ബ്രിസ്ബെയ്ൻ: ലോക ഒന്നാം നമ്പർ ടെന്നീസ് താരം റാഫേൽ നദാൽ ബ്രിസ്ബെയ്ൻ ഒാപണിൽനിന്നും പിന്മാറി. കാൽ മുട്ടിനേറ്റ പരിക്കുകാരണമാണ് താരം ബ്രിസ്ബെയ്ൻ ഒാപണിൽനിന്നും പിന്മാറുന്നത്. എന്നാൽ, ആസ്ട്രേലിയൻ ഒാപണിൽ കോർട്ടിലേക്ക് തിരിച്ചെത്തുമെന്നും താരം സൂചിപ്പിച്ചു.
ആസ്ട്രേലിയൻ ഒാപണിനു മുന്നോടിയായി നടത്തുന്ന ബ്രിസ്ബെയ്ൻ ഒാപൺ വെള്ളിയാഴ്ച മുതൽ ജനുവരി ഏഴുവരെയാണ്. ജനുവരി 15നാണ് ആസ്ട്രേലിയൻ ഒാപൺ ആരംഭിക്കുന്നത്. ലണ്ടനിലെ വേൾഡ് ടൂർ ഫൈനലിൽ ഡേവിഡ് ഗോഫിനിനോട് തോറ്റതിനുശേഷം നദാൽ മത്സരത്തിനിറങ്ങിയിട്ടില്ല. ബ്രിസ്ബെയ്ൻ ഒാപണോടുകൂടെ പുതിയ സീസൺ ആരംഭിക്കാനായിരുന്നു താരം നേരത്തെ പദ്ധതിയിട്ടത്.
വായനക്കാരുടെ അഭിപ്രായങ്ങള് അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.