ലോകോത്തര എ.ഐ മോഡലുകളുമായി മത്സരിക്കാനാവും വിധം പെർപ്ലെക്സിറ്റി എ.ഐയെ മുന്നിലെത്തിച്ച ഇന്ത്യൻ വംശജനായ സി.ഇ.ഒ അരവിന്ദ് ശ്രീനിവാസന്റെ അഭിപ്രായത്തിൽ, യൂട്യൂബിനെയും ഗൂഗ്ൾ മാപ്പിനെയും കടത്തിവെട്ടൽ അസാധ്യമാണെന്നാണ്.
‘‘ഗൂഗ്ൾ ഇക്കോസിസ്റ്റത്തിലെ പല ഉൽപന്നങ്ങളുമായും മത്സരിക്കാൻ കഴിയുമെങ്കിലും ഈ രണ്ട് ഉൽപന്നങ്ങളെ നേരിടൽ അസാധ്യമാണെന്നുതന്നെ പറയേണ്ടിവരും’’ -എക്സിൽ ഒരു ഫോളോവറുടെ ചോദ്യത്തിന് മറുപടിയായി അരവിന്ദ് പറയുന്നു. വിവിധ ഗൂഗ്ൾ ആപ്പുകളായ ജിമെയിൽ, യൂട്യൂബ്, മാപ്സ്, ഡ്രൈവ്, ഫോട്ടോസ്, കലണ്ടർ, ക്രോം, മീറ്റ്, ഗൂഗ്ൾ ടി.വി എന്നിവയെ ഏതെങ്കിലും സ്റ്റാർട്ടപ്പിന് തോൽപിക്കാൻ കഴിയുമോ എന്നായിരുന്നു ചോദ്യം.
ഈ രണ്ടെണ്ണമൊഴികെ മറ്റെല്ലാത്തിനോടും മുട്ടിനോക്കാമെന്നും യഥാർഥത്തിൽ യൂട്യൂബും മാപ്സും ഉൽപന്നങ്ങളല്ലെന്നും നെറ്റ്വർക്കുകളാണെന്നും അതുകൊണ്ടുതന്നെ മത്സരം അസാധ്യമാണെന്നും മറ്റൊരു ഫോളോവറും പറയുകയുണ്ടായി.
വായനക്കാരുടെ അഭിപ്രായങ്ങള് അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.