ഫ്രാ​ൻ​സി​സ് പാ​പ്പ​ക്ക് ഒ​ത്ത പി​ൻ​ഗാ​മി

അ​ദ്ദേ​ഹം ഒ​രു നാ​ട്യ​ക്കാ​ര​ന​ല്ല, അ​തീ​വ ശാ​ന്ത​ൻ അ​തി​ലേ​റെ ധി​ഷ​ണാ​ശാ​ലി​യും ദ​യാ​ലു​വു​മാ​ണ്- ക​ർ​ദി​നാ​ൾ റോ​ബ​ർ​ട്ട് ഫ്രാ​ൻ​സി​സ് പ്ര​വോ​സ്ത് ആ​ഗോ​ള ക​ത്തോ​ലി​ക്ക സ​ഭ​യു​ടെ പു​തി​യ ഇ​ട​യ​നാ​യി തെ​ര​ഞ്ഞെ​ടു​ക്ക​പ്പെ​ട്ട വാ​ർ​ത്ത കേ​ട്ട​യു​ട​നെ സെ​മി​നാ​രി​യി​ൽ സ​ഹ​പാ​ഠി​യാ​യി​രു​ന്ന ഷി​കാ​ഗോ​യി​ലെ ഫാ​ദ​ർ മാ​ർ​ക് ആ​ർ. ഫ്രാ​ൻ​സി​സ് ഇ​ങ്ങ​നെ പ്ര​തി​ക​രി​ക്ക​വെ പെ​റു​വി​ലെ ച​ർ​ച്ചു​ക​ളി​ൽ നി​ന്ന് സ​ന്തോ​ഷ​മ​റി​യി​ച്ചു​ള്ള മ​ണി​നാ​ദ​വും കൈ​യ​ടി​ക​ളും മു​ഴ​ങ്ങു​ന്നു​ണ്ടാ​യി​രു​ന്നു. പെ​റു​വി​ലെ സാ​ധാ​ര​ണ​ക്കാ​രും ദ​രി​ദ്ര​രും നി​രാ​ലം​ബ​രു​മാ​യ മ​നു​ഷ്യ​ർ അ​ത്ര​യേ​റെ അ​ടു​ത്ത​റി​ഞ്ഞി​ട്ടു​ണ്ട് ആ ​ശാ​ന്ത​ത​യും ധി​ഷ​ണ​യും ദീ​നാ​നു​ക​മ്പ​യും.

1955ൽ ​ഷി​കാ​ഗോ​യി​ലെ ഡോ​ൾ​ട്ട​നി​ൽ പി​റ​ന്ന റോ​ബ​ർ​ട്ട് ഫ്രാ​ൻ​സി​സി​ന്റെ ബാ​ല്യം​മു​ത​ൽ അ​ൾ​ത്താ​ര​യും ജ​പ​മാ​ല​യും കൂ​ട്ടാ​യു​ണ്ട്. പെ​ൻ​സ​ൽ​വേ​നി​യ​യി​ലെ വി​ല്ല​നോ​വ സ​ർ​വ​ക​ലാ​ശാ​ല​യി​ൽ ഗ​ണി​ത​ശാ​സ്ത്ര പ​ഠ​ന​ത്തി​നു​ശേ​ഷം അ​തി​ലേ​റെ താ​ൽ​പ​ര്യ​പ്പെ​ട്ട ദൈ​വ​ശാ​സ്ത്ര​ത്തി​ൽ ബി​രു​ദാ​ന​ന്ത​ര​ബി​രു​ദ​വും റോ​മി​ലെ സെ​ന്റ് തോ​മ​സ് അ​ക്വി​നാ​സ് കോ​ള​ജി​ൽ നി​ന്ന് കാ​ന​ൻ നി​യ​മ​ത്തി​ൽ ഡോ​ക്ട​റേ​റ്റും നേ​ടി.

പെ​റു​വി​ൽ മെ​ഷി​ന​റി പ്ര​വ​ർ​ത്ത​ന​ത്തി​ന് പു​റ​പ്പെ​ട്ട അ​ദ്ദേ​ഹ​ത്തെ അ​വി​ട​ത്തെ മ​നു​ഷ്യ​രു​ടെ സ​ഹ​ന​ങ്ങ​ളും സ​ങ്ക​ട​ങ്ങ​ളും ഏ​റെ സ്വാ​ധീ​നി​ച്ചു. ഇ​ട​ക്കൊ​രു​വേ​ള ജ​ന്മ​നാ​ട്ടി​ൽ തി​രി​ച്ചെ​ത്തി​യെ​ങ്കി​ലും മ​ന​സ്സു​റ​ക്കാ​തെ ക​ർ​മ​ഭൂ​മി​യി​ലേ​ക്ക് മ​ട​ങ്ങി. ട്രൂ​ജി​ല്ലോ​യി​ൽ അ​ഗ​സ്തീ​നി​യ​ൻ സെ​മി​നാ​രി​ക്ക് തു​ട​ക്ക​മി​ട്ടു.

പോ​പ് ഫ്രാ​ൻ​സി​സ് അ​ദ്ദേ​ഹ​ത്തെ 2015ൽ ​ബി​ഷ​പ്പാ​യും 2023ൽ ​ക​ർ​ദി​നാ​ളാ​യും നി​യോ​ഗി​ച്ചു. സെ​ന്റ് ഫ്രാ​ൻ​സി​സ് അ​സീ​സി​യു​ടെ പേ​ര് ക​ടം​കൊ​ണ്ട പോ​പ് ഫ്രാ​ൻ​സി​സി​ന്, ദീ​നാ​നു​ക​മ്പ​യി​ലും ധീ​ര​ത​യി​ലും ഒ​ത്ത പി​ൻ​ഗാ​മി​യെ​ന്ന് വി​ളി​ക്കാ​വു​ന്ന പു​തി​യ പാ​പ്പ​യു​ടെ ​​പേ​ര് സ്വീ​ക​ര​ണ​വും മു​ൻ​ഗാ​മി​യു​ടേ​ത് പോ​ലൊ​രു നി​ല​പാ​ടു പ്ര​ഖ്യാ​പ​ന​മാ​ണ്.

തൊ​ഴി​ലാ​ളി​ക​ളു​ടെ​യും ദ​രി​ദ്ര​രു​ടെ​യും ജീ​വി​തം സ​മാ​ധാ​ന​വും അ​ന്ത​സ്സും നി​റ​ഞ്ഞ​താ​ക്കാ​ൻ പ്ര​യ​ത്നി​ച്ച ലി​യോ പ​തി​മൂ​ന്നാ​മ​നോ​ടു​ള്ള സ്നേ​ഹാ​ദ​ര​മാ​ണ് അ​തി​ൽ പ്ര​ക​ട​മാ​വു​ന്ന​ത്. കു​ടി​യേ​റ്റ​ക്കാ​രോ​ടും ദ​രി​ദ്ര​രോ​ടു​മെ​ല്ലാം ഫ്രാ​ൻ​സി​സ് പാ​പ്പ​യു​ടേ​തി​ന് തു​ല്യ​മാ​യ സ​മീ​പ​ന​മാ​ണ് പു​തി​യ പാ​പ്പ​യും കാ​ത്തു​പോ​രു​ന്ന​ത്.

2000 മു​ത​ൽ യു.​എ​സ് പ്ര​സി​ഡ​ന്റ് തെ​ര​ഞ്ഞെ​ടു​പ്പു​ക​ളി​ൽ കൃ​ത്യ​മാ​യി വോ​ട്ട് രേ​ഖ​പ്പെ​ടു​ത്തി വ​രു​ന്ന അ​ദ്ദേ​ഹം ക​ർ​ദി​നാ​ൾ പ​ദ​വി​യി​ലി​രി​ക്കെ ട്രം​പ് ഭ​ര​ണ​കൂ​ട​ത്തി​ന്റെ മ​നു​ഷ്യ​ത്വ​ര​ഹി​ത​മാ​യ കു​ടി​യേ​റ്റ വി​രു​ദ്ധ​ത, കൂ​ട്ട​ക്കൊ​ല​ക​ൾ​ക്ക് വ​ഴി​വെ​ക്കു​ന്ന തോ​ക്ക് സം​സ്കാ​രം എ​ന്നി​വ​ക്കെ​തി​രെ സ​മൂ​ഹ​മാ​ധ്യ​മ​ങ്ങ​ളി​ലൂ​ടെ​യും പ്ര​തി​ക​രി​ച്ചി​രു​ന്നു. സം​ഘ​ർ​ഷ​ങ്ങ​ളു​ടെ കാ​ല​ത്ത് ധി​ഷ​ണ​യും ധീ​ര​ത​യും നി​റ​ഞ്ഞ, സ്നേ​ഹ​ത്തി​ന്റെ​യും അ​വ​കാ​ശ​ങ്ങ​ളു​ടെ​യും ഭാ​ഷ​യി​ലെ ഇ​ത്ത​ര​മൊ​രു ശ​ബ്ദ​മാ​ണ് ലോ​കം കാ​ത്തി​രി​ക്കു​ന്ന​തും.