പാരിസ്: നൊവാക് ജോകോവിച്ചും റാഫേൽ നദാലും ഫ്രഞ്ച് ഓപൺ ടെന്നിസ് നാലാം റൗണ്ടിൽ കടന്നു. സെർബിയൻ താരമായ ജോകോവിച്ച് 6-3, 6-3, 6-2ന് സ്ലൊവേനിയയുടെ അൽജാസ് ബെഡേനെയെയാണ് തോൽപിച്ചത്. നെതർലൻഡ്സിന്റെ ബോട്ടിക് വാൻ ഡെ സാൻഡ്സ്ഷുൽപ്പിനെ 6-3, 6-2, 6-4ന് സ്പാനിഷ് താരമായ നദാലും വീഴ്ത്തി.
ജോകോവിച്ച് അർജന്റീനയുടെ ഡീഗോ ഷ്വാർട്സ്മാനെയും നദാൽ കാനഡയുടെ ഫെലിക്സ് ഓഗർ അലിയാസിമിനെയും നേരിടും. നദാലും ജോകോവിച്ചും ജയിച്ചാൽ ക്വാർട്ടർ ഫൈനലിൽ ഇരുവരും മുഖാമുഖം വരും. ഇന്ത്യയുടെ രോഹൻ ബൊപ്പണ്ണ- നെതർലൻഡ്സിന്റെ മാത്വെ മിഡെൽകൂപ് സഖ്യം ഡബ്ൾസ് ക്വാർട്ടറിലെത്തി. ക്രൊയേഷ്യയുടെ നികോള മെക്റ്റിക്-മേറ്റ് പാവിക് ജോടിയെ 6-7 (5), 7-6 (3), 7-6 (10) സ്കോറിനാണ് പരാജയപ്പെടുത്തിയത്.
വായനക്കാരുടെ അഭിപ്രായങ്ങള്‍ അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.