തിരുവനന്തപുരം: ബി.എസ്.എൻ.എൽ ലാൻഡ് ഫോണുകളിൽ ഞായറാഴ്ചകളിൽ നൽകിവന്ന 24 മണിക്കൂർ സൗജന്യ കോൾ സൗകര്യം നിർത്തലാക്കുന്നു. ഫെബ്രുവരി ഒന്നുമുതൽ ഇൗ സൗകര്യം ലഭ്യമാകില്ലെന്ന് കാട്ടി ബി.എസ്.എൻ.എൽ എല്ലാ സർക്കിളുകൾക്കും സർക്കുലറയച്ചു. ഉപഭോക്താക്കളെ മുൻകൂട്ടി വിവരമറിയിക്കണമെന്നും സർക്കുലറിലുണ്ട്. മൊബൈൽ ഫോണുകളുടെ കടന്നുകയറ്റത്തിൽ ലാൻഡ്ഫോണുകളെ സംരക്ഷിക്കുകയും പ്രചാരം വർധിപ്പിക്കുകയും ചെയ്യുക എന്ന ലക്ഷ്യത്തോടെ പ്രഖ്യാപിച്ച ആനൂകൂല്യങ്ങളിലൊന്നാണ് ഞായറാഴ്ചകളിലെ സൗജന്യവിളി സൗകര്യം.
ഞായറാഴ്ചകളിൽ 24 മണിക്കൂർ സൗജന്യമായി വിളിക്കുന്ന ഓഫർ ഒഴിവാക്കുമ്പോഴും രാത്രിയിൽ ലഭിക്കുന്ന നൈറ്റ് ഓഫർ ലഭ്യമാകുമെന്നാണ് അധികൃതരുടെ വിശദീകരണം. ജനുവരി ഒന്നിനുതന്നെ ഹിമാചൽപ്രദേശ് സർക്കിളിൽ ഞായറാഴ്ചകളിലെ 24 മണിക്കൂർ സൗജന്യ കോൾ ഓഫർ പിൻവലിച്ചിരുന്നു.
വായനക്കാരുടെ അഭിപ്രായങ്ങള് അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.