ഇന്ത്യൻ വെൽസ് ഓപൺ ഡബ്ൾസ് കിരീടവുമായി രോഹൻ ബൊപ്പണ്ണയും മാത്യു എബ്ഡെനും
അരിസോണ (യു.എസ്): എ.ടി.പി മാസ്റ്റേഴ്സ് 1000 ടെന്നിസ് ടൂർണമെന്റിൽ കിരീടം നേടുന്ന പ്രായംകൂടിയ താരമായി ഇന്ത്യയുടെ രോഹൻ ബൊപ്പണ്ണ. ഇന്ത്യൻ വെൽസ് ഓപൺ പുരുഷ ഡബ്ൾസിൽ ആസ്ട്രേലിയയുടെ മാത്യു എബ്ഡെനൊപ്പം ചേർന്ന് ടോപ് സീഡായ വെസ്ലി കൂൾഹോഫ് (ഡെന്മാർക്)-നീൽ സ്കുപ്സ്കി (ബ്രിട്ടൻ) സഖ്യത്തെ 6-3, 2-6, 10-8 എന്ന സ്കോറിനാണ് 43കാരനായ ബൊപ്പണ്ണ പരാജയപ്പെടുത്തിയത്.
2015ൽ സിൻസിനാറ്റി മാസ്റ്റേഴ്സിൽ കാനഡയുടെ ഡാനിയൽ നെസ്റ്റർ 42 വയസ്സിൽ കിരീടം നേടിയതായിരുന്നു റെക്കോഡ്. 24 എ.ടി.പി ഡബ്ൾസ് കിരീടങ്ങൾ സ്വന്തമാക്കിയ താരമാണ് ബൊപ്പണ്ണ. രണ്ടെണ്ണം 2015ൽ നെസ്റ്ററെ പങ്കാളിയാക്കി നേടിയതായിരുന്നു. നെസ്റ്റർ അടുത്ത സുഹൃത്താണെന്നും റെക്കോഡ് തകർത്ത വിവരം അറിയിച്ച് സന്ദേശമയച്ചെന്നും ബൊപ്പണ്ണ പറഞ്ഞു.
വായനക്കാരുടെ അഭിപ്രായങ്ങള്‍ അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.