ഹാലെ: വിംബ്ൾഡൺ ടെന്നിസിന് മുന്നോടിയായ ഹാലെ ഒാപണിൽ റോജർ ഫെഡറർ ഫൈനലിൽ. പുരുഷ സിംഗ്ൾസ് സെമിയിൽ റഷ്യയുടെ പുതുമുഖ താരം കാരെൻ കചനോവിനെ 6-4, 7-5 സ്കോറിന് വീഴ്ത്തിയാണ് ടോപ് സീഡ്താരമായ ഫെഡറർ കിരീടപ്പോരാട്ടത്തിന് ഇടംനേടിയത്. ക്വാർട്ടറിൽ നിലവിലെ ചാമ്പ്യൻ ഫ്ലോറിയാൻ മേയേഴ്സിനെ നേരിട്ടുള്ള സെറ്റുകൾക്ക് കീഴടക്കിയ ഫെഡറർ, സെമിയിലെ വെല്ലുവിളിയും അനായാസം മറികടന്ന് വിംബ്ൾഡൺ തയാറെടുപ്പ് സജീവമാക്കി. കളിമൺ കോർട്ട് സീസൺ ഉപേക്ഷിച്ച ഫെഡറർ വിംബ്ൾഡണിന് മുന്നോടിയായാണ് രണ്ടുവർഷത്തെ ഇടവേളക്കുശേഷം ഹാലെയിൽ മത്സരിക്കാനെത്തിയത്. അലക്സാണ്ടർ സ്വരേവ്-റിച്ചാർഡ് ഗാസ്ക്വറ്റ് മത്സരത്തിലെ വിജയിയാവും ഫൈനലിലെ എതിരാളി.
വായനക്കാരുടെ അഭിപ്രായങ്ങള് അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.