വാഷിങ്ടൺ: ഇന്ത്യയുമായി കൂടുതൽ ദൃഢമായ ബന്ധം ആഗ്രഹിക്കുന്നതായി അമേരിക്ക. ഇന്ത്യയുമായി ഇപ്പോഴുള്ള നല്ല ബന്ധം തുടരാൻ കഴിയുമെന്നും വൈറ്റ് ഹൗസ് പ്രതീക്ഷ പ്രകടിപ്പിച്ചു.
പ്രധാനമന്ത്രി നരേന്ദ്ര മോദിയുമായും വ്യാപാര രംഗത്തും ഉൾപ്പടെ ഇന്ത്യയുമായി കൂടുതൽ ദൃഢമായ ബന്ധം ഉണ്ടാവുമെന്നും വൈറ്റ് ഹൗസ് പ്രസ് സെക്രട്ടറി സീൻ സ്പൈസർ വാർത്ത സമ്മേളനത്തിൽ പറഞ്ഞു.
അമേരിക്കയുടെ വിദേശ നയവുമായി രാജ്യം മുന്നോട്ട് പോവും. ഇന്ത്യയുമായുള്ള ബന്ധത്തെ കുറിച്ച് പ്രസിഡൻറ് ട്രംപ് വ്യക്തമായി പറഞ്ഞിട്ടുണ്ടെന്നും സ്പൈസർ പറഞ്ഞു. ഇന്ത്യക്കാർക്കെതിരെ യു.എസിൽ നടക്കുന്ന വംശീയാധിക്രമങ്ങളെയും ശക്തമായ ഭാഷയിൽ അദ്ദേഹം അപലപിച്ചു.
വായനക്കാരുടെ അഭിപ്രായങ്ങള് അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.