പാരിസ്: 25ാം ഗ്രാൻഡ് സ്ലാം കിരീടം തേടുന്ന നൊവാക് ദ്യോകോവിച് ഫ്രഞ്ച് ഓപൺ ടെന്നിസ് മൂന്നാം റൗണ്ടിൽ പ്രവേശിച്ചു. പുരുഷ സിംഗ്ൾസ് രണ്ടാം റൗണ്ടിൽ ഫ്രാൻസിന്റെ കോറന്റിൻ മൂട്ടെറ്റിനെയാണ് സെർബിയൻ സൂപ്പർ താരം തോൽപിച്ചത്.
സ്കോർ: 6-3, 6-2, 7-6. ഇറ്റലിയുടെ ലോറെൻസോ മുസേറ്റി അർജന്റീന താരം മാരിയാനോ നവോനെ ഉയർത്തി വെല്ലുവിളി മറികടന്ന് പ്രീക്വാർട്ടറിലെത്തി. സ്കോർ: 4-6, 6-4, 6-3, 6-2 വനിതകളിൽ ടോപ് സീഡ് ബെലറൂസിന്റെ അരീന സബലങ്കയും പോളണ്ടിന്റെ ഇഗ സ്വിയാറ്റക്കും പ്രീ ക്വാർട്ടറിൽ പ്രവേശിച്ചിട്ടുണ്ട്.
സെർബിയയുടെ ഒൽഗ ഡാനിലോവിചിനെ 6-2, 6-3നാണ് സബലങ്ക മടക്കിയത്. റുമേനിയൻ താരമായ ജാക്വലിൻ ക്രിസ്റ്റ്യനെ 6-2, 7-5ന് ഇഗയും പറഞ്ഞുവിട്ടു. കനേഡിയൻ കൗമാര താരം വിക്ടോറിയ എമ്പോകോയെ 6-3, 6-4ന് വീഴ്ത്തി ഒളിമ്പിക് ചാമ്പ്യൻ ഷെങ് ക്വിൻവെനും അവസാന 16ലെത്തി.
വായനക്കാരുടെ അഭിപ്രായങ്ങള് അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.