ന്യൂഡൽഹി: ഫോണിനൊപ്പം ഒരു വർഷത്തെ 4ജി ഡാറ്റ സേവനം ലഭ്യമാക്കി പുതിയ ഒാഫർ മൊബൈൽ ഫോൺ നിർമാതാക്കളായ മൈക്രോമാക്സ് അവതരിപ്പിച്ചു. എയർടെല്ലുമായി സഹകരിച്ചാണ് സൗജന്യ ഡാറ്റ മൈക്രോമാക്സ് നൽകുന്നത്. കമ്പനിയുടെ കാൻവാസ് 2 എന്ന ഫോണാണ് പുതിയ ഒാഫറിൽ വിപിണിയിലെത്തുന്നത്. 11,999 രൂപ വില വരുന്ന ഫോണിെൻറ വിൽപ്പന ബുധനാഴ്ച മുതൽ ഇന്ത്യയിൽ ആരംഭിച്ചു.
ഗോറില്ല ഗ്ലാസിെൻറ സംരക്ഷണമുള്ള അഞ്ച് ഇഞ്ച് ഡിസ്പ്ലേയാണ് പുതിയ ഫോണിന്. 1.3 ജിഗാഹെഡ്സിെൻറ ക്വാഡ്–കോർ പ്രൊസസറാണ് കാൻവാസിന് കരുത്ത് പകരുന്നത്. 3 ജി.ബി റാം, 16 ജി.ബി റോം എന്നിവയാണ് സ്റ്റോറേജ് സവിശേഷതകൾ. മെമ്മറി 64 ജി.ബി വരെ ദീർഘിപ്പിക്കാനുള്ള സൗകര്യവുമുണ്ട്. 13 മെഗാപിക്സലിെൻറയും പിൻകാമറയും 5 മെഗാപിക്സലിെൻറ മുൻ കാമറയും ഫോണിനുണ്ടാകും. ആൻഡ്രോയിഡ് ന്യൂഗട്ടാണ് ഒാപ്പറേറ്റിങ് സിസ്റ്റം. വൈ-ഫൈ, ബ്ലുടൂത്ത്, ജി.പി.എസ് തുടങ്ങിയ കണക്ടിവിറ്റി ഫീച്ചറുകൾ പുതിയ ഫോണിൽ ലഭ്യമാവും. 3050 എം.എ.എച്ചിേൻറതാണ് ബാറ്ററി.
ഇന്ത്യയിലെ ടെലികോം രംഗത്ത് അനുദിനം മാറ്റങ്ങളുണ്ടായി കൊണ്ടിരിക്കുകയാണെന്ന് ഫോൺ പുറത്തിറക്കി മൈക്രോ സഹസ്ഥാപകൻ രാഹുൽ ശർമ്മ പറഞ്ഞു. ഹാർഡ്വെയർ സവിശേഷതകൾക്കൊപ്പം തന്നെ കണക്ടിവിറ്റി സൗകര്യങ്ങൾക്കും നിലവിൽ ഉപഭോക്താകൾ പ്രാധാന്യം നൽകുന്നുണ്ട്. ഇയൊരു സാഹചര്യത്തിൽ എയർടെല്ലുമായി സഹകരിക്കാൻ കഴിഞ്ഞതിൽ സന്തോഷമുണ്ടെന്ന് അദ്ദേഹം പറഞ്ഞു. ഇന്ത്യയിൽ ഇൗ വിലയിൽ ഗോറില്ല ഗ്ലാസ് ഫൈവിെൻറ സുരക്ഷ ലഭിക്കുന്ന ഇന്ത്യയിലെ ആദ്യ ഫോണായിരിക്കും കാൻവാസ്-2 എന്നും രാഹുൽ ശർമ്മ അവകാശപ്പെട്ടു.
വായനക്കാരുടെ അഭിപ്രായങ്ങള് അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.