ലണ്ടൻ: കോവിഡ് 19 വൈറസ് രോഗബാധിതരുടെ എണ്ണം വർധിക്കുന്ന സാഹചര്യത്തിൽ തെൻറ ഉടമസ്ഥതയിലുള്ള പുതിയ നാലുനില ക െട്ടിടം ആശുപത്രിയാക്കാൻ വിട്ടു നൽകി ബ്രിട്ടീഷ് ബോക്സിങ് താരം ആമിർ ഖാൻ. 60,000 ചതുരശ്രയടിയുള്ള കെട്ടിടം നാഷനൽ ഹെൽത്ത് സർവീസിന് കൈമാറാൻ തയാറാണെന്ന് ആമിർ ട്വിറ്ററിലൂടെ അറിയിച്ചു. ലൈറ്റ് വെൽറ്റർ െവയ്റ്റ് വേൾഡ് ചാമ്പ്യനും 2009 മുതൽ 2012 വരെ വേൾഡ് ബോക്സിങ് അസോസിയേഷൻ ചാമ്പ്യനുമായ താരമാണ് ആമിർ ഖാൻ.
വെഡിങ് ഹാളായി ആഗസ്റ്റിൽ തുറന്നു പ്രവർത്താനിരിക്കെയാണ് കെട്ടിടം ആശുപത്രിക്കായി നൽകുന്നത്. ബ്രിട്ടനിൽ കോവിഡ് രോഗികളുടെ എണ്ണം ക്രമാതീതമായി വർധിക്കുന്നതിനാൽ ആശുപത്രികൾ നിറഞ്ഞ അവസ്ഥയാണ്.
ബ്രിട്ടനിൽ 9,500 പേർക്കാണ് കോവിഡ് -19 സ്ഥിരീകരിച്ചത്. മരണസംഖ്യ 460 കടന്നിട്ടുണ്ട്.
എലിസബത്ത് രാജ്ഞിയുടെ മൂത്ത മകൻ ചാൾസ് രാജകുമാരനും കോവിഡ് വൈറസ് ബാധിച്ചതായി ബുധനാഴ്ച സ്ഥിരീകരിച്ചിരുന്നു.
വായനക്കാരുടെ അഭിപ്രായങ്ങള്‍ അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.