വാഷിങ്ടൺ: ലോകത്ത് കോവിഡ് വ്യാപനം രൂക്ഷമാവുന്നു. ലോകത്ത് ഇതുവരെ കോവിഡ് ബാധിച്ച് മരിച്ചവരുടെ എണ്ണം 292,899 ആയി. ഇതുവരെ കോവിഡ് ബാധ സ്ഥിരീകരിച്ചവരുടെ എണ്ണം 43,42,847 ആയി ഉയർന്നു. ഇതിൽ 16,02,712 പേർ രോഗമുക്തരായി. നിലവിൽ 24,47,236 പേർ ചികിത്സയിലുണ്ട്.
കോവിഡ് ഏറ്റവും രൂക്ഷമായി തുടരുന്നത് യു.എസിലാണ്. 14,08,636 പേർക്കാണ് യു.എസിൽ രോഗം സ്ഥിരീകരിച്ചത്. ഇതിൽ 2,96,746 പേർ രോഗമുക്തരായപ്പോൾ 83,425 പേർ മരണത്തിന് കീഴടങ്ങി. 10,28,465 പേർ ഇപ്പോൾ ചികിത്സയിലാണ്.
യു.എസിന് പിന്നാലെ സ്പെയിനാണ് കോവിഡ് നാശം വിതച്ച മറ്റൊരു രാജ്യം. 2,69,520 പേർക്കാണ് ഇവിടെ കോവിഡ് സ്ഥിരീകരിച്ചത്. 26,920 പേർ കോവിഡ് ബാധിച്ച് സ്പെയിനിൽ മരിച്ചു. 1,80,470 പേർ രോഗമുക്തരായി. റഷ്യയിലും േകാവിഡ് രോഗികൾ ഒട്ടും കുറവല്ല. 2,32,243 പേർക്ക് ഇവിടെ രോഗം സ്ഥിരീകരിച്ചു. ഇതിൽ 43,512 പേർക്ക് മാത്രമാണ് രോഗം ഭേദമായത്. 2,116 പേർ മരണത്തിന് കീഴടങ്ങി.
ഇന്ത്യയിൽ 74,480 പേർക്കാണ് കോവിഡ് ബാധിച്ചത്. 24,453 പേർക്ക് രോഗം ഭേദമായി. 2,415 പേർ മരണപ്പെട്ടു.
വായനക്കാരുടെ അഭിപ്രായങ്ങള് അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.