ഇസ്ലാമാബാദ്: ചൈന -പാക് സാമ്പത്തിക ഇടനാഴിക്കു നൽകിവന്ന സാമ്പത്തിക സഹായം ചൈന നിർത്തിവെച്ചു.പദ്ധതിയുമായി ബന്ധപ്പെട്ട് ഉയർന്ന അഴിമതി റിപ്പോർട്ടിനെ തുടർന്നാണ് ചൈനയുടെ തീരുമാനം. 5000 കോടി ഡോളറാണ് പദ്ധതിയുടെ ചെലവ് കണക്കാക്കിയിരുന്നത്.
പദ്ധതിയിൽ അഴിമതി നടന്നതായി പാക് പത്രമായ ഡോൺ ആണ് റിപ്പോർട്ട് ചെയ്തത്. ചൈനയുടെ തീരുമാനം ദേര ഇസ്മാഇൗൽ ഖാൻ -സോബ് (210 കി.മീ), ബലൂചിസ്താനിലെ ഖുസ്താൻ -ബസീമ(110 കി.മീ), കാറക്കോറം ഹൈവേ (136 കി.മി) എന്നീ റോഡുകളുടെ നിർമാണത്തെ ബാധിക്കും. വൺ ബെൽറ്റ് വൺ റോഡ് പദ്ധതിയിലുൾപ്പെടുത്തി പാക് അധീന കശ്മീരിലൂടെയാണ് റോഡുകൾ കടന്നുപോകുന്നത്.
വായനക്കാരുടെ അഭിപ്രായങ്ങള് അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.