപ്പെടുത്തിയത്. ഫലസ്തീനികളുടെ ആക്രമണത്തിൽ 13 ഇസ്രായേലികളും ഒരു യുക്രെയ്ൻ വിനോദസഞ്ചാരിയും കൊല്ലപ്പെട്ടു.
വായനക്കാരുടെ അഭിപ്രായങ്ങള് അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.