സാ​ധാ​ര​ണ മു​സ്‍ലിം പെ​ണ്ണി​​ന്റെ അ​സാ​ധാ​ര​ണ ജീ​വി​തം

ഫാ​സി​ൽ മു​ഹ​മ്മ​ദ് സം​വി​ധാ​നം​ചെ​യ്ത ‘ഫെ​മി​നി​ച്ചി ഫാ​ത്തി​മ’ എ​ന്ന സി​നി​മ കാ​ണു​ന്നു. സ​മ​കാ​ലി​ക സാ​മൂ​ഹി​ക ജീ​വി​ത​ത്തി​ൽ ഈ ​സി​നി​മ എ​ന്താ​ണ് പ​റ​ഞ്ഞു​വെ​ക്കു​ന്ന​ത്?

ഫാ​സി​ൽ മു​ഹ​മ്മ​ദ് സം​വി​ധാ​നം​ചെ​യ്ത ‘ഫെ​മി​നി​ച്ചി ഫാ​ത്തി​മ’ എ​ന്ന സി​നി​മ​യി​ലെ ഫാ​ത്തി​മ​യു​ടെ ജീ​വി​ത പ​ശ്ചാ​ത്ത​ല​വും ക​ഥാ​ത​ന്തു​വും വ​ള​രെ പ​രി​ചി​ത​മാ​യ​തു​കൊ​ണ്ട് ത​ന്നെ എ​ന്താ​ണി​പ്പോ ഇ​തി​ൽ ‘ക​ഥ’ എ​ന്ന് ചി​ല​ർ ചി​ന്തി​ച്ചേ​ക്കാം. സി​നി​മ​യു​ടെ പ്ര​സ​ക്തി​യും അ​തുത​ന്നെ​യാ​ണ്. നി​ത്യ​വും നൂ​റു ഫാ​ത്തി​മ​മാ​രെ കാ​ണു​ന്ന ആ​ളു​ക​ൾ​ക്ക് ഈ ​ഫാ​ത്തി​മ​മാ​രു​ടെ​യൊ​ന്നും ദൈ​നം​ദി​ന ജീ​വി​താ​നു​ഭ​വ​ങ്ങ​ളെ കു​റി​ച്ചും, അ​തി​ന്റെ നൂ​റാ​യി​രം സൂ​ക്ഷ്മാ​ർ​ഥ​ങ്ങ​ളെ കു​റി​ച്ചും അ​റി​യി​ല്ല എ​ന്ന​തു​കൊ​ണ്ടുത​ന്നെ​യാ​ണ് ഈ ​സി​നി​മ ച​ർ​ച്ച​ചെ​യ്യ​പ്പെ​ടേ​ണ്ട​ത്. ഹെൻറി ലെഫെവർ (Henri Lefebvre) ത​ന്റെ പു​സ്ത​ക​മാ​യ ‘ക്രിട്ടിക് ഓഫ് എവരിഡേ ലൈഫ്’ തി​യ​റി പ​റ​യുംപോ​ലെ ന​മു​ക്ക് പ​രി​ച​യ​മു​ള്ള എ​ല്ലാ പ​ശ്ചാ​ത്ത​ല​ത്തെ​യും കു​റി​ച്ച് ന​മു​ക്ക​റി​യി​ല്ല (familiar is not always known).

ഫാ​ത്തി​മ​യു​ടെ ജീ​വി​തം ബാ​ഹ്യ​ലോ​ക​ത്തി​ന് ഒ​ട്ടും അസാധാരണം അ​ല്ല. രാ​വി​ലെ മു​ത​ൽ കി​ട​ക്കും​വ​രെ നി​ർ​ത്താ​തെ പ​ണി​യെ​ടു​ക്കു​ന്ന, എ​ന്നി​ട്ടും ‘‘അ​ന​ക്കി​പ്പോ എ​ന്താ​ണി​വി​ടെ പ​ണി’’ എ​ന്നു കേ​ട്ടു​കൊ​ണ്ടേ​യി​രി​ക്കു​ന്ന, കു​ട്ടി​ക​ൾ മൂ​ത്ര​മൊ​ഴി​ച്ച കി​ട​ക്ക താ​ങ്ങി പു​റ​ത്തി​ട്ട് ഉ​ണ​ക്കി​യെ​ടു​ക്കേ​ണ്ട ഉ​ത്ത​ര​വാ​ദി​ത്തം അ​ർ​പ്പി​ത​മാ​യ, അ​തി​ൽ നാ​യ് മൂ​ത്ര​മൊ​ഴി​ച്ചാ​ലും അ​തി​ന്റെ കു​റ്റം ത​ന്റെ ത​ല​യി​ൽ വീ​ഴു​ന്ന, അ​ടു​ക്ക​ള​ത്തി​ണ്ണ​യി​ൽ ഒ​റ്റ​ക്കി​രു​ന്ന് ഭ​ക്ഷ​ണം ക​ഴി​ക്കേ​ണ്ടി വ​രു​ന്ന, ഉ​ച്ച​ന​മ​സ്കാ​രം ന​ഷ്ട​മാ​വാ​തി​രി​ക്കാ​ൻ​വേ​ണ്ടി ഓ​ടി​ക്കി​ത​ച്ച് കു​ളി​ച്ചെ​ന്നു വ​രു​ത്തി ഓ​ടി നി​സ്കാ​ര​പ്പാ​യ​യി​ൽ ക​യ​റു​ന്ന, ‘കെ​ട്ടി​ക്കൊ​ണ്ടു വ​ന്ന പൊ​ര​യാ​ണ് ഇ​നി സ്വ​ന്തം പൊ​ര’ എ​ന്നു വി​ശ്വ​സി​പ്പി​ച്ചു, ആ ​പൊ​ര​യെ സ്വ​ന്തം പൊ​ര​പോ​ലെ ക​ണ്ടാ​ലും, പു​ട്ടി​ന് തേ​ങ്ങ ഇ​ടും​പോ​ലെ സ​ക​ല സം​ഭാ​ഷ​ണ​ങ്ങ​ളി​ലും ‘ഇ​ത് നി​ന്റെ പൊ​ര​യ​ല്ല’ എ​ന്നു കേ​ൾ​ക്കേ​ണ്ടി​വ​രു​ന്ന നൂ​റാ​യി​രം പെ​ണ്ണു​ങ്ങ​ളി​ൽ​പെ​ട്ട ഒ​രു പെ​ണ്ണി​ന്റെ ജീ​വി​തം. പ​ക്ഷേ, ഈ ​നൂ​റാ​യി​ര​ത്തി​ലെ ഓ​രോ പെ​ണ്ണി​നും അ​വ​രു​ടെ ജീ​വി​ത​വും ഓ​രോ ദി​വ​സ​വും അസാധാരണം ത​ന്നെ​യാ​ണ്.

ഒ​രു സാ​ധാ​ര​ണ മു​സ്‍ലിം പെ​ണ്ണ് ത​ന്റെ പിതൃദായക ചു​റ്റു​പാ​ടി​നോ​ട് ദൈ​നം​ദി​ന ജീ​വി​ത​ത്തി​ൽ ന​ട​ത്തു​ന്ന സൂ​ക്ഷ്മ​മാ​യ പ്ര​തി​രോ​ധ​ങ്ങ​ളെ വ​ള​രെ ശ​ക്ത​മാ​യി ഈ ​സി​നി​മ ച​ർ​ച്ച​ചെ​യ്യു​ന്നു​ണ്ട്. വ​ലി​യ മു​ദ്രാ​വാ​ക്യ​ങ്ങ​ളും സ​മ​ര​ങ്ങ​ളും വ​ള​രെ​യ​ധി​കം പ്ര​ക​ട​മാ​യ മ​റ്റു മാ​ർ​ഗ​ങ്ങ​ളും ഉ​പ​യോ​ഗി​ച്ച് ന​ട​ത്തു​ന്ന പ്ര​തി​രോ​ധ​ങ്ങ​ളെ​യും, വി​ല​പേ​ശ​ലു​ക​ളെ​യും മാ​ത്രം പ്ര​തി​രോ​ധ​ങ്ങ​ളാ​യി മ​ന​സ്സി​ലാ​ക്ക​പ്പെ​ടു​മ്പോ​ൾ ഇ​ത്ത​രം ബാ​ഹ്യ​മാ​യ ഒ​ച്ച​പ്പാ​ടു​ക​ൾ ഇ​ല്ലാ​തെ ബാ​ഹ്യ സ​മൂ​ഹ​ത്തി​ന് അ​ത്ര പ്ര​ക​ട​മ​ല്ലാ​ത്ത സൂ​ക്ഷ്മ പ്ര​വ​ർ​ത്ത​ന​ങ്ങ​ളു​ടെ ചെറുത്തുനിൽപ്പിന്റെയും കൂടിയാലോചനകളുടെയും രാഷ്ട്രീയം വ​ള​രെ കൃ​ത്യ​മാ​യി ച​ർ​ച്ച​ചെ​യ്യു​ന്നു എ​ന്ന​താ​ണ് ഈ ​സി​നി​മ​യു​ടെ പ്ര​സ​ക്തി​യും.

ഫെ​മി​നി​ച്ചി ഫാ​ത്തി​മ എ​ന്ന പേ​ര് പോ​ലും ആ ​ഒ​ര​ർ​ഥ​ത്തി​ൽ കൃ​ത്യ​മാ​യി രാ​ഷ്ട്രീ​യം ഒ​ളി​പ്പി​ച്ചു​വെ​ച്ചി​ട്ടു​ണ്ട്. ത​ങ്ങ​ൾ നേ​രി​ടു​ന്ന ഇ​മ്മി​ണി വ​ലി​യ പ്ര​ശ്ന​ങ്ങ​ൾ​ക്ക് പി​ന്നി​ലെ വ​ലി​യ വ​ലി​യ തി​യ​റി​ക​ളെ​യൊ​ന്നും മ​ന​സ്സി​ലാ​ക്കാ​തെ ത​ന്നെ ത​ങ്ങ​ളു​ടേ​താ​യ രീ​തി​യി​ൽ പ്ര​തി​രോ​ധി​ക്കു​ക​യും, വി​ല​പേ​ശു​ക​യും ചെ​യ്യു​ന്ന സ്ത്രീ​ക​ൾ ന​മു​ക്ക് ചു​റ്റി​ലു​മു​ണ്ട്. മു​ഖ്യ​ധാ​രാ ഫെ​മി​നി​സ​മോ, ന​മ്മു​ടെ പൊ​തു​സ​മൂ​ഹ​മോ ഇ​ത്ത​രം സൂ​ക്ഷ്മ​പ്ര​വ​ർ​ത്ത​ന​ങ്ങ​ൾ ചെറുത്തുനിൽപായോ, വ്യ​വ​സ്ഥ​യോ​ടു​ള്ള വി​ല​പേ​ശ​ലാ​യോ സാ​ധാ​ര​ണ​ഗ​തി​യി​ൽ മ​ന​സ്സി​ലാ​ക്കാ​റി​ല്ല. സി​നി​മ​യി​ൽ ഉ​ട​നീ​ളം ഇ​ത്ത​രം ദി​നം​ദി​നം വി​ല​പേ​ശ​ലു​ക​ളു​ടെ​യും സൂ​ക്ഷ്മ രാ​ഷ്ട്രീ​യം ന​ന്നാ​യി ച​ർ​ച്ച​ചെ​യ്യു​ന്നു​ണ്ട്. അ​ങ്ങ​നെ നോ​ക്കു​മ്പോ​ൾ ഫാ​ത്തി​മ ന​ല്ല ഒ​ന്നാം ന​മ്പ​ർ ഫെ​മി​നി​സ്റ്റാ​ണ്. നി​ങ്ങ​ൾ ചു​റ്റു​പാ​ടും കാ​ണു​ന്ന നൂ​റാ​യി​രം ഫാ​ത്തി​മ​ക​ളി​ലും ഇ​ത്ത​രം ഫെ​മി​നി​സ്റ്റു​ക​ളു​ണ്ട്. നി​ങ്ങ​ളും പൊ​തു ലോ​ക​വും അ​ത​ത്ര ഗൗ​നി​ക്കു​ന്നി​ല്ലെ​ന്ന് മാ​ത്രം.

അ​യ​ൽ​വ​ക്ക​ത്തെ സ്ത്രീ​ക​ളു​ടെ പ​ര​സ്പ​ര​മു​ള്ള ഐക്യവും സാഹോദര്യവും ചി​ത്രീ​ക​രി​ച്ച രീ​തി പ്ര​സ​ക്ത​മാ​യി തോ​ന്നി. കെ​ട്ടി​ക്കൊ​ണ്ടു വ​ന്ന​തു​കൊ​ണ്ട് ഒ​രേ പ്ര​ദേ​ശ​ത്ത് ജീ​വി​ക്കു​ന്ന സ്ത്രീ​ക​ൾ അ​ങ്ങോ​ട്ടും ഇ​ങ്ങോ​ട്ടും ന​ട​ത്തു​ന്ന കൊ​ടു​ക്ക​ൽ​വാ​ങ്ങ​ലു​ക​ളും ജീ​വി​തം മെ​ച്ച​പ്പെ​ടു​ത്താ​ൻ അ​വ​ർ പ​ര​സ്പ​രം ന​ട​ത്തു​ന്ന സ​പ്പോ​ർ​ട്ടും അ​തു​വ​ഴി ഉ​ണ്ടാ​വു​ന്ന ഒ​രു പിന്തുണസംവിധാനവും വ​ള​രെ ശ​ക്ത​മാ​യി കരുതലിന്റെ രാഷ്ട്രീയം കാ​ണി​ക്കു​ന്നു​ണ്ട്. മ​ല​പ്പു​റം ജി​ല്ല​യു​ടെ ഗ്രാ​മ​പ്ര​ദേ​ശ​ങ്ങ​ളി​ൽ കെ​ട്ടി​ച്ചു കൊ​ണ്ടു​വ​ന്ന പെ​ണ്ണു​ങ്ങ​ൾ​ക്കി​ട​യി​ൽ രൂ​പ​പ്പെ​ടു​ന്ന ഈ ​ബ​ന്ധം ക​ല്യാ​ണം ക​ഴി​ഞ്ഞു കൊ​ണ്ടുവ​ന്ന് കാ​ല​ങ്ങ​ൾ ക​ഴി​ഞ്ഞാ​ലും നി​ല​നി​ൽ​ക്കു​ന്ന ഒ​രു അ​ന്യ​ഥാ​ബോ​ധ​ത്തി​ൽ ജീ​വി​ക്കു​ന്ന സ്ത്രീ​ക​ളു​ടെ നി​ല​നി​ൽ​പി​ന് ശ​ക്ത​മാ​യ ഒ​രു പ​ങ്കുവ​ഹി​ക്കു​ന്നു എ​ന്ന​ത് യാ​ഥാ​ർ​ഥ്യ​മാ​ണ്. ആ ​പ്ര​ദേ​ശ​ത്ത് ജീ​വി​ച്ചുവ​ള​ർ​ന്ന മ​നു​ഷ്യ​ന്മാ​ർ​ക്ക് മ​ന​സ്സി​ലാ​വാ​ത്ത അ​ന്യ​ഥാബോ​ധ​വും അ​രി​കു​വ​ത്ക​രി​ക്ക​പ്പെ​ട്ട​വ​രു​ടെ അ​നു​ഭ​വ​ങ്ങ​ളും പ​ങ്കി​ടു​ന്ന ഒ​രുകൂ​ട്ടം കൂ​ടി​യാ​ണ് അ​യ​ൽ​വ​ക്ക​ത്തെ മ​രു​മ​ക്ക​ൾ. അ​വ​ർ​ക്ക് മാ​ത്രം മ​ന​സ്സി​ലാ​വു​ന്ന പ​ല​ത​രം അ​നു​ഭ​വ​ങ്ങ​ൾ ഉ​ണ്ടാ​വും. അ​തു​കൊ​ണ്ട് ത​ന്നെ​യാ​ണ് അ​വ​രു​ടെ കൊ​ടു​ക്ക​ൽ വാ​ങ്ങ​ലു​ക​ൾ പ്ര​സ​ക്ത​മാ​വു​ന്ന​ത്.

ഉ​പ്പും മു​ള​കും പ​ഞ്ച​സാ​ര​യും ത​ക്കാ​ളി​യും മു​ട്ട​യും മാ​ത്ര​മ​ല്ല, അ​രി​യു​ടെ ഉ​ള്ളി​ലും, അ​ടു​ക്ക​ള​യി​ലെ റാ​ക്കി​ന്റെ മു​ക​ളി​ലെ പാ​ട്ട​യി​ൽ എ​ടു​ത്തു​വെ​ച്ച പൈ​സ​യും അ​ടി​യ​ന്ത​ര ഘ​ട്ട​ത്തി​ൽ അ​ങ്ങോ​ട്ടും ഇ​ങ്ങോ​ട്ടും കൊ​ടു​ത്തും വാ​ങ്ങി​യും, അ​വ​ർ ഉ​ണ്ടാ​ക്കി​യെ​ടു​ക്കു​ന്ന പിന്തുണ സംവിധാനം (supporting system) അ​വ​രു​ടെ ജീ​വി​ത​ത്തി​ൽ വ​ള​രെ വ​ലി​യ പ​ങ്കുവ​ഹി​ക്കു​ന്നു​ണ്ട്. ഫാ​ത്തി​മ​യെപ്പോ​ലെ​യു​ള്ള നൂ​റാ​യി​രം സ്ത്രീ​ക​ളു​ടെ ജീ​വി​ത​ത്തി​ൽ ബെ​ൽ ഹൂ​ക് പ​റ​ഞ്ഞ​പോ​ലെ അ​തൊ​രു ചെറുത്തുനിൽപിന്റെ കൂട്ടായ ധാർമികതകൂ​ടി​യാ​ണ്. സി​നി​മ​യി​ൽ, ഈ പിന്തുണ സംവിധാനം, പ​ല അ​വ​സ​ര​ങ്ങ​ളി​ലും പാ​ട്രി​യാ​ർ​ക്കി​യെ വ​ള​രെ സൂ​ക്ഷ്മ​വും അ​ദൃ​ശ്യ​മാ​യ രീ​തി​യി​ൽ പ്ര​തി​രോ​ധി​ക്കാ​നു​ള്ള ഒ​രു ടൂ​ളാ​യി ചി​ത്രീ​ക​രി​ക്ക​പ്പെ​ട്ടി​ട്ടു​ണ്ട്. അ​യ​ൽ​വീ​ട്ടി​ലെ സു​ഹ്റ​ത്ത ഫാ​ത്തി​മ​ക്ക് എ​ങ്ങ​നെ​യെ​ങ്കി​ലും കി​ട​ക്ക എ​ത്തി​ച്ച് കൊ​ടു​ക്കാ​നു​ള്ള ശ്ര​മ​ങ്ങ​ൾ ന​ട​ക്കു​ന്നു. ഗ​ൾ​ഫി​ൽ​നി​ന്നും ല​ഭി​ക്കു​ന്ന കോ​ഴി​യ​ട​യു​ടെ ഓ​ർ​ഡ​ർ പൂ​ർ​ത്തി​യാ​ക്കേ​ണ്ട​തി​ന്റെ ഭാ​ഗ​മാ​യി ഫാ​ത്തി​മ​യെ കൂ​ട്ടുവി​ളി​ക്കു​ക​യും, അ​തി​നു​വേ​ണ്ട കൂ​ലി കൊ​ടു​ക്കു​ക​യും ചെ​യ്യു​ന്ന​ത്, ഒ​രു ചെ​റു​തു​കപോ​ലും എ​വി​ടെനി​ന്നും ല​ഭി​ക്കാ​നു​ള്ള മ​റ്റു വ​ഴി​ക​ളി​ല്ലാ​ത്ത ഫാ​ത്തി​മ​ക്ക് പ​ണം ആ​വ​ശ്യ​മു​ണ്ടെ​ന്ന മ​ന​സ്സി​ലാ​ക്ക​ലി​ൽ​നി​ന്നാ​ണ്.

ജോ​ലി​യു​ടെ കൂ​ലി കൊ​ടു​ക്കാ​ൻ ഒ​രു​ങ്ങി​യ സു​ഹ്‌​റ​ത്ത, ഉ​ട​നെ അ​തു തി​രി​ച്ചുവാ​ങ്ങു​ക​യോ ‘‘അ​ല്ലെ​ങ്കി​ൽ വേ​ണ്ട, അ​ന്റെ ക​യ്യി​ൽ നി​ൽ​ക്കൂ​ല, ഇ​ത് അ​ന്റെ ത​ന്നെ കു​റി​യു​ടെ പൈ​സ കൊ​ടു​ക്കാ​ൻ ഞാ​ൻ ത​ന്നെ എ​ടു​ത്ത് വ​യ്ക്കാം” എ​ന്നു പ​റ​യു​ന്ന​തും കാ​ണാം. വി​വാ​ഹം ക​ഴി​ഞ്ഞു ഭ​ർ​ത്താ​വി​ന്റെ വീ​ട്ടി​ലേ​ക്ക് പോ​രു​ന്ന ഒ​രു സ്ത്രീ​ക്ക് നാ​ശ​ബോ​ധം തോ​ന്നു​ന്ന ഒ​രു ജ്യേ​ഷ്ഠ​ത്തി​യു​ടെ ക​രു​ത​ലും ആ ​പ്ര​വൃ​ത്തി​യി​ലു​ണ്ട്. അ​യ​ൽ​ക്കൂ​ട്ട​ത്തി​ന്റെ പ്ര​വ​ർ​ത്ത​ന​ങ്ങ​ളെ പ​രി​ഹ​സി​ച്ച് ത​ള്ളു​ന്ന ന​മ്മു​ടെ പൊ​തു​സ​മൂ​ഹ​വും, കു​ടും​ബ​ങ്ങ​ളി​ലെ പൈ​സ​ക്കാ​രാ​യ ആ​ണു​ങ്ങ​ളും പ​ക്ഷേ ഈ ​മൈ​ക്രോ സേ​വി​ങ്‌​സ് കൊ​ണ്ട് സ്ത്രീ ​ഉ​ണ്ടാ​ക്കു​ന്ന മാ​റ്റ​ങ്ങ​ളെ വേ​ണ്ട​ത്ര ഗൗ​ര​വ​ത്തി​ൽ കാ​ണാ​റി​ല്ല. എ​ന്നാ​ൽ, അ​തേ കൂ​ട്ട​ർ അ​തേ മൈ​ക്രോ സേ​വി​ങ്‌​സി​ന്റെ ഫ​ല​മാ​യി ഉ​ണ്ടാ​കു​ന്ന സൗ​ക​ര്യ​ങ്ങ​ൾ അ​നു​ഭ​വി​ക്കു​ന്ന​തി​ന്റെ ഉ​ദാ​ഹ​ര​ണ​ങ്ങ​ൾ നി​ര​വ​ധി​യാ​ണ്.

അ​യ​ൽ​വാ​സി​യാ​യ സ്ത്രീ​ക​ളെ കൂ​ട്ടി ഒ​രു കു​റി ന​ട​ത്തു​ന്ന ഫാ​ത്തി​മ​യോ​ട് സ്വ​ന്തം മാ​പ്പി​ള പു​ച്ഛ​ത്തോ​ടെ ചോ​ദി​ക്കു​ന്നു​ണ്ട്, “പൊ​ര​യി​ൽ കു​ത്തി​രി​ക്കു​ന്ന അ​ന​ക്ക് എ​ന്തി​നാ ഇ​ത്ര പൈ​സ?” കി​ട​ക്കാ​ൻ ഒ​രു കി​ട​ക്ക വേ​ണ​മെ​ന്നും ന​ടു വേ​ദ​നി​ച്ചി​ട്ട് വ​യ്യെ​ന്നും പ​റ​ഞ്ഞ് ഫാ​ത്തി​മ അ​യാ​ളു​ടെ അ​ടു​ത്ത് ചെ​ല്ലു​മ്പോ​ൾ അ​വ​ൾ​ക്കു ല​ഭി​ക്കു​ന്ന​ത് അ​വ​ഗ​ണ​ന​യും പ​രി​ഹാ​സ​വു​മാ​ണ്. എ​ന്നാ​ൽ അ​തേ ഭ​ർ​ത്താ​വ് ഫാ​ത്തി​മ കു​റി വെ​ച്ചു കി​ട്ടി​യ കാ​ശുകൊ​ണ്ട് പു​തി​യ കി​ട​ക്ക വാ​ങ്ങി​ക്കൊ​ണ്ടു വ​രു​മ്പോ​ൾ ഒ​ന്നും പ​റ​യാ​തെ നോ​ക്കി​നി​ൽ​ക്കു​ന്നു​ണ്ട്. മ​ക്ക​ളു​ടെ പ​ഠ​നം, വി​വാ​ഹം, വീ​ടുപ​ണി തു​ട​ങ്ങി നി​ര​വ​ധി വീ​ട്ടു​കാ​ര്യ​ങ്ങ​ൾ​ക്ക് ഇ​തു​പോ​ലെ അ​യ​ൽ​വ​ക്ക​ത്ത് കു​റി​വെ​ച്ചും, അ​യ​ൽ​ക്കൂ​ട്ട ചി​ട്ടി പി​ടി​ച്ചും കു​ടും​ബ​ത്തി​ന്റെ നി​ർ​ണാ​യ​ക സാ​ഹ​ച​ര്യ​ത്തി​ൽ ശ​ക്ത​മാ​യി സാ​മ്പ​ത്തി​ക സ​ഹാ​യം ചെ​യ്യു​ക​യോ അ​ല്ലെ​ങ്കി​ൽ സാ​മ്പ​ത്തി​ക​മാ​യി പൂ​ർ​ണ​മാ​യി ഏ​റ്റെ​ടു​ക്കു​ക​യോ ചെ​യ്യു​ന്ന നി​ര​വ​ധി സാ​ധാ​ര​ണ​ക്കാ​രി​ക​ളാ​യ സ്ത്രീ​ക​ൾ ന​മ്മു​ടെ നാ​ട്ടി​ലു​ണ്ട്. എ​ന്നാ​ൽ, ഇ​തേ സാ​മ്പ​ത്തി​ക​മാ​യ പ​ങ്കി​നെ എ​ങ്ങ​നെ​യാ​ണ് കു​ടും​ബ​വും വി​ശി​ഷ്യാ ‘വീ​ട് എ​ന്റേ​താ​ണ്’ എ​ന്നു വാ​ദി​ക്കു​ന്ന പു​രു​ഷ​ന്മാ​രും നോ​ക്കിക്കാ​ണാ​റു​ള്ള​ത് എ​ന്ന​ത് ച​ർ​ച്ചചെ​യ്യേ​ണ്ട ഒ​രു വി​ഷ​യ​വു​മാ​ണ്.

ശ​ക്ത​മാ​യ മു​സ്‍ലിം പ​ശ്ചാ​ത്ത​ല​ത്തി​ൽ ജീ​വി​ക്കു​ന്ന ഒ​രു കു​ടും​ബ​ത്തി​ലെ സ്ത്രീ​യു​ടെ ക​ഥ എ​ന്ന രീ​തി​യി​ലും, മ​തം പ​ഠി​പ്പി​ക്കു​ക​യും, മ​ത​പ​ര​മാ​യ ക​ർ​മ​ങ്ങ​ൾ​ക്ക് ചു​ക്കാ​ൻ​പി​ടി​ക്കു​ക​യും ചെ​യ്യു​ന്ന ഒ​രു മു​സ്‍ലി​യാ​രു​ടെ അ​ധി​കാ​ര​ത്തി​ൽ ജീ​വി​ക്കു​ന്ന സ്ത്രീ​യു​ടെ ക​ഥ എ​ന്ന നി​ല​യി​ലും ഈ ​സി​നി​മ ഇ​സ്‍ലാം മ​ത നി​യ​മ​ങ്ങ​ളു​ടെ അ​ടി​സ്ഥാ​ന​ത്തി​ൽ വേ​റെത​ന്നെ ച​ർ​ച്ച ആ​വ​ശ്യ​പ്പെ​ടു​ന്നു​ണ്ട്. വി​ശ​ദ​മാ​യ അ​ത്ത​ര​ത്തി​ലു​ള്ള ഒ​രു ച​ർ​ച്ച ഇ​വി​ടെ ഉ​ദ്ദേ​ശി​ക്കു​ന്നി​ല്ല. എ​ന്നി​രു​ന്നാ​ലും വി​വാ​ഹം ക​ഴി​ച്ച ത​ന്റെ ഇ​ണ​യോ​ട് ഏ​റ്റ​വും മാ​ന്യ​മാ​യി പെ​രു​മാ​റു​ക​യും, ഏ​റ്റ​വും ന​ല്ലരീ​തി​യി​ൽ അ​വ​ളെ സം​ര​ക്ഷി​ക്കു​ക​യും​ ചെ​യ്യ​ണ​മെ​ന്ന ഇ​സ്‍ലാ​മി​ക വി​വാ​ഹ ജീ​വി​ത​ത്തി​ന്റെ അ​ടി​സ്ഥാ​ന നി​ഷ്ക​ർ​ഷ​യി​ൽ​നി​ന്നും പാ​ടെ മാ​റി ത​ന്റെ അ​ധി​കാ​രം ന​ട​പ്പാ​ക്കാ​നു​ള്ള ഒ​രു ടൂ​ളാ​യി മാ​ത്രം ഇ​സ്‍ലാ​മി​നെ മ​ന​സ്സി​ലാ​ക്കു​ന്ന ഒ​രു മു​സ്‍ലി​യാ​രു​ടെ ചി​ത്രീ​ക​ര​ണം മു​സ്‍ലിം പ​ശ്ചാ​ത്ത​ല​ത്തി​ൽ ചി​ത്രീ​ക​രി​ക്കു​ന്ന പ​ല സി​നി​മ​ക​ളു​ടെ​യും നോ​വ​ലു​ക​ളു​ടെ​യും അ​തേ വാ​ർ​പ്പ് മാ​തൃ​ക​യി​ൽ ത​ന്നെ​യു​ള്ള​താ​ണ്. എ​ങ്കി​ലും സ​ക​ല ച​ർ​ച്ച​ക​ൾ​ക്കു​മ​പ്പു​റ​വും, സാ​മ്പ​ത്തി​ക ഉ​ത്ത​ര​വാ​ദി​ത്ത​ത്തി​ൽ അ​ങ്ങേ​യ​റ്റം വീ​ഴ്ച വ​രു​ത്തു​ക​യും, വീ​ട്ടി​ലെ സ്ത്രീ​ക​ളു​ടെ പ്രാ​ഥ​മി​ക ആ​വ​ശ്യ​ങ്ങ​ളെപ്പോ​ലും ക​ണ​ക്കുപ​റ​ഞ്ഞു ത​ള്ളി​മാ​റ്റു​ക​യും ചെ​യ്യു​ന്ന നി​ര​വ​ധി മു​സ്‍ലിം കു​ടും​ബ​ങ്ങ​ളി​ലെ സ്ത്രീ​ക​ളെ ത​ന്നെ അ​റി​യു​ക​യും കേ​ൾ​ക്കു​ക​യും ചെ​യ്യു​ന്ന​തു​കൊ​ണ്ട് ഇ​തേ വാ​ർ​പ്പ് മാ​തൃ​ക​യി​ലാ​ണെ​ങ്കി​ൽ​പോ​ലും മു​സ്‍ലിം സ​മു​ദാ​യം ച​ർ​ച്ച ചെ​യ്യേ​ണ്ട നി​ർ​ണാ​യ​ക കാ​ര്യ​ങ്ങ​ൾ സി​നി​മ മു​ന്നോ​ട്ടുവെ​ക്കു​ന്നു​​െണ്ട​ന്നു ത​ന്നെ​യാ​ണ് എ​ന്റെ പ​ക്ഷം.

സ്ത്രീ​ക​ളു​ടെ ശാ​രീ​രി​കാ​ധ്വാ​ന​ത്തെ​യും അ​ത​വ​രു​ടെ ശ​രീ​ര​ത്തി​ൽ ഉ​ണ്ടാ​ക്കു​ന്ന, ദീ​ർ​ഘ​കാ​ലം നീ​ണ്ടു​നി​ൽ​ക്കു​ന്ന വേ​ദ​ന​യെ​യും ന​മ്മു​ടെ കു​ടും​ബ​ങ്ങ​ൾ അ​വ​രു​ടെ സൗ​ക​ര്യ​ത്തി​നുവേ​ണ്ടി സാമാന്യവത്കരിക്കയും ചെ​യ്യു​ന്നു​ണ്ട്. തു​ട​ര​ത്തു​ട​രെ ന​ടു​വേ​ദ​ന പ​റ​യു​ന്ന ഫാ​ത്തി​മ​യെ വീ​ട്ടി​ലു​ള്ള ആ​രും​ത​ന്നെ കേ​ൾ​ക്കു​ന്നി​ല്ല. ചി​ല​പ്പോ​ഴൊ​ക്കെ കി​ട​ക്ക വാ​ങ്ങി​ത്ത​രാ​നു​ള്ള അ​വ​ളു​ടെ ഒാ​രോ​രോ കാ​ര​ണ​ങ്ങ​ളാ​യി അ​ത് അ​ഷ്റ​ഫും അ​യാ​ളു​ടെ ഉ​മ്മ​യും മ​ന​സ്സി​ലാ​ക്കു​ന്നു​ണ്ട്. ഓ​രോ രാ​ത്രി​യും ഫാ​ത്തി​മ ത​ന്റെ പു​ൽ​പാ​യ​യി​ൽ ന​ടുനി​വ​ർ​ത്തി കി​ട​ക്കാ​ൻ ശ്ര​മി​ക്കു​മ്പോ​ൾ അ​വ​ൾ പ്ര​ക​ടി​പ്പി​ക്കു​ന്ന ഞെ​രു​ക്ക​വും വേ​ദ​ന​യും കാ​ണു​മ്പോ​ൾ അ​ത് അ​ങ്ങ​നെ ത​ന്നെ മ​ന​സ്സി​ലാ​വാ​ത്ത മ​ധ്യ​വ​യ​സ്ക​രാ​യ സ്ത്രീ​ക​ൾ വ​ള​രെ കു​റ​വാ​യി​രി​ക്കും.

ര​ണ്ടും മൂ​ന്നും അ​തി​ൽ കൂ​ടു​ത​ലും പെ​റ്റു വീ​ട്ടി​ലെ സ​ക​ല പ​ണി​ക​ളും, മ​റ്റു​ള്ള​വ​രെ പ​രി​പാ​ലി​ക്ക​ലും പി​ന്നെ സ​ക​ല കു​റ്റ​ങ്ങ​ളും പേ​റു​ന്ന സ്ത്രീ​ക​ൾ​ക്ക് അ​തി​ന്റെ സ​ക​ല മാ​ന​സി​ക​വും ശാ​രീ​രി​ക​വു​മാ​യ വേ​ദ​ന​ക​ൾ വ​ന്നുചേ​രു​ക അ​വ​ളു​ടെ ന​ടു​വി​ലും കാ​ലി​ലു​മാ​ണ്. ആ ​ന​ടു​വും കാ​ലും​വെ​ച്ച് ഓ​ടി​യോ​ടി അ​വ​സാ​നം വ​യ്യാ​താ​വു​മ്പോ​ൾ നോ​ക്ക​ണ​മെ​ങ്കി​ൽ മ​റ്റൊ​രു പെ​ണ്ണ് പ​ല​പ്പോ​ഴും മ​രു​മ​ക​ളാ​യി വ​ന്നു ഇ​തു​പോ​ലെ ന​ടു​വും കാ​ലും അ​ടി​യ​റ​വു​വെ​ച്ച് പ​ണി​യെ​ടു​ക്ക​ണം എ​ന്ന് പ്ര​തീ​ക്ഷി​ക്കു​ന്ന കു​ടും​ബ​ങ്ങ​ൾ ധാ​രാ​ള​മു​ള്ള സ​മൂ​ഹ​ത്തി​ലാ​ണ് ന​മ്മ​ളി​പ്പോ​ഴും ജീ​വി​ക്കു​ന്ന​ത്. ത​ല​മു​റ​ക​ളാ​യി പൊ​ര​പ്പ​ണി കൈ​മാ​റി എ​ടു​ക്കു​ന്ന പെ​ണ്ണു​ങ്ങ​ൾ​ക്ക് ന​ടു​വേ​ദ​ന​യും കാ​ലു​വേ​ദ​ന​യും എ​മ്പാ​ടും വ​രു​മ്പോ​ഴും ഈ ​വേ​ദ​ന​ക​ളെ പാ​യ്യാ​രം​പ​റ​ച്ചി​ലോ പെ​ണ്ണി​ന്റെ മ​ടി​യോ ആ​യി ക​ണ​ക്കാ​ക്കാ​തെ അ​തി​ന്റെ പി​ന്നി​ലെ മാ​ന​സി​ക​വും ശാ​രീ​രി​ക​വു​മാ​യ കാ​ര​ണ​ങ്ങ​ളെ വേ​ദ​ന​സ​മ​യ​ത്ത് ഗൗ​ര​വ​തര​മാ​യി ക​ണ​ക്കി​ലെ​ടു​ക്കു​ന്ന എ​ത്ര വീ​ടു​ക​ളു​ണ്ട് ന​മു​ക്ക് ചു​റ്റി​ലും?

വ​ള​രെ സൂ​ക്ഷ്മ​മാ​യ രീ​തി​യി​ൽ ലിം​ഗ​രാ​ഷ്ട്രീ​യം പ​റ​യു​ന്ന ഈ ​സി​നി​മ​യി​ലെ ഓ​രോ അ​ഭി​നേ​താ​വും വൃ​ത്തി​യാ​യി അ​വ​ന​വ​ന്റെ ജോ​ലിചെ​യ്തി​ട്ടു​ണ്ട്. സാ​ധാ​ര​ണ അ​ഭി​നേ​താ​ക്ക​ൾ​ക്ക് പാ​ളിപ്പോ​വാ​ൻ സാ​ധ്യ​ത​യു​ള്ള തീ​ര​പ്ര​ദേ​ശ മ​ല​പ്പു​റം ഭാ​ഷ​യും മി​ക​വാ​ർ​ന്ന രീ​തി​യി​ൽ അ​ഭി​നേ​താ​ക്ക​ൾ കൈ​കാ​ര്യം​ചെ​യ്തി​ട്ടു​ണ്ട്. ഫാ​ത്തി​മ​യാ​യി അ​ഭി​ന​യി​ച്ച ഷം​ല ഹം​സ പ്ര​തീ​ക്ഷ​ക്ക് വ​ക ത​രു​ന്ന ഒ​രു അ​ഭി​നേ​ത്രി​യാ​ണെ​ന്ന​തി​ൽ സം​ശ​യ​മി​ല്ല. എ​ന്നാ​ൽ, ഭാ​ഷ​യും പ​ശ്ചാ​ത്ത​ല​വും മ​ല​ബാ​റി​ന്റെ തീ​ര​പ്ര​ദേ​ശ​ത്തി​ന്റേ​താ​ണ് എ​ന്ന ഒ​രൊ​റ്റ കാ​ര്യം​കൊ​ണ്ട് ‘പൊ​തു’​മ​ല​യാ​ളി​ക​ൾ​ക്ക് മ​ന​സ്സി​ലാ​വി​ല്ല എ​ന്ന സ്ഥി​രം ഭൂ​രി​പ​ക്ഷ​രു​ടെ വി​മ​ർ​ശ​നം ഉ​ണ്ടാ​വാ​നും സാ​ധ്യ​ത​യു​ണ്ട്.

===================================

(മാ​പ്പി​ള മു​സ്‍ലിം സ്​​ത്രീ​ക​ളു​ടെ മാ​തൃ​ത്വ വ്യ​വ​ഹാ​ര​ങ്ങ​ളെ​ക്കു​റി​ച്ച് ഗൗ​ര​വ​മാ​യ പ​ഠ​നം ന​ട​ത്തി​യി​ട്ടു​ള്ള ഗ​വേ​ഷ​ക​യാ​ണ് ലേ​ഖി​ക)