എഡ്മോണ്ടൻ: കാനഡക്കെതിരായ ഡേവിസ് കപ്പ് പ്ലേഒാഫ് മത്സരത്തിൽ ഇന്ത്യ പുറത്തായി. നിർണായകമായ അവസാന ദിനം ഇന്ത്യക്ക് ഒരു ജയവും ഒരു തോൽവിയുമായതോടെ 3-2ന് തോറ്റാണ് പ്ലേ ഒാഫ് കടമ്പ കടക്കാതെ ഇന്ത്യ പുറത്തായത്. തിങ്കളാഴ്ച നടന്ന ആദ്യ മത്സരത്തിൽ ലോക 51ാം താരമായ ഡെന്നിസ് ഷാപലോവിനോട് രാംകുമാർ രാമനാഥൻ തോറ്റതോടെ ഇന്ത്യ തോൽവി ഉറപ്പിച്ചു. 6-3, 7-6, 6-3 സ്കോറുകൾക്കാണ് രാംകുമാർ കീഴടങ്ങിയത്. ഇതോടെ, യുക്കി ബാംബ്രി- ബ്രാഡ്ലി ഷൂനർ മത്സരം അപ്രസക്തമായി. ഇൗ മത്സരത്തിൽ ബാംബ്രി 6-4, 4-6, 6-4 സ്കോറിന് വിജയിച്ചെങ്കിലും കാര്യമുണ്ടായില്ല. ഇതോടെ, തുടർച്ചയായ നാലാം വർഷവും പ്ലേ ഒാഫ് കടക്കാൻ ഇന്ത്യക്കായില്ല. സെർബിയ, ചെക്ക് റിപ്പബ്ലിക്, സ്പെയിൻ എന്നിവരോട് തോറ്റാണ് കഴിഞ്ഞവർഷങ്ങളിൽ പുറത്തായത്.
വായനക്കാരുടെ അഭിപ്രായങ്ങള് അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.