ദലൈലാമയുടെ പിൻഗാമി: ഇന്ത്യ ജാഗ്രത കാണിക്കണമെന്ന് ചൈന, അ​നു​യാ​യി​ക​ളുടെ ആഗ്രഹമാണ് പറഞ്ഞതെന്ന് റി​ജി​ജു​

ബെ​യ്ജി​ങ്: ദ​ലൈ​ലാ​മ​യു​ടെ പി​ൻ​ഗാ​മി അ​ദ്ദേ​ഹ​ത്തി​​​​ന്റെ സ്വ​ന്തം ഇ​ഷ്ട​പ്ര​കാ​ര​മാ​യി​രി​ക്ക​ണ​മെ​ന്ന ന്യൂ​ന​പ​ക്ഷ​കാ​ര്യ മ​ന്ത്രി കി​ര​ൺ റി​ജി​ജു​വി​ന്റെ പ്ര​സ്താ​വ​ന​ക്കെതിരെ ചൈ​ന. ഉ​ഭ​യ​ക​ക്ഷി ബ​ന്ധ​ങ്ങ​ളെ ബാ​ധി​ക്കാ​തി​രി​ക്കാ​ൻ തി​ബ​റ്റു​മാ​യി ബ​ന്ധ​പ്പെ​ട്ട വി​ഷ​യ​ങ്ങ​ളി​ൽ ഇ​ന്ത്യ ജാ​ഗ്ര​ത​യോ​ടെ പ്ര​വ​ർ​ത്തി​ക്ക​ണ​മെ​ന്ന് ചൈ​നീ​സ് വി​​ദേ​ശ​കാ​ര്യ വ​ക്താ​വ് മാ​വോ നി​ങ് പ​റ​ഞ്ഞു. 14ാമ​ത് ദ​ലൈ​ലാ​മ​യു​ടെ ചൈ​ന വി​രു​ദ്ധ വി​ഘ​ട​ന​വാ​ദ സ്വ​ഭാ​വം ഇ​ന്ത്യ മ​ന​സ്സി​ലാ​ക്ക​ണ​മെ​ന്നും സി​സാ​ങ് (തി​ബ​റ്റ്) സം​ബ​ന്ധ​മാ​യ വി​ഷ​യ​ങ്ങ​ളി​ലെ പ്ര​തി​ബ​ദ്ധ​ത മാ​നി​ക്ക​ണ​മെ​ന്നും അ​വ​ർ പ​റ​ഞ്ഞു. സി​സാ​ങ് എ​ന്നാ​ണ് തി​ബ​റ്റി​നെ ചൈ​ന വി​ളി​ക്കു​ന്ന​ത്.

ഇ​ന്ത്യ വാ​ക്കു​ക​ളി​ലും പ്ര​വൃ​ത്തി​ക​ളി​ലും ജാ​ഗ്ര​ത പാ​ലി​ക്ക​ണം. സി​സാ​ങ്ങു​മാ​യി ബ​ന്ധ​പ്പെ​ട്ട വി​ഷ​യ​ങ്ങ​ളി​ൽ ചൈ​ന​യു​ടെ ആ​ഭ്യ​ന്ത​ര കാ​ര്യ​ങ്ങ​ളി​ൽ ഇ​ട​പെ​ടു​ന്ന​ത് അ​വ​സാ​നി​പ്പി​ക്ക​ണം. ചൈ​ന-​ഇ​ന്ത്യ ബ​ന്ധ​ത്തി​ൽ പ്ര​ത്യാ​ഘാ​ത​മു​ണ്ടാ​കു​ന്ന​ത് ഒ​ഴി​വാ​ക്ക​ണം -മാ​വോ നി​ങ് പ​റ​ഞ്ഞു.

ദ​ലൈ​ലാ​മ​യു​ടെ പി​ൻ​ഗാ​മി​യെ​ക്കു​റി​ച്ചു​ള്ള തീ​രു​മാ​നം പ്ര​സ്ഥാ​ന​വും തി​ബ​റ്റ​ൻ ബു​ദ്ധ​മ​ത​ക്കാ​രു​ടെ നേ​താ​വും എ​ടു​ക്കു​മെ​ന്നും മ​റ്റാ​ർ​ക്കും അ​തി​ൽ പ​ങ്കി​ല്ലെ​ന്നും റി​ജി​ജു ക​ഴി​ഞ്ഞ​ദി​വ​സം പ​റ​ഞ്ഞി​രു​ന്നു. ദ​ലൈ​ലാ​മ​യു​ടെ പി​ൻ​ഗാ​മി​യെ​ക്കു​റി​ച്ചു​ള്ള അ​ഭി​പ്രാ​യ​ങ്ങ​ളോ​ട് ഇ​ന്ത്യ​ൻ സ​ർ​ക്കാ​റി​​ന്റെ പ്ര​തി​നി​ധി​യി​ൽ​നി​ന്നു​ള്ള ആ​ദ്യ പ്ര​തി​ക​ര​ണ​മാ​യി​രു​ന്നു അ​ത്. സ​മാ​ധാ​ന നൊ​​ബേ​ൽ സ​മ്മാ​ന ജേ​താ​വാ​യ ദേ​ലൈ​ലാ​മ​യു​ടെ പി​ന്തു​ട​ർ​ച്ചാ​വ​കാ​ശ പ​ദ്ധ​തി ചൈ​ന ത​ള്ളി​ക്ക​ള​ഞ്ഞ​തി​ന് പി​ന്നാ​ലെ​യാ​ണ് റി​ജി​ജു​വി​ന്റെ പ​രാ​മ​ർ​ശം.

ഭാ​വി​യി​ലെ പി​ൻ​ഗാ​മി​ക്ക് ത​ങ്ങ​ളു​ടെ അം​ഗീ​കാ​രം വേ​ണ​മെ​ന്നും ചൈ​ന വ്യ​ക്ത​മാ​ക്കി​യി​രു​ന്നു. ഞാ​യ​റാ​ഴ്ച ധ​രം​ശാ​ല​യി​ൽ ന​ട​ക്കു​ന്ന ദ​ലൈ​ലാ​മ​യു​ടെ 90ാം ജ​ന്മ​ദി​നാ​ഘോ​ഷ​ത്തി​ൽ ഇ​ന്ത്യാ സ​ർ​ക്കാ​റി​നെ പ്ര​തി​നി​ധാ​നം​ചെ​യ്ത് ബു​ദ്ധ​മ​ത വി​ശ്വാ​സി​യാ​യ റി​ജി​ജു​വും സ​ഹ കേ​ന്ദ്ര​മ​ന്ത്രി രാ​ജീ​വ് ര​ഞ്ജ​ൻ സി​ങ്ങും പ​​​​​ങ്കെ​ടു​ക്കു​ന്നു​ണ്ട്. ജ​ന്മ​ദി​ന പ​രി​പാ​ടി മ​ത​പ​ര​മാ​യ ച​ട​ങ്ങാ​ണെ​ന്നും രാ​ഷ്ട്രീ​യ​വു​മാ​യി യാ​തൊ​രു ബ​ന്ധ​വു​മി​ല്ലെ​ന്നും മ​ന്ത്രി പ​റ​ഞ്ഞു.

ദ​ലൈ​ലാ​മ​യു​ടെ​യും തി​ബ​റ്റ​ൻ ബു​ദ്ധ​മ​ത​ത്തി​ലെ ര​ണ്ടാ​മ​ത്തെ പ്ര​ധാ​ന പു​രോ​ഹി​ത​നാ​യ പ​ഞ്ച​ൻ ലാ​മ​യു​ടെ​യും പി​ൻ​ഗാ​മി​യെ ക​ർ​ശ​ന​മാ​യ മ​താ​ചാ​ര​ങ്ങ​ളോ​ടെ​യും ച​രി​ത്ര​പ​ര​മാ​യ പാ​ര​മ്പ​ര്യ​ങ്ങ​ളോ​ടെ​യും ന​ട​ത്ത​ണ​മെ​ന്ന് മാ​വോ നി​ങ് പ​റ​ഞ്ഞു. ഒ​രു സ്വ​ർ​ണ ക​ല​ശ​ത്തി​ൽ​നി​ന്ന് ന​റു​ക്കെ​ടു​ത്തും ചൈ​ന​യു​ടെ അം​ഗീ​കാ​ര​ത്തോ​ടെ​യും ആ​യി​രി​ക്ക​ണം പി​ൻ​ഗാ​മി​യെ നി​ശ്ച​യി​ക്കേ​ണ്ട​ത്. ഇ​പ്പോ​ഴ​ത്തെ 14ാമ​ത് ദ​ലൈ​ലാ​മ​യെ തി​ര​ഞ്ഞെ​ടു​ത്ത​ത് ഈ ​ന​ട​പ​ടി​ക്ര​മ​ത്തി​ലൂ​ടെ​യാ​ണെ​ന്നും അ​ന്ന​ത്തെ സ​ർ​ക്കാ​ർ അ​ത് അം​ഗീ​ക​രി​ച്ചി​രു​ന്നു​വെ​ന്നും അ​വ​ർ പ​റ​ഞ്ഞു.

ദ​ലൈ​ലാ​മ​യു​ടെ പ്ര​സ്ഥാ​നം തു​ട​രു​മെ​ന്നും 2015ൽ ​അ​ദ്ദേ​ഹം സ്ഥാ​പി​ച്ച ഗാ​ഡെ​ൻ ഫോ​ദ്രോ​ങ് ട്ര​സ്റ്റി​ന് മാ​ത്ര​മേ പി​ൻ​ഗാ​മി​യെ അം​ഗീ​ക​രി​ക്കാ​ൻ അ​ധി​കാ​ര​മു​ള്ളൂ എ​ന്നും തി​ബ​റ്റ​ൻ ആ​ത്മീ​യ നേ​താ​വ് ബു​ധ​നാ​ഴ്ച പ​റ​ഞ്ഞി​രു​ന്നു.

ദ​ലൈ​ലാ​മ തീ​രു​മാ​നി​ക്ക​ണ​മെ​ന്ന് അ​നു​യാ​യി​ക​ളുടെ ആഗ്രഹം -മന്ത്രി റി​ജി​ജു

ന്യൂ​ഡ​ൽ​ഹി: ത​ന്റെ പി​ൻ​ഗാ​മി​യെ തി​ബ​റ്റ​ൻ ആ​ത്മീ​യ നേ​താ​വ് ത​ന്നെ തീ​രു​മാ​നി​ക്ക​ണ​മെ​ന്നാ​ണ് ദ​ലൈ​ലാ​മ​യു​ടെ അ​നു​യാ​യി​ക​ളും ഭ​ക്ത​രും ആ​ഗ്ര​ഹി​ക്കു​ന്ന​തെ​ന്ന് ആ​വ​ർ​ത്തി​ച്ച് ന്യൂ​ന​പ​ക്ഷ​കാ​ര്യ മ​ന്ത്രി കി​ര​ൺ റി​ജി​ജു. അ​തേ​സ​മ​യം, ഇ​ന്ത്യ​ൻ സ​ർ​ക്കാ​റി​നു​വേ​ണ്ടി​യ​ല്ല താ​ൻ ഈ ​അ​ഭി​പ്രാ​യം പ​റ​യു​ന്ന​തെ​ന്നും ദ​ലൈ​ലാ​മ​യു​ടെ പി​ന്തു​ട​ർ​ച്ചാ പ​ദ്ധ​തി​യെ നി​രാ​ക​രി​ച്ച് ചൈ​ന ന​ട​ത്തി​യ പ്ര​സ്താ​വ​ന​യെ​ക്കു​റി​ച്ച് അ​ഭി​പ്രാ​യം പ​റ​യു​ന്നി​ല്ലെ​ന്നും റി​ജി​ജു വ്യ​ക്ത​മാ​ക്കി.

അ​തേ​സ​മ​യം, വി​ശ്വാ​സ​ങ്ങ​ളും മ​താ​ചാ​ര​ങ്ങ​ളു​മാ​യി ബ​ന്ധ​പ്പ​ട്ട വി​ഷ​യ​ങ്ങ​ളി​ൽ കേ​ന്ദ്ര സ​ർ​ക്കാ​ർ നിലപാടെടുക്കുകയോ സം​സാ​രി​ക്കു​ക​യോ ചെ​യ്യാ​റി​ല്ലെ​ന്ന് ദ​ലൈ​ലാ​മ​യു​ടെ പി​ൻ​ഗാ​മി​യെ​ക്കു​റി​ച്ചു​ള്ള ചോ​ദ്യ​ങ്ങ​ൾ​ക്ക് മ​റു​പ​ടി​യാ​യി വി​ദേ​ശ​കാ​ര്യ വ​ക്താ​വ് ര​ൺ​ധീ​ർ ജ​യ്സ്വാ​ൾ പ​റ​ഞ്ഞു. ഇ​ന്ത്യ​യി​ലെ മു​ഴു​വ​നാ​ളു​ക​ളു​ടെ​യും മ​ത​സ്വാ​ത​ന്ത്ര്യം സ​ർ​ക്കാ​ർ മാ​നി​ക്കു​ന്നു​വെ​ന്നും ഭാ​വി​യി​ലും അ​ത് തു​ട​രു​മെ​ന്നും അ​ദ്ദേ​ഹം കൂ​ട്ടി​ച്ചേ​ർ​ത്തു.

ദലൈ​ലാ​മ വി​ഷ​യ​ത്തി​ൽ ആ​ശ​യ​ക്കു​ഴ​പ്പ​ത്തി​ന്റെ ആ​വ​ശ്യ​മി​ല്ല. ബു​ദ്ധ​മ​ത​ത്തി​ൽ വി​ശ്വ​സി​ക്കു​ക​യും ദ​ലൈ​ലാ​മ​യെ പി​ന്തു​ട​രു​ക​യും ചെ​യ്യു​ന്ന ലോ​ക​മെ​മ്പാ​ടു​മു​ള്ള മു​ഴു​വ​ൻ ആ​ളു​ക​ളും അ​ദ്ദേ​ഹം ത​ന്നെ പി​ൻ​ഗാ​മി​യെ തീ​രു​മാ​നി​ക്ക​ണ​മെ​ന്ന് ആ​ഗ്ര​ഹി​ക്കു​ന്നു. താ​നോ സ​ർ​ക്കാ​റോ ഒ​ന്നും പ​റ​യേ​ണ്ട​തി​ല്ല. അ​ടു​ത്ത ദ​ലൈ​ലാ​മ ആ​രാ​യി​രി​ക്ക​ണ​മെ​ന്ന് അ​ദ്ദേ​ഹം തീ​രു​മാ​നി​ക്കും -റി​ജി​ജു പ​റ​ഞ്ഞു.