ബ്ര​ഹ്​​മ​പു​ത്ര​യിലെ കൃ​ത്രി​മ​ത​ടാ​ക​ങ്ങ​ൾ:  ഇ​ന്ത്യ​യു​മാ​യി  സംഭാഷണം തുടരുമെന്ന്​ ചൈന

ബെ​യ്​​ജി​ങ്​: ഭൂ​ച​ല​ന​ത്തെ​ത്തു​ട​ർ​ന്ന്​ തി​ബ​ത്തി​ൽ ബ്ര​ഹ്​​മ​പു​ത്ര ന​ദി​യി​ലു​ണ്ടാ​യ മ​ണ്ണി​ടി​ച്ചി​ലി​ൽ രൂ​പ​പ്പെ​ട്ട വ​ൻ കൃ​ത്രി​മ​ത​ടാ​ക​ങ്ങ​ളു​യ​ർ​ത്തു​ന്ന ആ​ശ​ങ്ക സം​ബ​ന്ധി​ച്ച്​ ഇ​ന്ത്യ​യു​മാ​യി സംഭാഷണം തുടരുമെ​ന്ന്​ ചൈ​ന. മൂ​ന്ന്​ കൃ​ത്രി​മ ത​ടാ​ക​ങ്ങ​ളാ​ണ്​ മേ​ഖ​ല​യി​ൽ യാ​ർ​ല​ങ്​ സാ​ങ്​​പോ എ​ന്ന​റി​യ​പ്പെ​ടു​ന്ന ബ്ര​ഹ്​​മ​പു​ത്ര​യി​ൽ രൂ​പ​പ്പെ​ട്ട​ത്. ഇ​വ​യു​ടെ വ​ലു​പ്പ​മോ വെ​ള്ള​ത്തി​​െൻറ അ​ള​വോ നിർണയിക്കാനാ​യി​ട്ടി​ല്ല. 

തി​ബ​ത്തി​ൽ ക​ഴി​ഞ്ഞ​മാ​സം റി​ക്​​ട​ർ സ്​​കെ​യി​ലി​ൽ 6.4 തീ​വ്ര​ത രേ​ഖ​െ​പ്പ​ടു​ത്തി​യ ഭൂ​ച​ല​ന​മു​ണ്ടാ​യ​തി​നെ​ത്തു​ട​ർ​ന്നാ​ണ്​ ഇ​വ രൂ​പ​പ്പെ​ട്ടി​ട്ടു​ള്ള​ത്. വ​ൻ​തോ​തി​ൽ ജ​ലം വ​ഹി​ക്കു​ന്ന ഇൗ ​ത​ടാ​ക​ങ്ങ​ൾ കൂ​ടി​ച്ചേ​രു​ക​യോ പൊ​ട്ടു​ക​യോ ചെ​യ്യു​​ന്ന​തോ​ടെ അ​രു​ണാ​ച​ൽ പ്ര​ദേ​ശി​ൽ സി​യാ​ങ്​ എ​ന്നും അ​സ​മി​ൽ ബ്ര​ഹ്​​മ​പു​ത്ര എ​ന്നു​മ​റി​യ​പ്പെ​ടു​ന്ന ന​ദി​യു​ടെ തീ​ര​ത്ത്​ താ​മ​സി​ക്കു​ന്ന ല​ക്ഷ​ക്ക​ണ​ക്കി​നാ​ളു​ക​ളു​ടെ ജീ​വി​ത​മാ​ണ്​ അ​പ​ക​ട​ത്തി​ലാ​കു​ക. ചൈ​നീ​സ്​ അ​ധി​കൃ​ത​ർ ന​ട​ത്തി​യ പ​രി​ശോ​ധ​ന​യി​ൽ ഇ​ന്ത്യ -ചൈ​ന അ​തി​ർ​ത്തി​യു​ടെ കി​ഴ​ക്ക​ൻ ഭാ​ഗ​ത്താ​ണ്​ ത​ടാ​ക​ങ്ങ​ൾ എ​ന്ന്​ ക​ണ്ടെ​ത്തി​യി​ട്ടു​ണ്ട്.

ത​ടാ​ക​ങ്ങ​ൾ മ​നു​ഷ്യ​നി​ർ​മി​ത​മ​ല്ലെ​ന്നും പ്ര​കൃ​തി​ദു​ര​ന്ത​ത്തെ​ത്തു​ട​ർ​ന്നു​ണ്ടാ​യ​താ​ണെ​ന്നും ക​ണ്ടെ​ത്തി​യ​താ​യും സാ​റ്റ​ൈ​ല​റ്റ്​ ദൃ​ശ്യ​പ​ഠ​ന​ങ്ങ​ളെ ഉ​ദ്ധ​രി​ച്ച്​ ചൈ​നീ​സ്​ വി​ദേ​ശ​കാ​ര്യ​മ​ന്ത്രാ​ല​യ വ​ക്​​താ​വ്​ ഹു​വ ചു​ൻ​യി​ങ്​ മാ​ധ്യ​മ​ങ്ങ​ളോ​ട്​ പ​റ​ഞ്ഞു. ഇ​ന്ത്യ​ൻ മാ​ധ്യ​മ​ങ്ങ​ൾ ഇൗ ​വി​ഷ​യ​ത്തി​ൽ ഉൗ​ഹാ​പോ​ഹ​ങ്ങ​ൾ സൃ​ഷ്​​ടി​ക്കി​ല്ലെ​ന്ന്​ പ്ര​തീ​ക്ഷി​ക്കു​ന്ന​താ​യും അ​വ​ർ പ​റ​ഞ്ഞു. സി​ൻ​ജ്യ​ങ്​ പ്ര​ദേ​ശ​ത്തേ​ക്ക്​ വെ​ള്ള​മെ​ത്തി​ക്കു​ന്ന​തി​നാ​യി സി​യാ​ങ്​ ന​ദി​യി​ൽ ട​ണ​ൽ നി​ർ​മി​ക്കാ​നു​ള്ള ശ്ര​മ​ങ്ങ​ളെ​ത്തു​ട​ർ​ന്നാ​ണ്​ സി​യാ​ങ്ങി​ലെ ജ​ലം മ​ലി​ന​മാ​യ​തെ​ന്ന റി​പ്പോ​ർ​ട്ട്​ ചൈ​ന നേ​ര​ത്തേ നി​ഷേ​ധി​ച്ചി​രു​ന്നു.