ഡേവിസ് കപ്പ്: ഇന്ത്യക്ക് തരംതാഴ്ത്തൽ

ഹില്ലെറോഡ് (ഡെന്മാർക്): ഡേവിസ് കപ്പ് ടെന്നിസ് ലോക ഗ്രൂപ് പ്ലേ ഓഫ് മത്സരത്തിൽ തോറ്റ ഇന്ത്യ ലോക ഗ്രൂപ് രണ്ടിലേക്ക് തരംതാഴ്ത്തപ്പെട്ടു. ഡെന്മാർക്കിനോട് 2-3ന്റെ പരാജയം ഏറ്റുവാങ്ങിയാണ് ഇന്ത്യയുടെ പുറത്താവൽ. 

സിംഗ്ൾസിൽ ഡാനിഷ് താരം ഹോൾഗർ റൂണെ 2-6, 2-6ന് ഇന്ത്യയുടെ യുകി ബാംബ്രിയെ തോൽപിച്ചപ്പോൾ സുമിത് നഗൽ 6-4, 3-6, 4-6 സ്കോറിൽ ഓഗസ്റ്റ് ഹോംഗ്രെനിനെ വീഴ്ത്തി തിരിച്ചടിച്ചു. റൂണെ-ജൊഹാനസ് ഇൻഗിൽസെൻ സഖ്യം ഡബ്ൾസിൽ യുകി ബാംബ്രി-രോഹൻ ബൊപ്പണ്ണ ജോടിയെ 2-6, 4-6ന് പരാജയപ്പെടുത്തി.

സിംഗ്ൾസിൽ റൂണെയോട് സുമിത് നഗൽ 5-7, 3-6ന് മുട്ടുമടക്കിയതോടെ 1-3. എന്നാൽ, ആതിഥേയ താരം എൽമർ മോളറെ 6-4,7-6(1)ന് കീഴടക്കി ഇന്ത്യയുടെ പ്രജനീഷ് ഗുണേശ്വരൻ പരാജയത്തിന്റെ ആഴം കുറച്ചു. 2019ൽ പുതിയ ഫോർമാറ്റിലേക്ക് മാറിയ ശേഷം ഇതാദ്യമായാണ് ഇന്ത്യ ഗ്രൂപ് രണ്ടിലേക്ക് തരംതാഴ്ത്തപ്പെടുന്നത്.