Posted On
date_range Updated On
date_range വെയിലിന്‍ മേഘ സഞ്ചാരം കാഴ്ചയുടെ സിംഫണി
ഇത് മലമുകളിലേക്കുള്ള യാത്രയാണ്. കേരള തമിഴ്‌നാട് അതിര്‍ത്തിയിലെ ചതുരംഗപ്പാറ കാറ്റാടിപ്പാടത്തേക്ക്. സമുദ്രനിരപ്പില്‍ നിന്ന് മൂവായിരത്തോളം അടി കയറ്റം. തേക്കടി മൂന്നാര്‍ ദേശീയപാതയിലെ പ്രധാന പട്ടണമായ നെടുങ്കണ്ടത്തുനിന്ന് 12 കിലോമീറ്റര്‍ യാത്ര ചെയ്താല്‍
ഒരു നിരപ്പില്‍ വണ്ടിനിര്‍ത്തി. മുന്നോട്ട് നടന്നു. മലയുടെ മുനമ്പിലേക്കാണ് ഞങ്ങള്‍ എത്തിച്ചേര്‍ന്നത്. ഇനി കിഴുംക്കാംതൂക്കായ ഇറക്കമാണ്. തമിഴ് താഴ്‌വരയിലേക്ക് ചെത്തിയെടുത്തതുപോലെ ഈ മലങ്കോട്ട മുറിഞ്ഞുനില്‍ക്കുന്നു. അകലെ തമിഴ് തടം. വെയിലും മേഘസഞ്ചാരവും ചേര്‍ന്ന്
ഈ മലമുകളില്‍ നിന്ന് നോക്കിയാല്‍ അങ്ങകലെ പച്ചയാല്‍ ചുറ്റപ്പെട്ട ചെറു തുരുത്തുകള്‍ കാണാം. ചെറുതും വലുതുമായ തമിഴ് പട്ടണങ്ങളും ഗ്രാമങ്ങളുമാണത്. ബോഡിനായ്ക്കന്നൂര്‍, തേവാരം, കോമ്പ, ചിന്നമന്നൂര്‍, പാളയം
മണിക്കൂറില്‍ 30 മുതല്‍ നാല്പത് കിലോമീറ്റര്‍ വരെ വേഗതയില്‍ ഇവിടെ കാറ്റ് ലഭിക്കും. ജൂണ്‍, ജൂലായ് മാസങ്ങളില്‍ അത് നൂറിലെത്തും. ചാഞ്ഞുപെയുന്നു നൂല്‍മഴയും വീശിയടിക്കുന്ന കാറ്റും അക്കാലത്തെ യാത്രക്ക് തടസമാണ്. എങ്കിലും മുഖത്തേക്ക് പാറിവീഴുന്ന മഴച്ചാറ്റല്‍ കൊള്ളാന്‍ സാഹസികരും റൊമാന്റിക്കുകളുമായ സഞ്ചാരികള്‍ ഇവിടെ വന്നുചേരാറുണ്ട്. വേനല്‍ക്കാല യാത്രകള്‍
വെയിലിന്‍ ജലച്ചായം മണ്ണില്‍ വരഞ്ഞ അന്തമായ കാഴ്ചയാണ് തമിഴ് തടമെങ്കില്‍ കാറ്റാടികള്‍ അലസം കറങ്ങുന്ന കാറ്റിനാല്‍ തഴുകിനില്‍ക്കുന്ന വെയില്‍ നിലാവില്‍ കുളിച്ചുനില്‍ക്കുന്ന കാര്‍ണിവെല്‍ സ്ഥലമാണ് ചതുരംഗപ്പാറ. അങ്ങ് താഴെ അടിവാരത്ത് കരിങ്കല്‍ തുരന്നെടുക്കുന്ന കൂറ്റന്‍ ക്രഷറുകളുടെ ശബ്ദം ഒരു വിലാപമായി, ഭൂമിയുടെ വിലാപമായി കാറ്റില്‍ ചിലനേരം കാതില്‍ വന്നലക്കും. ഏതു കാല്‍പനികമായ, സാഹസികമായ യാത്രകളും ചിലപ്പോള്‍ ചില സങ്കടങ്ങള്‍ കരുതിവെക്കും.
യാത്ര:
എറണാകുളത്തു നിന്ന് തോതമംഗലം അടിമാലി വഴി 134ക.മി,
കോട്ടയത്തുനിന്ന് കട്ടപ്പന നെടുങ്കണ്ടം വഴി 151 കി.മി, മൂന്നാറില്‍ നിന്ന് തേക്കടി ദേശീയ പാതയിലൂടെ 45.8 കി. മി, തേക്കടിയില്‍ നിന്ന് തേക്കടി മൂന്നാര്‍ ദേശീയപാതയില്‍ 58 കി.മി; യാത്ര ചെയ്താല്‍ ചിതുരംഗപ്പാറയില്‍ എത്തിച്ചേരാം.
താമസം:
17 കിലോമീറ്റര്‍ അകലെ നെടുങ്കണ്ടത്ത് ഹോട്ടലുകളും ലോഡ്ജുകളും ലഭ്യമാണ്.
വായനക്കാരുടെ അഭിപ്രായങ്ങള്‍ അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.